গালাতীয় 1:12 - Chakma Bible

¹² মুই কনঅ মান্‌জ্যত্তুন্ সিয়েন ন-পাং বা কেঅ মরে সিয়েন ন-শিগায়, বরং যীশু খ্রীষ্ট নিজেই মইধু সিয়েন ফগদাং গোজ্জ্যে।

গালাতীয় 1:12 Iomraidhean Croise

১ করিন্হীয় 11:23

মুই তমারে যে শিক্ষ্যেনি দুয়োং সিয়েনি মুই প্রভুত্তুন্ পেইয়োং। যে রেদোত্ প্রভু যীশুরে শত্রুগুনো আঢত্ ধুরি দিয়্যে ওইয়্যে,

১ করিন্হীয় 2:10

মাত্তর্ গোজেনে তার্ আত্মার্ মাধ্যমে সিয়েনি আমা ইধু ফগদাং গোজ্জ্যে, কিয়া পবিত্র আত্মার্ অজানা কিচ্চু নেই; এমন্‌ কি, তে গোজেনর্ গভিন পৌইদ্যেনেয়ো কোই পারে।

২ করিন্হীয় 10:7

তুমি দঅ বারেদি চেঙেরাগান দেগর্। কেঅ যুনি নিজোরে খ্রীষ্টর্ বিলিনে বিশ্বেজ্ গরে তো ইয়েন্অ তার্ চিন্তে গরানা উচিত যে, তে যেবাবোত্যেগুরি খ্রীষ্টর্ সেবাবোত্যেগুরি আমিয়ো খ্রীষ্টর্ মানুচ্।

২ করিন্হীয় 12:1

মত্তুন্ আরঅ এক্কেনা দেমাগ্ দেগা পরের্। যুনিয়ো সিয়েনত্ কনঅ লাভ নেই তো প্রভু যেদক্কানি দর্শন মরে দেগেয়্যে আর যিয়েনি মইধু ফগদাং গোজ্জ্যে সে পৌইদ্যেনে মুই ইক্কিনে কোম্।

গালাতীয় 1:1

মুই পৌল খ্রীষ্টর্ এক্কো প্রচারক। এ প্রচারক-পদ্‌তান কনঅ মান্‌জ্যত্তুন্ বা কনঅ মান্‌জ্যর্ ভিদিরেত্তুন্ মুই ন-পাং, বরং যীশু খ্রীষ্ট আর বাবা গোজেন, যিবে খ্রীষ্টরে মরণত্তুন্ জেদা গুরিনে তুল্ল্যে, তারার্ মাধ্যমে মুই সিয়েন পেয়োং।

গালাতীয় 1:16

মুই যেন অযিহূদীগুনো ইধু খ্রীষ্ট পৌইদ্যেনে গম হবর্ প্রচার গরং, ইয়েনত্যে গোজেনে যেক্কে তার্ আওজ্ মজিম তা পুয়োবোরে মইধু ফগদাং গুরিলো সেক্কে মুই কনঅ মান্‌জ্য লগে সল্লা ন-গরং।

গালাতীয় 2:2

গোজেনর্ আওজ্‌চান ফগদাং অনার্ পরেদি মুই সিধু গেলুং। যে গম হবরান্ মুই অযিহূদীগুনো ইধু প্রচার গুরি থাং সিয়েন কলুং। মন্ডলীর গণ্যমান্য মানুচ্চুনো ইধু সিয়েনি বেক্কানি ভিদিরে ভিদিরে কলুং, কিয়া মর্ দর্ লাগেত্তে, অয়ত মুই অনত্তক্ কাম গরঙর্ বা গোজ্জ্যং।

ইফিষীয় 3:3

তার্ গুমুরো উদ্দেচ্চ্যগান তে বিশেষ কধালোই মরে জানেয়্যে, আর এ বেপারান মুই তমা ইধু কম্ কধালোই লিগিলুং।

১ থিষলনীকীয় 4:15

প্রভুর্ শিক্ষ্যে মজিম আমি তমারে কোর্, আমি যিগুনে জেদা আঘিই আর প্রভুর্ ফিরি এজানা সং জেদা থেবং, আমি কনঅ বাবদে সেই মরাগুনোর্ আগে ন-যেবং।