গালাতীয় 1:10 - Chakma Bible

¹⁰ মুই ইয়েনত্ কার প্রশংসা পেবার চেষ্টা গরঙর্, মান্‌জ্যর না গোজেনর্? না কি মান্‌জ্যরে হুজী গুরিবার চেষ্টা গরঙর্? মুই যুনি এজঅ মান্‌জ্যরে হুজী গুরিবার চেষ্টা গরং সালে দঅ মুই খ্রীষ্টর্ চাগর নয়।

গালাতীয় 1:10 Iomraidhean Croise

মথি লেখ্যে গম্ হবর্ 22:16

তারা হেরোদ দলর্ কয়েক্কো মান্‌জ্য লগে নিজোর্ কয়েক্কো শিচ্চ্যরে যীশু ইধু পাধেলাক। তারা যীশুরে কলাক্, “মাষ্টরবাবু, আমি হবর্ পেই তুই এক্কো গম্ মানুচ্। গোজেন পথ্‌তান পৌইদ্যেনে তুই সত্য শিক্ষ্যে দি থাচ্। মান্‌জ্যে কি মনে গুরিবাক্ ন-গুরিবাক্ সিয়েনিলোই তর্ কি অয়, কিয়া তুই কারঅ মু চেইনে কিচ্ছু ন-গরচ্।

মথি লেখ্যে গম্ হবর্ 28:14

এ কধাগান্ যুনি আজল্ শাসনগুরিয়্যেবো শুনে সালে আমি তারে বুঝেবং আর সাজা আঢত্তুন্ তমারে রোক্ষ্যে গুরিবোং।”

মথি লেখ্যে গম্ হবর্ 6:24

কনজনে দ্বিবে গিরোজরে সেবা গুরি ন-পারে, কিয়া তে একজনরে ঘিনেব আর অন্যজনরে কোচ্‌পেব। তে একজন উগুরে মনযোগ দিবো আর অন্যজনরে ঈচ্ গুরিবো। গোজেন আর ধন-সোম্বোত্তিরে এ দ্বিয়েনর্ সেবা তুমি একসমারে গুরি ন-পারঅ।

প্রেরিত্‌ 12:20

সে সময়োত্ হেরোদে সোর আর সীদোন শঅর মানুচ্চুনো উগুরে রাগে আগুন অলঅ। সেক্কে সিধুগো মানুচ্চুনে এক সমারে মিলিনে হেরোদ লগে দেগা গুরিবাত্যে গেলাক্। বাস্ত নাঙে রাজার্ ঘুমাইদ্যে ঘরর্ বিশ্বেজি চাগর্‌বোরে নিজোর্ পক্ষে আনিনে তারা রাজা লগে এক্কান মিট্‌মাট গুরিবাত্তে চেলাক্, কিয়া রাজা হেরোদ দেজত্তুন্ তারার্ দেজত্ হানা এদঅ।

প্রেরিত্‌ 5:29

সেক্কে পিতরে আর অন্য প্রচারক্কুনে জোব্ দিলাক্, “মান্‌জ্যর্ উগুম পালানাত্তুন্ বরং গোজেনর্ উগুম আমার পালানা উচিত্।

রোমীয় 1:1

10 মুই খ্রীষ্ট যীশুর্ চাগর্ পৌল রোম শঅরর্ বিশ্বেজিগুনো ইধু এ চিধিগান্ লেগঙর্। তার প্রচারক্ অবাত্যে গোজেনে মরে ডাক্ক্যে আর তার দিয়্যে গম্ হবরান্ প্রচার গুরিবাত্যে বেঈ লোইয়্যে।

রোমীয় 2:29

মাত্তর্ মনেদি যে যিহূদী তেয়ই আজল্ যিহূদী। আজল্ চুনু মাঢাবো চামান কাবানার্ কামান্ মন ভিদিরে অয়। ইয়েন পবিত্র আত্মার্ কাম্, লেক্ক্যে আইন মানিবার্ কাম্ নয়। এ বাবোত্যে মানুচ্‌ মান্‌জ্যর্ বাঈনী ন-পায় ঠিগ্, মাত্তর্ গোজেনত্তুন্ বাঈনী পায়।

রোমীয় 2:8

মাত্তর্ যিগুনে নিজো আওজ্ মজিম চলন্ আর সত্যগানরে ন-মানিনে অন্যেয়ানরে মানি চলন্ গোজেনে তারারে জদবদে সাজা দিবো।

২ করিন্হীয় 12:19

তমার্ কি মনে অয়, এ চিধিগানর্ মাধ্যমে আমি তমা ইধু নিজোর্ পক্ষে কধা কোর্? খ্রীষ্ট সমারে মিজেইনে আমি গোজেন মুজুঙোত্ কধা কোর্। কোচ্‌পেইয়্যে ভেইয়ুন, তমারে উগুরেদি তুলিবাত্যে আমি ইয়েনি কোর্।

ইফিষীয় 6:6

মান্‌জ্যরে হুজী গুরিবার মনভাব্‌পোই তমা গিরোজ্‌চুনোর চোগো মুজুঙোত্ বানা তারার্ বাধ্য ন-ওইয়ো; তাত্তুন্ বরং খ্রীষ্টর্ চাগর্ ইজেবে গোজেনর্ আওজ্‌চান মনেপরাণে পালেইনে তুমি গিরোজ্‌চুনোর বাধ্য ওইয়ো।

ফিলিপীয় 1:1

তীমথিয় আর মুই পৌল-আমি খ্রীষ্ট যীশুর চাগর্। খ্রীষ্ট যীশু লগে এগত্তর্ ওইয়্যে গোজেনর্ যিদুক্কুন মানুচ্ ফিলিপী শঅরত্ আঘন্ আমি তারা ইধু আর তারার্ পরিচালগ্‌‌কুনো ইধু আর সেবা গুরিয়্যেগুনো ইধু লিগির্।

কলসীয় 3:22

তুমি যিগুনে চাগর্, তুমি বেক্কানি পৌইদ্যেনে তমার্ এ জগদর্ গিরোজ্‌চুনোর বাধ্য থেয়ো। যেক্কে তারা তমারে খিয়েল গরন্ বানা সেক্কে যে তারারে হুজী রাগেবাত্যে তারার্ বাধ্য থেবা সিয়েন নয়, বরং খাটি মনে প্রভু উগুরে ভোক্তি রাগেনে তারার্ বাধ্য থেয়ো।

১ থিষলনীকীয় 2:4

বরং যগাজ্জ্যে মনে গুরিনে গম হবর্ জানেবার ভারান্ গোজেনে আমা উগুরে দিয়্যে বিলিনে আমি সে ইজেবে কধা কোর্। মান্‌জ্যরে হুজী গুরিবাত্যে আমি এ কধানি ন-কোর্, মাত্তর্ যিবে আমার রিবেঙানি যাচাই গুরি চায় সেই গোজেনরে হুজি গুরিবাত্যে কোর্।

যাকোব 4:4

অবিশ্বেজি-মানুচ্চুন্! তুমি কি কোই ন-পারঅ, জগদর্ দাংগু অনা মানে গোজেনর্ শত্রু অনা? সেনত্যে যে কেঅ জগদর্ দাংগু অবার্ আওজ্ গরে তে নিজোরে গোজেনর্ শত্রু বানায়।

১ যোহন 3:9

গোজেনত্তুন্ যিবের্ জর্ম ওইয়্যে তে পাপত্ পড়ি ন-থায়, কিয়া গোজেনর্ খাচ্চ্যত্ তা ভিদিরে থায়। গোজেনত্তুন্ জর্ম ওইয়্যে বিলিনে তে পাপত্ পড়ি থেই ন-পারে।

১ শমূয়েল 21:7

দোয়েগ নাঙে শৌলর এক্কো ইদোমীয় কামগুরিয়্যে সেদিন্যে লগেপ্রভুর নাঙে কনঅ কামত্‌ সিয়েনত্‌ আক্‌সো যেয়্যেগোই। তে এলদে শৌলর য়েমানচোরেইয়্যের নেতাবো।