ইষ্রা 9:7 - Chakma Bible

⁷ আমা পূরোণিমানুচ্চুনোর্ সময়োত্তুন্ ধুরি আরাম্ভ গুরিনে এচ্চ্যে সং আমি বোউত্ পাপ গোজ্যেই। আমা পাপত্যেই আমার আর আমা রাজাগুনোর্ আহ্ আমা ধর্মগুরুগুনোর অন্য রাজাগুনোর্ আঢত্ মোজ্যন্, বন্দীদযা, লুদো খানা আর অসর্মান ওইয়োন, আর এজঅ সেই অবস্থাগান রোইয়্যে।

ইষ্রা 9:7 Iomraidhean Croise

১ রাজাবলী 8:47

সেক্কে বন্দী ওইয়্যে সে দেজত্‌ যুনি তারা মনানি ফিরান্‌ আর নিজো দুষছান বুজিনে তরে কোজোলি গুরি কন্‌, আমি পাপ গোজ্যেই, অন্যেই গোজ্যেই আর ভাজন্যেই পধন্দি আদির্‌, সেক্কে তুই তারার্‌ তবনাগান শুনিচ্‌।

২ বংশধর 29:6

আমা পূরোণি মানুচ্চুনে অবিশ্বেজি ওইয়োন; আমা গোজেন লগেপ্রভুর চোগেন্দি যিয়েনি ভান্ন্যেই তারা সিয়েনি গুরিলাক্‌ আর তারে ছাড়িনে গেলাক্‌। লগেপ্রভুর থেবার জাগানত্তুন্‌ তারা মুয়োনি ফিরেই নেযেয়োন আর তাত্তুন্‌ পিজেন্দি ফিজ্যন্‌।

২ বংশধর 30:7

তুমি তমা পূরোণি মানুচ্‌ আর ইস্রায়েলীয় ভেইয়ুনো ধোক্ক্যেন ন-অবা। তারা তারার্‌ পূরোণি মানুচ্চুনোর্‌ গোজেন লগেপ্রভু উগুরে অবিশ্বেজি ওইয়োন্‌ বিলিনে তে তারারে অমকদ সাজা দিলো। তুমি দঅ সিয়েনি দেগর্‌।

ইষ্রা 9:13

“আমা ভান্ন্যেই কাম আর আমা দাঙর্ পাপত্যে আমা উগুরে ইয়েনি ঘদের্, মাত্তর্ তো ও আমার্ গোজেন, আমা পাপর পাওনা মজিম তুই আমারে কম্ সাজা দুয়োচ্ আর আমার কিজু মান্‌‌জ্যরে বাঁজি থাগদে দুয়োচ্।

নহিমিয় 9:30

মাত্তর্‌ তো ভালোক্‌ বজর্‌ ধুরিনে তুই তারার্‌ উগুরে ধৈয্য ধোজ্যস্‌। তর্‌ ভাববাদীগুনোর্‌ মাধ্যমে তঅ আত্মালোই তু্‌ই তারারে উজিয়ার্‌ গোজ্যস্‌, মাত্তর্‌ সেক্কেয়ো তারা কান ন-পাদন্‌। সেনত্তেই নানান্‌ জাদর্‌ আঢত্‌ তুই তারারে তুলি দুয়োচ্‌।

যিশাইয় 64:4

সেই পুরোণি কালত্তুন্ ধুরি তুই বাদে আর কনঅ গোজেন কধা কনজনে কানেয়ো ন-শুনোন্ চোগেদিয়ো ন-দেগন, যিবে তার্ বাজ্জ্যে থেই পারেদে মানুচ্চুনোত্তে কাম্ গুরি থায়।

যিরমিয় 25:18

মুই যিরূশালেম আর যিহূদার শঅরানিত্ আর তার রাজাগুনোরে আর রাজকর্মচারীগুনোরে হাবেলুং, যেন তারা এচ্চ্যে যেবাবোত্যে আগন সেবাবোত্যে ভস্তর্, অমকদ দর্‌গরেপারা, ঠাট্টার আর অভিশাবর্ জাগাত্ থান।‌‌‌‌

যিরমিয় 3:25

এজঅ, আমি আমার লাজ্ গরেপারা কামানি ইধু পুরি থেই, আমা অগমানানিয়ে আমারে ঢাগি ফেলোক্। চিগোনত্তুন্ ধুরি এচ্চ্যে সং আমি আমার গোজেন লগেপ্রভুর বিরুদ্ধে পাপ গুরি এজির্, আর আমা পুরোণি মানুচ্চুনেয়ো সিয়েনি গোজ্যন। আমি আমার গোজেন লগেপ্রভুর বাধ্য ন-ওই।”

যিরমিয় 32:23

তারা এইনে সিয়েন গজক্ গোজ্যন্, মাত্তর্ তারা তঅ কধা ন-শুনোন্ আর তর্ সুদোম্ মজিম ন-চলন্; তুই যিয়েনি গুরিবাত্তে তারারে উগুম দুয়োচ্ সিয়েনি কিচ্চু তারা ন-গরন। সেনত্তে এ দজানি তুই তারা উগুরে আন্যচ্।

যিরমিয় 32:32

কিত্তে ইস্রায়েল অার যিহূদার মানুচ্চুন, তারার বেক্ রাজা আর রাজার কামগুরিয়্যেগুন, ধর্মগুরু আর ভাববাদীগুন আহ্ যিহূদা যিরূশালেমর মানুচ্চুনে তারার বেক্ ভান্ন্যেই কামানিলোই মরে অহুজি গোজ্যন্।

যিরমিয় 44:22

তমা ভান্ন্যেই আর জঘন্য কামানি লগেপ্রভু যেক্কে আর সোজ্য গুরি ন-পারিলো সেক্কে তমা দেজ্‌‌‌‌চান মানুচ্ নেইয়্যে, ভস্ত ওইয়্যে জাগা আর ঈচ্ গরে পারা ওই গেলঅ আর সে দেজ নাঙান মানুচ্চুনে অভিশাব্ ইজেবে বেবহার গরন। এজঅ সেবাবোত্যে রোইয়্যে।

যিরমিয় 44:9

যিহূদা দেজত্ আর যিরূশালেমর পধে পধে তমা পুরোণি মানুচ্চুনোর, যিহূদার রাজা আর রাণিগুনোর আর তমার্ আর তমা মোগ্‌কুনোর পাচ্চ্যেমির্ কধানি কি তুমি ভুলি যেইয়ো?

আবিলেচ্ 5:7

আমা পুরোণি মানুচ্চুনে পাপ গোজ্যন্; তারা ইক্কিনে আর নেই, মাত্তর্ আমি তারার্ সাজানি বুয়োই নেযের্।

যিহিষ্কেল 11:9

মুই শঅরত্তুন্ তমারে লোড়েইনে নিগিলে দিইনে বিদেশীগুনো আঢত্ তুলি দিম আর তমারে সাজা দিম্।

যিহিষ্কেল 39:23

আর জাদ্‌তুনে হবর্ পেবাক যে, ইস্রায়েলীয়গুনে তারার্ পাপত্তে বন্দীদজাত্ যেইয়োন, কিত্যে তারা মঅ উগুরে অবিশ্বেজি ওইয়োন্। সেনত্তে মর্ মুয়োন মুই তারাত্তুন্ ফিরেই রাগেয়োং আর শত্রুগুনো আঢত্ তারারে তুলি দুয়োং; তারা বেক্কুনে যুদ্ধোত্ মারা পোজ্যন্।

গণাণা 32:14

“আর তুমি, পাপীগুন, তমার বাপ-দাদাগুনোর্‌ জাগাত্‌ এইনে থিয়েইয়ো আর ইস্রায়েলীয়গুনো উগুরে লগেপ্রভুর রাগর্‌ আগুনান আরঅ বাড়েই দুয়ো।

১ শমূয়েল 12:15

মাত্তর্‌ যুনি তুমি লগেপ্রভুর বাধ্য ন-অ আর তার উগুমোর বিরুদ্ধে আদঅ, সালে তে যেধোক্ক্যেন তমার পূরোণি মানুচ্চুনোরে সাজা দিয়্যে সেধোক্ক্যেন তমারেয়ো দিবো।