ইষ্রা 9:3 - Chakma Bible

³ এ কধাগান শুনিনে মুই মনত্ দুঘে মর্ উজ্যে কাবড়ানি ফাদি ফেলেলুং আর মর্ মাঢাবো চুলানি আর দাড়িগানি ছিনিনে আমক্ ওইনে বোই রলুং।

ইষ্রা 9:3 Iomraidhean Croise

২ শমূয়েল 1:11

এ কধাগান শুনিনে দায়ূদ আহ্‌ তা সমারে এলাক্কে মানুচ্চুনে নিজো কাবড়ানি ফাদিলাক্‌।

২ রাজাবলী 18:37

ইয়েন পরেন্দি রাজঘর নেতা হিল্কিয়োর পুয়ো ইলীয়াকীম, রাজার লিগিয়্যে শিব্‌ন আর বিজগ লিগিয়্যে আসফর পুয়ো যোয়াহ তারার্‌ কাবড়ানি ফাদিনে হিষ্কিয়ো ইদু গেলাক্‌ আর রব্‌শাকির বেক্‌ কধানি তারে জানেলাক্‌।

নহিমিয় 1:4

এ কধানি শুনিনে মুই বজিনে কানা ধুরিলুঙ্‌। কয়েকদিন ধুরিনে মুই আবিলেচ্‌ খেলুঙ্‌ আর উবোস্‌ থেলুং আর স্বর্গর গোজেনর ইদু তবনা গুরিলুং।

নহিমিয় 13:25

মুই তারারে গেইল্‌ দিলুঙ্‌ আর কলুঙ্‌ তারা উগুরে যেনে অভিশাব্ লামি এজে। তারার্‌ কয়েক্কো মান্‌জ্যরে মুই মারিলুঙ্‌ আর চুলানি উগুরে ফেলেলুঙ্‌। গোজেনর নাঙে মুই তারারে দিইনে এ শমক্‌কান্ গোরেলুঙ্‌, তারা বিদেশী পূঅগুনোর্‌ লগে তারার্‌ ঝিগুনোরে বুয়ো ন-দিবাক্‌ আর নিজে বা তারার্‌ পূঅগুনে বিদেশী মিলেগুনোরে ন-লবাক্‌।

ইয়োব 1:20

এ কধাগান শুনিনে ইয়োবে থিয়্যেইনে মনত্‌ দুঘে তা কাবড়ান ফাদি ফেলেল আর চুলান্‌ কাবি ফেলেল। সে পরেন্দি মাদিত্‌ মাধা নিগিরিনে গোজেনরে তা মনর্‌ ভোক্তি জানেইনে কলঅ,

গীতসংহিতা 119:53

পাজি মানুচ্চুনোর পাজিগানি দেগিলে অমকদ মত্তুন্ রাগ লাগে; তারা দঅ তর্ উগুমানি বাদ দুয়োন।

গীতসংহিতা 143:4

সেনত্তে মুই আজা নেইয়্যে ওইয়োং; মঅ মনান্ বাজে ওই যেইয়্যে।

গীতসংহিতা 66:3

গোজেনরে কঅ, “তর্ কাম দেগিনে মনত্ কত্তমান দর্ আর ভোক্তি জাগে। তর্ দাঙর খেমতার মুজুঙোত্ তর্ শত্রুগুনে মাঢা লোঙেবার্ ভান গুরিবাক্।

যিশাইয় 15:2

মোয়াব মানুচ্চুনে কানিবাত্তে দীবোন মন্দিরোত্ আর পূজোর অজল্ জাগানত্ উদি যেয়োন। তারা নবো আর মেদবাত্তে আবিলেচ্ গত্তন্। তারার বেক্কুনোর্ মাঢাগুন্ মুড়ো ওইয়্যে আর দাড়িগানিয়ো কাবা ওইয়্যে।

যিরমিয় 36:24

রাজা আর তার যিদুক্কুন মান্‌জ্যে সে কধানি শুনিলাক্ তারা নয়ো দোরেলাক্ বা তারার কাবড়ানিয়ো ন-ফাদিলাক্।

যিরমিয় 7:29

ও যিরূশালেম, তঅ চুলান কাবিনে তুই দূরোত্ ফেলেই দে; গাজ্‌‌বাজ্ নেইয়্যে মুড়োমুড়িত্ আবিলেচ্ গরঅ, কিত্তে লগেপ্রভু তার রাগর্ তলে থেইয়্যে এ মানুচ্চুনোরে তে এলাফেলা আর বাদ দিয়্যে।

যিহিষ্কেল 3:15

যে বন্দীগুনে কবার গাঙ ইধু তেল-আবীবোত্ এলাক্ মুই তারা ইধু গেলুং। তারা যিয়েনত্ বজত্তি গুরিদাক্ মুই সিয়েনত্ তারা ভিদিরে সাত দিন সং আমক্ ওইনে বুয়োই রলুং।

যিহিষ্কেল 7:18

তারা বস্তা পাদা পিনিবাক্ আর অমকদ দরে গির্‌‌‌‌‌‌‌‌‌গিরেবাক্। তারা লাজত্ পড়িবাক্ আর তারার্ মাঢাগুন চুলানি মুড়েই দিয়্যে অবঅ।‌‌‌‌‌‌‌

দানিয়েল 4:19

সেক্কে দানিয়েল, অত্তাৎ বেল্টশৎসরে স্ববনান কধা চিদে গুরিনে দোরেল আর কিজু সময়োত্তে আমক্ ওই রলঅ। সেক্কে রাজা কলঅ, “ও বেল্টশৎসর, স্ববনান্ বা সিয়েনর্ ভেদ্‌তানে তরে চিন্তিত ন-গোরোক্।” বেল্টশৎসরে জোব্ দিলো ও মর্ প্রভু, এ স্ববনান্ আর সিয়েনর ভেদ্‌তান্ তঅ শত্রুগুনে উগুরে ঘোদোক্।

দানিয়েল 8:27

মুই দানিয়েল বল্‌‌‌পোজ্যে ওই পড়িলুং আর অসুগ্ ওইনে কয়েকদিন পড়ি থেলুং। সে পরেদি মুই উদিনে রাজার কাম গুরিবাত্তে গেলুং। মুই সেই দর্শনান্ দেগিনে অমকদ চিন্তেত্ পোজ্যং, কিয়া সেই দর্শনানর্ ভেদ্‌তান্ মুই বুঝি ন-পারিলুং।

লেবীয় 21:5

ধর্মগুরুগুনোর্‌ মাদা মুড়োনা, দাড়ির্‌ কাজানি কাবানা বা কিয়্যের্‌ কনঅ জাগাত্‌ ঘা গরানা ন-চলিবো।

মীখা 1:16

যে পুয়ো-ছাগুনোরে নিইনে তুমি হুজি অদা তারাত্তে আবিলেচ্ গুরিবাত্তে যেইনে তমা মাঢাগুন মুড়েই ফেলঅ; শকুনো মাঢা ধোক্ক্যেন তুমি মাঢাগুন টাক্ গুরি ফেলঅ, কিত্যে তারা বন্দী ওইনে তমাত্তুন্ দূরোত্ যেবাক্।

যিহোশূয় 7:6

সেক্কে যিহোশূয় আর ইস্রায়েলীয়গুনোর বুড়ো নেতাগুনে নিজোর কাবড়ানি ফাদিনে লগেপ্রভুর সুন্দুগোর মুজুঙোত্‌ সাজোন্যা সং মাদি উগুরে মাদা নিগিরিনে রলাক্‌। তারা নিজোর মাদা উগুরে ধূল্যে ছিদি দিলাক্‌।