ইষ্রা 7:6 - Chakma Bible6-7 ইষ্রা এলদে এক্কো ধর্ম-মাষ্টর্। ইস্রায়েলর গোজেন লগেপ্রভুর দিয়্যে মোশির রীদি-সুদোম বেপারে তার দোল্ জ্ঞান এলঅ। তার গোজেন লগেপ্রভুর আঢ্তানি তা উগুরে এলঅ বিলিনে তে যাহ্ চেদঅ রাজা তারে সিয়েনি দিদো। রাজা অর্তক্ষস্তর রাজাগিরির্ সাত বজরত্ যেক্কে ইষ্রা যিরূশালেমত্ এচ্চ্যে সেক্কে তা সমারে কিজু ইস্রায়েলীয় এচ্চ্যন্। তারা ভিদিরে এলাক্ ধর্মগুরু, লেবীয়, গানগেইয়্যে আর উবোসনা-ঘরর্ চুগিদার আর সেবাগুরিয়্যে। Faic an caibideil |
ইষ্রা 7:6
40 Iomraidhean Croise
পধত্ আমা শত্রুগুনো আঢত্তুন্ আমারে রোক্ষ্যে গুরিবাত্তে রাজা ইধু সৈন্য আর ঘোড়া বাহিনী চেবাত্তে মুই লাজেলুং, কিত্যে আমি রাজারে কোইয়্যেদে, “যিগুনে গোজেনর্ আওজ্ মজিম চলন্ তারার্ পত্তিজন উগুরে তার্ ভালেদির্ আঢ্ আঘে, মাত্তর্ যিগুনে তারে ছাড়িনে যান্ তার্ রাগ্কান্ আর সাজাগান্ তারার্ বেক্কুনো উগুরে লামি এজে।”
সে পরেন্দি শাজন্গুরিয়্যে নহিমিয়, ধর্মগুরু আর ধর্ম-মাস্টর্ ইষ্রা আর যে লেবীয়গুনে মানুচ্চুনোরে শিক্ষ্যে দেদন্ তারা বেক্ মানুচ্চুনোরে কলাক্কে, “এচ্ছ্যে এ দিন্নো তমার্ গোজেন্ লগেপ্রভুর নাঙে পবিত্র। তুমি আবিলেচ্ বা কানাকুদি ন-গুরিবা।” তে এ কধাগান কলঅ, কিত্যে মানুচ্চুনে বেক্কুনে রীদি-সুদোম কধানি শুনিনে কানদন্।
মুই এজানার্ পরেদি কনজনে সিয়েনত্ ন-এলঅ কিত্তে? মুই ডাগানার্ পরেদি জোব্ দিবাত্তে কনজন ন-এলঅ কিত্তে? তমারে উদ্ধোর্ গুরিবাত্তে মঅ আঢ্তান কি বেশ্ বাদি? তমারে উদ্ধোর্ গুরিবাত্তে মর্ কি খেমতার্ অভাব ওইয়্যে? বানা ধমক্ দিইনে মুই সাগরান শুগেই ফেলাং আর গাঙানি ধূল্যেচর গুরি দুয়োং; সিদুগোর মাছ্চুন পানি অভাবে পুযি যান আর পানি তিরেজে মুরি যান।
Sanasan