ইষ্রা 7:5 - Chakma Bible

⁵ বুক্কি অবীশূয়র পুয়ো, অবীশূয় পীনহসর পুয়ো, পীনহস ইলিয়াসরর পুয়ো আর ইলিয়াসরে এলদে আজল্ ধর্মগুরু হারোণর পুয়ো।

ইষ্রা 7:5 Iomraidhean Croise

১ বংশধর 6:4

ইলিয়াসর পুয়ো পীনহস, পীনহস পুয়ো অবিশূয়,

২ বংশধর 19:11

“লগেপ্রভুর বেক্কানি পৌইদ্যেনে আজল্‌ ধর্মগুরু অমরিয় আর রাজার বেক্কানি পৌইদ্যেনে যিহূদা-গুট্টির নেতা ইশ্মায়েলর পুয়ো সবদিয় তমা উগুরে নেযা অলঅ, আর লেবীয়গুনে তমারে বল্‌ দিবাক্‌। তুমি সাহস গুরিনে কাম্‌ গরঅ। যিগুনে গমেডালে কাম্‌ গুরিবা লগেপ্রভু তারারে লগে থেবঅ।”

২ বংশধর 26:20

আজল্‌ ধর্মগুরু অসরিয় আর অন্য বেক্‌ ধর্মগুরুগুনে তাইন্দি চেইনে তা কবালানত্‌ সে ফারাঙিগান্‌ দেগিলাক্‌। সেনত্তে তারা যাদিমাদি তারে নিগিলেই দিলাক্‌। তে নিজেয়ো যাদিমাদি নিগিলি যেবাত্তে চেলঅ, কিত্তে লগেপ্রভু তারে আঘাত্‌ গোজ্যে।

ইষ্রা 7:4

মরায়োৎ সরহিয়র পুয়ো, সরহিয় উষির পুয়ো, উষি বুক্কির পুয়ো,

ইষ্রা 7:6

ইষ্রা এলদে এক্কো ধর্ম-মাষ্টর্। ইস্রায়েলর গোজেন লগেপ্রভুর দিয়্যে মোশির রীদি-সুদোম বেপারে তার দোল্ জ্ঞান এলঅ। তার গোজেন লগেপ্রভুর আঢ্‌‌তানি তা উগুরে এলঅ বিলিনে তে যাহ্ চেদঅ রাজা তারে সিয়েনি দিদো। রাজা অর্তক্ষস্তর রাজাগিরির্ সাত বজরত্ যেক্কে ইষ্রা যিরূশালেমত্ এচ্চ্যে সেক্কে তা সমারে কিজু ইস্রায়েলীয় এচ্চ্যন্। তারা ভিদিরে এলাক্ ধর্মগুরু, লেবীয়, গানগেইয়্যে আর উবোসনা-ঘরর্ চুগিদার আর সেবাগুরিয়্যে।

যাত্রা 6:25

ইলিয়াসর পূয়ো অলঅ পীনহস। হারোণ পূয়ো ইলিয়াসর পূটীয়েল ঝিবোরে লোইয়ে আর তা পেদত্‌ পীনহসর জর্ম ওইয়্যে। ইগুনে এলাক্ লেবি-গুট্টির নানান্‌ বংশর আজলুন্।

লেবীয় 10:12

মোশি পরেদি হারোণরে আর তার্‌ বাগি দ্বিবে পূঅ ইলীয়াসর আর ঈথামররে কলঅ, “লগেপ্রভুর্ নাঙে আগুন্দোই গোজ্যে উৎসর্বর্ ভিদিরেত্তুন শোজ্য-উৎসর্বর যে ভাগ্‌কান বাগি আঘে, সিয়েন তুমি পূজোবো ইদু নেযেইনে খঅ, মাত্তর্ সিয়েন সদাছাড়া খা পুরিবো। ইয়েন দাঙর্ পবিত্র জিনিস।

লেবীয় 10:16

যে ছাগল্লো দিইনে পাপ-উৎসর্বর্ অনুষ্ঠান গরা ওইয়্যে তার য়েরাগান পৌইদ্যেনে হবর্ লোইনে মোশি জানি পারিলোদে, সিয়েন পুড়ি ফেলা ওইয়্যে। ইয়োত তে হারোণর বাগি দ্বিবে পূঅ ইলীয়াসর আর ঈথামর উগুরে বেজার্ ওইনে কলঅ,

লেবীয় 10:6

মোশি যেরেন্দি হারোণ আর তার্‌ দ্বিবে পূঅ ইলীয়াসর্‌ আর ঈথামররে কলঅ, “দুঘে তমার্ চুলানি বান্যেগান্‌ খুলি ন-দুয়ো আর কাবড় ফাদি ন-দুয়ো। সিয়েন্‌ গুরিলে তুমি মুরি যেবা আর গোদা ইস্রায়েল্‌ জাদ উগুরে লগেপ্রভু বেজার্ অবঅ। মাত্তর্‌ লগেপ্রভু যিগুনোরে আগুন্দোই মারে ফেলেয়্যে তারাত্তে তমার্ কুদুম্মোগুনে, অত্তাৎ অন্য ইস্রায়েলীয়গুনে আবিলেচ্ গুরি পারিবাক্।”

গণাণা 27:2

এই মিলেগুনে মিলন-তাম্বুলোত্‌ সুমিবার পদথ্‌ যেইনে মোশি আর ধর্মগুরু ইলিয়াসর আর বেক্‌ নেতাগুনে আর ইস্রায়েলীয়গুনোর্‌ মুজুঙোত্‌ থিয়্যেইনে কলাক্‌,

গণাণা 3:32

লেবীয়গুনোর বেগঅ দাঙর্‌ নেতা এলদে ধর্মগুরু হারোণর পূঅ ইলীয়াসর। পবিত্র তাম্বুলোর দেগাশুনো গুরিবার্‌ ভারান্‌ যিগুনোরে দিয়া ওইয়্যে তারারে দেগাশুনো গুরিবাত্তে ইলীয়াসররে নেযা ওইয়্যে।

গণাণা 31:31

লগেপ্রভু মোশিরে যেদক্কানি উগুম্‌ দিলো সেধোক্ক্যেন তে আর ধর্মগুরু ইলিয়াসরে বেক্কানি গুরিলো।

গণাণা 31:54

লগেপ্রভু যেনে ইস্রায়েলীয়গুনো উগুরে খিয়েল্ রাগায় সেনত্তে মোশি আর ধর্মগুরু ইলিয়াসরে আজার উগুরে নেতা আর শত উগুরে নেতাগুনোত্তুন্‌ সনার জিনিস্‌চানি নেযেইনে মিলন-তাম্বুলোত্‌ রাগেলাক্।

গণাণা 31:6

মোশি পত্তি গুট্টিত্তুন্‌ এক আজার্ গুরি মানুচ্‌ নেযেইনে তারারে যুদ্ধোত্‌ পাধেই দিলো। তারা সমারে ধর্মগুরু ইলিয়াসরর্‌ পূঅ পীনহসে গেলঅ। ইজিরে দিবার তূরীগুন্‌ আর কয়েক্কো সুদ্ধো-সাংগ জিনিস তে লগে নেযেল।

ইব্রীয় 5:4

দাঙর্ ধর্মগুরু অবার্ সর্মানান কেঅ নিজে লোই ন-পারে, মাত্তর্ গোজেনে যিবেরে ডাগে তেয়ই সেই সর্মানান পায়, যেধোক্ক্যেন দাঙর্ ধর্মগুরু অবাত্যে গোজেনে হারোণরে ডাক্ক্যে।

যিহোশূয় 14:1

অন্য ইস্রায়েলীয়গুনে কনান দেজত্‌ সোম্বোত্তি ইজেবে জাগা-জোবিন্ পেলাক্‌। ধর্মগুরু ইলীয়াসর, নূনর পূঅ‌ যিহোশূয় আর ইস্রায়েলীয়গুনোর যুদো যুদো গুট্টির গিরির্-নেতাগুনে তারারে সিয়েনি ভাগ গুরি দিলাক্।

যিহোশূয় 22:13

তারা ধর্মগুরু ইলিয়াসরর পূঅ পীনহসরে গিলিয়দত্‌ রূবেণ আর গাদ-গুট্টির মানুচ্চুনোরে আর মনঃশি-গুট্টির অদ্দেক্‌ মানুচ্চুনো ইদু পাদেলাক্।

যিহোশূয় 22:31

ধর্মগুরু ইলিয়াসর পূঅ পীনহসে তারারে কলঅ‌, “এচ্চ্যে আমি বুঝি পারিলোং, লগেপ্রভু আমা লগে আঘে, কিত্যে তুমি এ পৌইদ্যেনে লগেপ্রভু উগুরে বেঈমানীর্ কাম্‌ ন-গরঅ‌। তুমি লগেপ্রভুর আদত্তুন্‌ ইস্রায়েলীয়গুনোরে বাজেলা।”

যিহোশূয় 24:33

পরেদি হারোণর পূঅ ইলিয়াসরে মুরি গেলে তারে গিবিয়াতত্‌ গোর্ দিয়্যে অলঅ। ইফ্রয়িমর মুড়ো-মুড়ি চাগালাত্‌ এ জাগায়ান তার্‌ পূঅ পীনহসরে দিয়্যে ওইয়্যে।