ইষ্রা 7:10 - Chakma Bible

¹⁰ ইষ্রা লগেপ্রভুর রীদি-সুদোম পড়িবার, সিয়েনি পালেবার আর তার্ সুদোম আহ্ উগুম ইস্রায়েল দেশত্ শিক্ষ্যে দিবাত্তে নিজোরে গোজেই দিলো।

ইষ্রা 7:10 Iomraidhean Croise

১ বংশধর 29:18

ও লগেপ্রভু, আমা পূরোণি মানুচ্‌ অব্রাহাম, ইসহাক আর ইস্রায়েল গোজেন, তঅ মানুচ্চুনো মনত্‌ এধোক্ক্যেন আওজ্ তুই জিংকানিবর্‌ রাগেচ্‌ আর তঅ উগুরে তারা মনানি বিশ্বেজ্ রাগেচ্‌।

২ বংশধর 12:14

লগেপ্রভুর আওজ্ মজিম্‌ চলিবাত্তে মনান্‌ ঠিগ্ ন-গরে বিলিনে রহবিয়ামে যিয়েন্‌ ভান্ন্যেই সিয়েনই গুরিলো।

২ বংশধর 19:3

মাত্তর্‌ তঅ ভিদিরে কিজু গম্‌অ আঘে, কিত্তে তুই দেজর্‌ আশেরা-খুদোগুন্‌ ভস্ত গুরি দুয়োচ্ আর গোজেন আওজ্‌ মজিম্‌ চলিবাত্তে তঅ মনান্‌ ঠিগ্‌ গোজ্যস্‌।”

২ বংশধর 30:22

লগেপ্রভুর সেবা-কামত্‌ যিদুক্কুন্‌ লেবীয় কাবিল্‌ এলাক্‌ হিষ্কিয় তারারে উচ্চোমি তুলি দিইনে কধা কলঅ। তারা উদোলোলি-উৎসর্বর পরব্‌ গুরিনে সাত দিন ধুরিনে হানা-দানা গুরিলাক্‌ আর তারার্‌ পূরোণি মানুচ্চুনোর্‌ গোজেন লগেপ্রভুরে বাঈনি গুরিলাক্‌।

ইষ্রা 7:11

যিবে ইস্রায়েলরে দিয়্যে লগেপ্রভুর বেক্ উগুম আর সুদোমানি বেপারে শিক্ষ্যে লাভ গোজ্যে সেই ধর্মগুরু আহ্ ধর্ম-মাষ্টর্ ইষ্রা ইদু রাজা অর্তক্ষস্ত এই চিধিগান লেখ্যে:

ইষ্রা 7:25

ও ইষ্রা, গোজেনর্ বেপারে তর্ যে জ্ঞানান্ আঘে সেই মজিম্ তুই ইউফ্রেটিস গাঙর্ পোজিম্ পারর্ বেক মানুচ্চুনোরে বিচেরত্যে এমন কামগুরিয়্যে আর বিচেরক্ নেযেবে যিগুনে তর্ গোজেনর্ দিয়্যে রীদি-সুদোম জানন্। যিগুনে সিয়েনি ন জানন্ তুমি তারারে সিয়েনি শিক্ষ্যে দিবা।

ইষ্রা 7:6

ইষ্রা এলদে এক্কো ধর্ম-মাষ্টর্। ইস্রায়েলর গোজেন লগেপ্রভুর দিয়্যে মোশির রীদি-সুদোম বেপারে তার দোল্ জ্ঞান এলঅ। তার গোজেন লগেপ্রভুর আঢ্‌‌তানি তা উগুরে এলঅ বিলিনে তে যাহ্ চেদঅ রাজা তারে সিয়েনি দিদো। রাজা অর্তক্ষস্তর রাজাগিরির্ সাত বজরত্ যেক্কে ইষ্রা যিরূশালেমত্ এচ্চ্যে সেক্কে তা সমারে কিজু ইস্রায়েলীয় এচ্চ্যন্। তারা ভিদিরে এলাক্ ধর্মগুরু, লেবীয়, গানগেইয়্যে আর উবোসনা-ঘরর্ চুগিদার আর সেবাগুরিয়্যে।

ইয়োব 11:13

“মাত্তর্‌ যুনি তুই তঅ মনান্‌ পুরোপুরি গুরিনে তারে দুয়োজ্‌, তা ইন্দি তঅ আঢ্‌তান বাবেই দে,

গীতসংহিতা 1:2

বানা লগেপ্রভুর রীদি-সুদোমেই তার্ হুজি, আর সিয়েন তার্ দিনো-রেদোর্ ধ্যান।

গীতসংহিতা 10:17

ও লগেপ্রভু, নম্রগুনোর্ মন আওজর্ কধানি তুই শুন্যচ্; তুই তারারে সাহস দুয়োর্, তারার্ কানানিগানি তুই শুন্যচ্।

গীতসংহিতা 119:112

নিত্য, এন্ কি, থুম্ সং তঅ সুদোমানি পালেবাত্তে মঅ মনান্ মুই থির্ গোজ্যং।

গীতসংহিতা 119:45

মুই গমেডালে জিংকানি কাদেম, কিত্তে তর্ সুদোমর ইন্দি মুই মনান্ দুয়োং।

গীতসংহিতা 19:7

লগেপ্রভুর উগুমোত্ কনঅ ভেজাল্ নেই, সিয়েনে মান্‌‌জ্যরে জাগেই তুলে। লগেপ্রভুর কধানি বিশ্বেজ্ গুরিবার, সিয়েনিয়ে সিদেসিদি মানুচ্চুনোরে জ্ঞান দে।

গীতসংহিতা 57:7

ও গোজেন, মঅ মনান্ থির্ আঘে, ন-লড়ে; মুই গান গেম, গানর্ সুর তুলিম।

মালাখি 2:7

আজলে গোজেন আওজ পৌইদ্যেনে শিক্ষ্যে দেনা ধর্মগুরুগুনোর উচিত্ যেনে সেই শিক্ষ্যেগান আযি ন-যায়। ইয়েনি বাদেয়ো গোজেন কধানি জানিবাত্তে ধর্মগুরুগুনো ইধু মানুচ্চুনোর্ যানা উচিত, কিত্যে তারা বেগত্তুন্ খেমতাবলা লগেপ্রভুর হবর্ হোইয়্যে।

মথি লেখ্যে গম্ হবর্ 5:19

সেনত্তে উগুমানি ভিদিরে চিগোন্ এক্কান উগুম্অ যে কনজনে অমান্য গরে আর মান্‌‌জ্যরে সিয়েনি অমান্য গুরিবাত্তে শিক্ষ্যে দে তারে স্বর্গ-রেজ্যত্ বেগত্তুন্ চিগোন্ বিলি কুয়ো অবঅ। মাত্তর্ যে কনজনে সে উগুমানি মানে আর শিক্ষ্যে দে তারে স্বর্গ-রেজ্যত্ দাঙর্ কুয়ো অবঅ।

মথি লেখ্যে গম্ হবর্ 7:24

“সে পরেদি যে কনজনে মর্ এই বেগ্ কধানি শুনিনে সিয়েনি পালায় তে এমন্ এক্কো বুদ্ধিবলা মান্‌জ্য ধোক্ক্যেন্, যে পাত্তর উগুরে তা ঘরান্ বানেল।

যোহন 13:17

ইয়েনি বেক্কানি কোই পারিনে যুনি সিয়েনি পালঅ সালে তুমি বর্ পেইয়্যে।

প্রেরিত্‌ 1:1

কোচ্‌‌পেইয়্যে থিয়ফিল, যীশুরে স্বর্গত্ তুলি নিবার্ আগেদি সং তে যিয়েনি গোজ্যে আর শিক্ষ্যে দিয়্যে সিয়েনি বেক্কানি মুই মর্ আগঅ বোইবোত্ লেক্ক্যং।

দ্বি’লম্বর বিররণ 16:12

মিসর দেজত্‌ তুমিয়ো যে চাগর্‌ এলা সে কধাগান মনত্‌ রাগেয়ো তুমি এই বেক্‌ সুদোমানি দোলেডালে পালেবা।

দ্বি’লম্বর বিররণ 33:10

তর্‌ উগুমানি তে যাকোবরে শিগায়, আর রীদি-সুদোমানি শিগায় ইস্রায়েলরে। তে তমা মুজুঙোত্‌ আগর্‌বাট্টি জ্বালায়, তর্‌ ডালি ঘর উগুরে পুজ্যে-উৎসর্ব গরে।

১ তীমথিয় 3:2

পরিচালক্‌কো সেনত্যে এমন উয়ো পড়িবো যেন কেঅ তারে দুষ্ দি ন-পারন। তাত্তুন্ বানা এক্কো মোক্ থেবঅ। তে নিজোরে দোঙেই রাগেব আর তার্ গম বিচেরবুদ্ধি থেবঅ। তে ভদ্র অবঅ আর গর্‌বা লবিয়োত্ গত্তে কোচ্‌পেবঅ। অন্যগুনোরে শিক্ষ্যে দান গুরিবার খেমতা তাত্তুন্ থেবঅ।

২ তীমথিয় 4:2

গোজেনর্ কধানি ফগদাং গরঅ; সময়োত্ ওক্‌ বা অসময়ত্ ওক্‌, আমিযে ফগদাঙত্যে যুক্কোল্ থাগঅ; ভারী ধৈজ্জ্য ধুরি শিক্ষ্যে দিইনে মানুচ্চুনোরে দুষ্ দেগেই দে, তারারে উজিয়ার্ গরঅ আর উপদেচ্‌ দুয়ো।

তীত 2:1

তুই এন্‌ গুরিনে শিক্ষ্যে দিবে যেনে তঅ কধানি সমারে সত্য শিক্ষ্যের্ মিল্ থায়।

তীত 2:15

সেনত্যে পুরো অধিকার নিইনে তুই এ পৌইদ্যেনে শিক্ষ্যে দে, উপদেচ্‌ দে আর দুষ্ দেগেই দে। কেঅ যেন তরে ঈচ্ ন-গরন্।

ফগদাং পেইয়্যে 22:14

বর্‌‌পেইয়্যে তারা, যিগুনে তারার্ পজাক্কানি ধোই ফেলান্ যেন তারা জিংকানি গাজর্ ফল হেবার অধিকারী অন্ আর গেট্‌তো ইন্দি শঅরত্ সোমেই পারন্।

১ শমূয়েল 7:3

সেক্কে শমূয়েলে বেক্‌ ইস্রায়েলীয়গুনোরে কলঅ, “যুনি তুমি তমার বেক্‌ মনান্দোই আরঅ লগেপ্রভুর ইদু ফিরি এবাত্তে চঅ, সালে তমা ভিদিরেত্তুন অন্য জাদ্‌তুনোর্ দেব-দেবেদা আর অষ্টারোৎ দেবেদার মূত্তিগুন সোরেই দুয়ো আর লগেপ্রভুর ইন্দি নিজোর মনান্‌ ঠিগ্ গুরিনে বানা তারে সেবা গরঅ। সালে তে পলেষ্টীয়গুনোর আঢত্তুন তমারে উদ্ধোর গুরিবো।”