ইষ্রা 6:5 - Chakma Bible

⁵ ইয়েনবাদে নবূখদ্‌‌নিৎসরে যিরূশালেমর্ উবোসনা-ঘরত্তুন্ যেদক্কানি সনা-রূবোর পিলে বাবিলোত্ নেযেয়োন সিয়েনিয়ো আরঅ গোজেনর্ ঘরত্ ঠিগ্ জাগাত্ রাগা ওক্।”

ইষ্রা 6:5 Iomraidhean Croise

২ রাজাবলী 24:13

লগেপ্রভু যেধোক্ক্যেন কোইয়্যে সেধোক্ক্যেন গুরিনে নবূখদ্‌নিৎসরে লগেপ্রভুর ঘরানত্তুন্‌ আর রাজঘরত্তুন্‌ বেক্‌ ধন-সোম্বোত্তিগানি নেযেল আর ইস্রায়েলর রাজা শলোমন লগেপ্রভুর ঘরানত্তে সোনালোই যেদক্কানি পযাপিরা বানেয়্যে সিয়েনি তে কাবিনে কট্টা কট্টা গুরিলো।

২ বংশধর 36:10

বজরর্‌ শেজত্‌ রাজা নবূখদ্‌নিৎসরে মানুচ্‌ পাদেইনে তারে আর তা লগে লগেপ্রভুর ঘরর্‌ মংগা পযাপিরানিয়ো বাবিলোত্‌ নেযেল, আর যিহোয়াখীনোর কুত্‌তো সিদিকিয়রে যিহূদা আর যিরূশালেমর রাজা বানেল।

২ বংশধর 36:18

বাবিলোর রাজাবো গোজেনর ঘরর চিগোন্‌-দাঙর্‌ বেক্‌ পযাপিরানি আর ধন-সোম্বোত্তিগানি আর রাজা আর তার্‌ কাম্‌গুরিয়্যেগুনোর্‌ ধন-সোম্বোত্তিগানি বাবিলোত্‌ নেযেল।

ইষ্রা 5:14

এমন কি, তে বাবিলোর্ মন্ডিরোত্তুন্ গোজেন ঘরর্ সেই বেক্ সনা আর রুবোর পিলেগুন নিগিলেই দিয়্যে যিগুন নবূখদ্‌নিৎসরে যিরূশালেমর্ উবোসনা-ঘরত্তুন্ নেযেয়্যে। রাজা কোরসে সিগুন তার্ নেযেয়্যে শাজন্‌গুরিয়্যে শেশ্‌বসরর আঢত্ দিয়্যে।

যিরমিয় 27:16

সেক্কে মুই ধর্মগুরুগুনোরে আর বেক মানুচ্চুনোরে কলুং, লগেপ্রভু কোইয়্যেদে, “যে ভাববাদীগুনে তমারে কন্, খুব যাদিমাদি লগেপ্রভুর ঘরর্ জিনিস্‌‌‌চানি বাবিলত্তুন ফিরেই আনা অবঅ; তারার কধানি তুমি ন-শুন্ন্য। তারা তমা ইধু মিজে আগাম্ কধা কদন্।

যিরমিয় 52:19

রাজার রোক্ষিদলর্ সেনাপতি সোনা বা রূবোর্ বানেয়্যে যিদুক্কুন গলচ্, আগুন রাগেবার পিলে, গলস্, বেল্‌সা, পানীয়-উৎসর্ব অনুষ্ঠানর পিলে আর অন্য যিদুক্কুন পিলে এলাক্ সিগুন্‌অ নেযেলাক্।

দানিয়েল 1:2

প্রভু তা আঢত্ যিহূদার রাজা যিহোয়াকীমরে তুলি দিলো আর তা লগে গোজেন ঘরর্ কয়েক্কো লদায়ো তুলি দিলো। তে সেই লদাগুন বাবিলোত্ তা দেবেদাগুনো মন্দিরোত্ নেযেইনে সিদুগোর্ ধনভান্ডালত্ থোই দিলো।

দানিয়েল 5:2

আংগুর-রস খাদে খাদে বেল্‌শৎসরে উগুম দিলো, তা মা বাব্‌পো ‌‌নবূখদ্‌নিৎসরে যিরূশালেমর উবোসনা-ঘরত্তুন্ যিদুক্কুন সনা আর রূবোর লদা আন্যে সিগুন যেনে আনা অয় সেনত্যে রাজা, তার আজল্ মানুচ্চুনে, তা মোগ্‌কুনে আর তার্ যেরেদি ঘর মোগ্‌‌‌‌‌‌‌কুনে সে লদাগুনোত্ গুরিনে আংগুর-রস হেই পারন্।‌‌‌‌