ইষ্রা 5:5 - Chakma Bible

⁵ মাত্তর্ যিহূদীগুনোর্ বুড়ো নেতাগুনো ইন্দি গোজেনে মনযোগ দিলো। যেদকবিলোন্ সং দারিয়াবস ইধু হবর্ পাঢা ন অলঅ আর তাত্তুন্ লেখ্যে জোব্‌পান পাহ্ ন গেলঅ সেদকবিলোন্ সং নেতাগুনে কামানি থামেই ন দিলাক্।

ইষ্রা 5:5 Iomraidhean Croise

২ বংশধর 16:9

যিগুনোর্‌ মনান্‌ লগেপ্রভু উগুরে ভোক্তিলোই পরিপূরোণ্‌ থায় তারারে রোক্ষ্যে গুরিবাত্তে তা চোগ্‌কুন্‌ পিত্‌থিমীর বেক্‌ জাগাইদু থায়। তুই ভুল্‌মান্‌জ্যর কাম্‌ গোজ্যজ্‌। ইক্কিনেত্তুন্‌ ধুরি তুই বারবার যুদ্ধোত্‌ থাহ্ পুরিবো।”

ইষ্রা 7:28

রাজা আর তার্ সল্লাদিয়্যেগুনোর্ আর তার্ বেক্ খেমতাবলা কামগুরিয়্যেগুনো মুজুঙোত্ তেয়ই মরে তার্ অমকদ কোচ্‌‌পানাগান্ দেগেয়্যে। মঅ উগুরে মর্ গোজেন লগেপ্রভুর আঢ্ এলঅ বিলিনে মুই সাহস পেলুঙ আর মঅ সমারে যিরূশালেমত্ ফিরি যেবাত্তে ইস্রায়েলীয়গুনো ভিদিরেত্তুন্ নেতাগুনোরে এগত্তর্ গুরিলুং।

ইষ্রা 7:6

ইষ্রা এলদে এক্কো ধর্ম-মাষ্টর্। ইস্রায়েলর গোজেন লগেপ্রভুর দিয়্যে মোশির রীদি-সুদোম বেপারে তার দোল্ জ্ঞান এলঅ। তার গোজেন লগেপ্রভুর আঢ্‌‌তানি তা উগুরে এলঅ বিলিনে তে যাহ্ চেদঅ রাজা তারে সিয়েনি দিদো। রাজা অর্তক্ষস্তর রাজাগিরির্ সাত বজরত্ যেক্কে ইষ্রা যিরূশালেমত্ এচ্চ্যে সেক্কে তা সমারে কিজু ইস্রায়েলীয় এচ্চ্যন্। তারা ভিদিরে এলাক্ ধর্মগুরু, লেবীয়, গানগেইয়্যে আর উবোসনা-ঘরর্ চুগিদার আর সেবাগুরিয়্যে।

ইষ্রা 8:22

পধত্ আমা শত্রুগুনো আঢত্তুন্ আমারে রোক্ষ্যে গুরিবাত্তে রাজা ইধু সৈন্য আর ঘোড়া বাহিনী চেবাত্তে মুই লাজেলুং, কিত্যে আমি রাজারে কোইয়্যেদে, “যিগুনে গোজেনর্ আওজ্ মজিম চলন্ তারার্ পত্তিজন উগুরে তার্ ভালেদির্ আঢ্ আঘে, মাত্তর্ যিগুনে তারে ছাড়িনে যান্ তার্ রাগ্‌কান্ আর সাজাগান্ তারার্ বেক্কুনো উগুরে লামি এজে।”

গীতসংহিতা 32:8

মুই লগেপ্রভু তরে জ্ঞান দিম্ আর যে পধ্‌থানদি যাহ্ পুরিবো সিয়েন দেগেই দিম; তরে চোগে চোগে রাগেইনে মুই উগুম দিম।

গীতসংহিতা 33:18

মাত্তর্ লগেপ্রভু উগুরে যিগুনোর ভক্তিবলা দর্ আঘে, যিগুনে তার্ অমকদ কোচ্‌পানাগান উগুরে আজা রাগান্, তারার্ উগুরে তার খিয়েল্ আঘে;

গীতসংহিতা 34:15

যিগুনে ন্যায়র্ পধেদি চলন্ তারা উগুরে লগেপ্রভুর চোখ্ আঘে; তারার্ ডাগনিগানি শুনিবাত্তে তা কানান্ খুলো আঘে।

গীতসংহিতা 76:10

ঘেচ্চেক্‌গুরি মান্‌জ্যর রাগর্ কারনে তর্ নাঙ্ গিনে অয়; সেই রাগর বাদ্‌বাগি ভাগ্‌কান্দোই তুই নিজোরে সাজা।

ফিলিপীয় 1:28

যিগুনে তমা বিরুদ্ধে আঘন্ তারা ইন্দিত্তুন্ কনঅ কিজুলোই তুমি ন-দোরেইয়ো। ইয়েন্দোই প্রমাণ অবঅ যে, তারা ভস্ত অবাত্যে যাদন্ আর তুমি উদ্ধোর্ পেবাত্যে যর্; আর এ উদ্ধোরান গোজেনত্তুন্ এজে।

১ পিতর 3:12

যিগুনে ন্যায়র্ পধেদি চলন্ তারা উগুরে প্রভুর চোগ আঘে, তারার্ তবনাগানি শুনিবাত্যে তা কানান্ পাদি আঘে; মাত্তর্ যিগুনে ভান্ন্যেই কাম গরন্, প্রভু তারার্ বিরুদ্ধে যায়।