ইষ্রা 5:16 - Chakma Bible

¹⁶ সেনত্তে শেশ্‌বসরে এইনে যিরূশালেমত্ গোজেনর্ ঘরর্ গড়াগান্ থিদেবর্ গোজ্যে। সেদিন্যেত্তুন্ ধুরি এচ্চ্যে সং সিয়েনর্ বানানার্ কামান্ চলের্, এজঅ থুম্ ন অয়।”

ইষ্রা 5:16 Iomraidhean Croise

ইষ্রা 3:10

রাজমিস্ত্রিগুনে যেক্কে লগেপ্রভুর ঘরর্ গড়াগান থিদেবর্ গুরিলাক্ সেক্কে ইস্রায়েলর রাজা দায়ূদোর উগুম মজিম্ লগেপ্রভুরে বাঈনী গুরিবাত্তে ধর্মগুরুগুনে তারার্ ঠিগ গোজ্যে পোজাক্কানি পিনিনে তূরীলোই আর লেবীয়গুনো ভিদিরেত্তুন্ আসফর পুয়োগুনে ঝোন্‌‌ঝোনিলোই যে যিগুনোর্ জাগানত্ থিয়্যেলাক্।

ইষ্রা 3:8

যিরূশালেমত্ গোজেনর্ ঘরত্ ‍লুমিবার পরেদি দ্বিবজরত্ দ্বিমাজত্ শল্টীয়েলর পুয়ো সরুব্বাবিল, যোষাদকর পুয়ো যেশূয় আর তারার্ বাদবাগী ভেইয়ুনে কাম গুরিবাত্তে আরাম্ভ গুরিলাক্। এই ভেইয়ুনে অলাক্ ধর্মগুরু, লেবীয় আর অন্য বেক্ মানুচ্চুন যিগুনে বন্দীদযাত্তুন্ যিরূশালেমত্ ফিরি এচ্চ্যন্। কুড়ি বজর্ আর তাত্তুন্ বেশ বয়জর্ লেবীয়গুনোরে লগেপ্রভুর ঘর বানেবার কামত্ দেগাশুনো গুরিবাত্তে নেযা অলঅ।

ইষ্রা 5:14

এমন কি, তে বাবিলোর্ মন্ডিরোত্তুন্ গোজেন ঘরর্ সেই বেক্ সনা আর রুবোর পিলেগুন নিগিলেই দিয়্যে যিগুন নবূখদ্‌নিৎসরে যিরূশালেমর্ উবোসনা-ঘরত্তুন্ নেযেয়্যে। রাজা কোরসে সিগুন তার্ নেযেয়্যে শাজন্‌গুরিয়্যে শেশ্‌বসরর আঢত্ দিয়্যে।

ইষ্রা 5:15

রাজা তারে কোইয়্যেদে, তে যেনে যিরূশালেমত্ আগ জাগানদই গোজেনর্ ঘরান আরঅ বানায় আর সেই পযাপিরানি নেযেইনে সিয়েনত্ থুবেই থয়।

ইষ্রা 5:2

সেক্কে শল্টীয়েলর পুয়ো সরুব্বাবিল আর যোষাদকর পুয়ো যেশূয় যিরূশালেমত্ গোজেনর্ ঘরান আরঅ বানেবাত্যে আঢ্ দিলাক। গোজেনর্ ভাববাদীগুনেয়ো তারারে সাহায্য গরা ধুরিলাক।

ইষ্রা 6:15

রাজা দারিয়াবসর রাজাগিরির ছয় বজরত্ অদর মাজর্ তিন দিনোত্ উবোসনা-ঘরর্ কামান্ থুম অলঅ।

হগয় 2:18

এচ্চ্যে নয় মাসর্ চোব্বিশ দিনোত্ মঅ ঘরানর্ গড়াগান থিদেবর্ গরা অলঅ। এবেরা মুই তমাত্তে কি গুরিবাত্তে যাঙর্ সিয়েন চঅ।

সখরিয় 4:10

এদকদিন যে সামান্য কাম্ ওইয়্যে সিয়েন মান্‌‌‌জ্যে তুচ্ছো মনে গোজ্যন্। মাত্তর্ সরুব্বাবিল আঢত্ ওলনদড়িগান দেগিনে মানুচ্চুনে ফুত্তি গুরিবাক্।” সে পরেদি মুই শুনিলুং, “এই সাত্‌‌‌‌তো বাত্তি অলঅ লগেপ্রভুর চোগ্ যিগুনে পুরো দুনিয়েগান দেগন্।”

সখরিয় 4:9

“সরুব্বাবিলর আঢ্‌‌তানিয়ে এ উবোসনা-ঘরর্ গড়াগান থিদেবর্ গোজ্যে আর তা আঢ্‌‌তানিয়ে সিয়েন থুম্ গুরিবো। সেক্কে মানুচ্চুনে হবর্ পেবাক্ যে, মুই বেগত্তুন্ খেমতাবলা লগেপ্রভু তরে তারাইদু পাদেয়োং। ‌‌

যোহন 2:20

এ কধাগান্ শুনিনে যিহূদী নেতাগুনে তারে কলাক্, “এ উবোসনা-ঘরান্ বানাদে ছয়চল্লিশ বজর্ লাক্ক্যে, আর তুই কি তিন দিনো ভিদিরে ইয়েন তুলিবে?”