ইষ্রা 4:6 - Chakma Bible

⁶ অহশ্বেরশর রাজাগিরির আরাম্ভত্ সেই শত্রুগুনে যিহূদা আর যিরূশালেমর্ মানুচ্চুনোর বিরুদ্ধে এক্কান আবিত্তি লিগিনে জানেলাক্।

ইষ্রা 4:6 Iomraidhean Croise

পত্থম 26:21

পরেদি ইস্‌হাকর য়েমান্‌ছড়েয়্যেগুনে আর এক্কো কূয়ো খুড়িলাক্‌, মাত্তর্‌ সিবেলোইয়ো তারা কোল্‌বাজা ধুরিলাক্। সিয়েন্‌ দিগিনে ইস্‌হাকে সিবের্‌ নাঙান্ দিলো সিট্‌না (যিয়েনর্ ভেদতান্ শত্রু অনা)।

ইষ্রা 4:5

তারার্ বিরুদ্ধে কাম গুরিনে তারার্ উদ্দেশ্যগান বাদ দিবাত্তে তারা পারস্যের রাজার কামগুরিয়্যেগুনোরে টেঙা দিলাক। তারা রাজা কোরসর পুরো রাজাগিরিত্ আর সে পরেদি রাজা দারিয়াবসর রাজাগিরিত্ সেই একই কাম গরা ধুরিলাক্।

ইষ্টের 1:1

রাজা অহশ্বেরশে যেক্কেনে শূশনর্ তাম্বুলোত্‌ তার্‌ সিংহাসনত্‌ বজিনে রাজাগিরি গুরিদো সে অক্তত্‌ এ ঘটনাগান্‌ ঘোট্যে। ইবে সেই অহশ্বেরশ যিবে হিন্দুস্থানত্তুন্ কূশ দেজছান সং একশ সাতেশ্‌চান্ রেজ্য উগুরে রাজাগিরি গুরিদো।

ইষ্টের 1:10

সাত দিনোত্‌ রাজা অহশ্বেরশে আংগুর-রস হেইনে অমকদ হুজি ওই উদিলো আর মহূমন, বিস্থা, হর্বোণা, বিগ্‌থা, অবগথ, সেথর আর কর্কস নাঙে তার্‌ সাতজন সেবাগুরিয়্যেরে উগুম্‌ দিলো যেনে রাণী বষ্টীরে রাজমুকুট পিনেইনে তা মুজুঙোত্‌ আনা অয়। রাণী চাদে দোল এলঅ বিলিনে রাজা মানুচ্চুনোর্‌ আর দাঙর্‌ পোজিশনর্‌ কামগুরিয়্যেগুনোর্‌ মুজুঙোত্‌ তার্‌ দোলান্‌ দেগেবাত্তে চেইয়্যে।

ইষ্টের 2:16

রাজা অহশ্বেরশর রাজাগিরির সাত বজরর্‌ দশ মাজত্‌, অত্তাৎ টেবেৎ মাজত্‌ ইষ্টেররে রাজঘরত্‌ রাজার ইদু নেযা অলঅ।

ইষ্টের 3:8

হামনে সেক্কে রাজা অহশ্বেরশরে কলঅ, “তর্‌ রেজ্যর্‌ পুরো জাগানর্ নানান্‌ জাদ ভিদিরে এক্কো জাদ ছিদি পোজ্যে। অন্য জাদ্‌তুনোত্তুন্‌ তারার্‌ সুদোমানি যুদো আর তারা রাজার সুদোমানি ন-মানন্‌। সেনত্তে তারারে বাঁজিবাত্তে দেনাগান্ রাজার পক্ষে গম্‌ ন-অবঅ।

দানিয়েল 11:2

ইক্কিনে মুই তরে যিয়েনি কোম্ সিয়েনি ঘেচ্চেক্‌গুরি ঘুদিবো। পারস্যেত্ আরঅ তিন্নো রাজা রাজাগিরি গুরিবাক্। তারা পরেদি আর এক্কো রাজা অন্য রাজা গুনোত্তুন্ বোউত্ বেশ্ তাগোয়্যে অবাক্। তার ধনানিলোই দরমর অনার পরেদি তে গ্রীস রেজ্যর্ বিরুদ্ধে বেক্কুনোরে উত্তেজিত গুরিবো।

দানিয়েল 9:1

মাদীয় অহশ্বেরশের পুয়ো দারিয়াবসরে বাবিল রেজ্যর্ রাজা গরা ওইয়্যে। তার্ রাজাগিরির্ পত্তম বজরত্ মুই দানিয়েল ভাববাদী যিরমিয়রে দিয়্যে লগেপ্রভুর কধা মজিম্ বোইবোত্তুন্ বুঝি পারিলুং যে, যিরূশালেমান সত্তুর্ বজর ভস্ত ওইনে পড়ি থেবঅ।

মথি লেখ্যে গম্ হবর্ 27:37

তারা ক্রুশোত্ যীশুর মাঢা উগুরেদি এ দুষ্-নামাগান্ লাগেই দিলাক্, “ইবে যীশু, যিহূদীগুনোর্ রাজা।”

প্রেরিত্‌ 24:13

ইক্কিনে মঅ বিরুদ্ধে তারা যে দুষ্‌চান দেগাদন্ সিয়েনর্ প্রমাণ তারা তইধু দি ন-পারিবাক্।

প্রেরিত্‌ 25:7

যে যিহূদীগুনে যিরূশালেমত্তুন্ এচ্চ্যন্ পৌলে সিধু লুমিলে পরেদি তারা তা চেরোকিত্ত্যেদি থিয়্যেইনে তা বিরুদ্ধে নানান্ বাবোত্যে বজং দুষ্ দিলাক্, মাত্তর্ সিয়েনির কনঅ প্রমাণ দি ন-পারিলাক্।

ফগদাং পেইয়্যে 12:10

সে পরেদি মুই স্বর্গত্তুন্ দাঙর্ দাঙর্ গুরি একজনরে কধে শুনিলুং, ইক্কিনে উদ্ধোর্, খেমতা আর আমার গোজেনর্ রেজ্য আর তার্ মশীহর খেমতা লুম্মেগি, কিয়া যিবে আমা ভেইবোরে দুষ্ দিদো তারে স্বর্গত্তুন্ ফেলেই দিয়্যে ওইয়্যে। আমা গোজেন মুজুঙোত্ তে দিন-রেত্ তারারে দুষ্ দেগেদ।