ইষ্রা 4:3 - Chakma Bible

³ মাত্তর্ সরুব্বাবিল, যেশূয় আর ইস্রায়েলর অন্য নেতাগুনে কলাক্, “আমা গোজেনর্ নাঙে ঘর বানেবার কামত্ আমা সমারে তমার কনঅ কুদুম্মো নেই। পারস্যের রাজা কোরসর উগুম মজিম্ ইস্রায়েলর গোজেন লগেপ্রভুর নাঙে আমি নিজেই সিয়েন গুরিবোং।”

ইষ্রা 4:3 Iomraidhean Croise

২ বংশধর 36:22

যিরমিয়োর মাধ্যমে কোইয়্যে লগেপ্রভুর কধাগান্‌ পূরণ অবাত্তে পারস্যের রাজা কোরসর রাজাগিরির্‌ পত্তম্‌ বজরত্‌ লগেপ্রভু কোরসর মনানত্‌ এন্‌ আওজ্ দিলো যিয়েনত্তে তে তার্‌ পুরো রেজ্যত্‌ মুয়োন্দি আর লেখ্যেগুরিনে এ ফগদাঙান্‌ গুরিলো:

ইষ্রা 1:1

যিরমিয়রে দিইনে কোইয়্যে লগেপ্রভুর কধানি পূরোণ অবাত্যে পারস্যের রাজা কোরসর রাজাগিরির পত্তম্ বজরত্ লগেপ্রভু কোরসর মনত্ এমন আওজ্ দিলো যিয়েনত্যে তে তার্ বেক রেজ্যত্ মুুয়োদি আর লিগিনে এই ফগদাঙান্ গুরিলো:

ইষ্রা 1:2

পারস্যের রাজা কোরসে এই কধাগান কোইয়্যেদে, স্বর্গর গোজেন লগেপ্রভু পিত্‌থিমীর পুরো রেজ্যগান্ মরে দিয়্যে আর যিহূদা দেজর্ যিরূশালেমত্ তাত্তেই এক্কান ঘর বানেবাত্যে মরে নেযা ওইয়্যে।

ইষ্রা 1:3

তা মানুচ্চুনো ভিদিরে অত্তাৎ তমা ভিদিরে যে চায় তে যিহূদা দেজর্ যিরূশালেমত্ যেইনে ইস্রায়েলর্ গোজেন লগেপ্রভুর ঘর বানোক্। কিত্যে তে যিরূশালেমত্ আঘে। যিগুনে সিয়েনত্ যেবাক্ তারার্ গোজেনে তারা সমারে থোক্।

ইষ্রা 3:8

যিরূশালেমত্ গোজেনর্ ঘরত্ ‍লুমিবার পরেদি দ্বিবজরত্ দ্বিমাজত্ শল্টীয়েলর পুয়ো সরুব্বাবিল, যোষাদকর পুয়ো যেশূয় আর তারার্ বাদবাগী ভেইয়ুনে কাম গুরিবাত্তে আরাম্ভ গুরিলাক্। এই ভেইয়ুনে অলাক্ ধর্মগুরু, লেবীয় আর অন্য বেক্ মানুচ্চুন যিগুনে বন্দীদযাত্তুন্ যিরূশালেমত্ ফিরি এচ্চ্যন্। কুড়ি বজর্ আর তাত্তুন্ বেশ বয়জর্ লেবীয়গুনোরে লগেপ্রভুর ঘর বানেবার কামত্ দেগাশুনো গুরিবাত্তে নেযা অলঅ।

নহিমিয় 2:20

মুই জোবত্‌ তারারে কলুঙ্‌, “স্বর্গর গোজেনে আমারে ফোলেই দিবো। আমি, তার্‌ চাগরুনে, আরঅ দেবাল গাদেবং, মাত্তর্‌ যিরূশালেমত্‌ তমার্‌ কনঅ সোম্পোত্তি, কনঅ্‌ দাবি বা কনঅ অধিকার নেই।”

যিশাইয় 44:28

মুই কোরস পৌইদ্যেনে কঙর্, তে মর্ গরক্; মুই যেনে হুজি অং তে সিয়েনি বেক্কানি গুরিবো। তে যিরূশালেম পৌইদ্যেনে কবঅ, ‘সিয়েন আরঅ বানা ওক্,’ আর উবোসনা-ঘরান পৌইদ্যেনে কবঅ, ‘সিয়েনর্ গড়াগান্ থিদেবর্ গরা ওক্।’ ”

যিশাইয় 45:4

মর্ চাগর যাকোবত্তে, মর্ বেঈ থোইয়্যে ইস্রায়েলত্তে মুই তঅ নাঙান্ ধুরি ডাক্ক্যং। মরে তুই ন-চিনিলেয়ো মুই তরে সর্মানর্ উপাধি দুয়োং।

মথি লেখ্যে গম্ হবর্ 10:16

চঅ, মুই হোক্ক্যে বাঘ ইধু ভেড়া ধোক্ক্যেন্ তমারে পাদাঙর্। ইয়েনত্তে সাপ ধোক্ক্যেন্ উজিয়ার্ আর কোদোর ধোক্ক্যেন্ সরল অ।

যোহন 4:9

সেই শমরীয় মিলেবো তারে কলঅ, “মুই দঅ শমরীয় মিলে। তুই যিহূদী ওইনে কেধোক্ক্যেন্ গুরি মত্তুন্ পানি মাগর্?” মিলেবো এ কধাগান্ কলঅ কিয়া যিহূদী আর শমরীয়গুনো ইধু উদোন্-বজন্ ন-এলঅ।

প্রেরিত্‌ 8:21

আমা এ কামত্ তর্ কনঅ ভাগ বা অধিকার নেই, কিয়া গোজেনর্ চোগেদি তঅ মনান্ ঠিগ্ নয়।