ইষ্রা 4:15 - Chakma Bible

¹⁵ ইয়েনত্ রাজা যেনে তার পূরোণী মানুচ্চুনোর্ বিজগ বোইবোত্ তোগেইনে চান্। সেই বোইবো ভিদিরে তুই দেগিবেদে যে, যিরূশালেমান এক্কান উল্লোমী শঅর্; এই শঅরান্ রাজাগুনোর্ আর রেজ্যগানির্ শাজন্‌‌‌‌‌গুরিয়্যেগুনোরে বোউত্ দুঘ্ দুয়োন আর ভালোক্ দিন আগেত্তুন্ ধুরি সেই শঅরত্ বিদ্রোহ ওই এজের্। সেনত্যে সেই শঅরানরে ভস্ত গরা ওইয়্যে।

ইষ্রা 4:15 Iomraidhean Croise

ইষ্রা 4:12

মহারাজর্ জানা দরকার যে, তত্তুন্ যে যিহূদীগুনে আমা ইদু এচ্চ্যন্ তারা যিরূশালেমত্ যেয়োন্ আর উল্লোমী আহ্ বজং শঅরান্ আরঅ বানাদন্; তারা ইয়েনর্ দেবালান্ আর গড়াগান্ ঠিগ্ গরদন্।

নহিমিয় 6:6

সিয়েনত্‌ লেগা এলদে, “নানান্‌ জাদ্‌তুনো ভিদিরে এ কধাগান শুনো যার্‌ আর গেশমেয়ো কত্তে, তুই আর যিহূদীগুনে উল্লোমির্‌ কুজুরোমি গোজ্যন্‌ বিলিনে দেবালান্‌ বানত্তে। ইয়েনিবাদেয়ো এ হবরানি অনুসারে বুঝো যাত্তে, তুই তারার্‌ রাজা অবাত্তে যর্‌।

নহিমিয় 2:19

মাত্তর্‌ হোরণীয় সন্‌বল্লট, অম্মোনীয় মুরুব্বী টোবিয় আর আরবীয় গেশম্‌ এ কধাগান শুনিনে আমারে ঘিনা ধুরিলাক্‌। তারা কলাক্‌, “তুমি ইয়েন কি গরর্‌? তুমি কি রাজার বিরুদ্ধে উল্লোমি গুরিবা?”

২ রাজাবলী 25:4

পরেন্দি শঅর দেবাল এক্কান্‌ জাগা ভাঙি গেলঅ। যুনিয়ো বাবিলীয়গুনে সেক্কেয়ো শঅরান্‌ ঘিজ্যন্‌ তো রেদোত্‌ যিহূদার বেক্‌ সৈন্যগুনে রাজার বাগান কায় দ্বিদেবাল গেদোন্দি ধেই গেলাক্‌ আর রাজা অরাবার ইন্দি ধেই গেলঅ।

২ রাজাবলী 24:20

যিরূশালেম আর যিহূদার মানুচ্চুনোর কারনে লগেপ্রভু রাগে জুলি উদিলো আর যেরেন্দি তে তা মুজুঙোত্তুন্‌ তারারে দূর্‌ গুরি দিলো। পরেন্দি সিদিকিয় বাবিলোর রাজার বিরুদ্ধে উল্লোমী গুরিলো।

ইষ্রা 4:14

আমি রাজঘরর্ নুন হেই সেনত্তে রাজারে অসর্মানিত অবাত্তে দেগদে আমার্ উজিত্ নয়। সেনত্তে আমি এই হবরান্ রাজার ইদু পাদের্।

ইষ্রা 4:16

আমি রাজারে জানের্, এই শঅরান্ যুদি আরঅ বানা অয় আর সিয়েনর্ দেবালানি তুলো অয়, সালে ইউফ্রেটিস গাঙর্ পোজিম্ পারর্ চাগালানিত্ তর্ অধীনোত্ বিলিনে কিচ্ছু ন থেবঅ।”

ইষ্টের 2:23

সে পৌইদ্যেনে হবর্‌ নেযেইনে যেক্কেনে জানা গেলদে কধাগান সত্য সেক্কে সে দ্বিজন চাগররে ফাসি দিয়্যে অলঅ। এ বেক্‌ কধানি রাজার মুজুঙোত্‌ বিজগ বোইবোত্‌ লেগা অলঅ।