ইষ্রা 4:12 - Chakma Bible

¹² মহারাজর্ জানা দরকার যে, তত্তুন্ যে যিহূদীগুনে আমা ইদু এচ্চ্যন্ তারা যিরূশালেমত্ যেয়োন্ আর উল্লোমী আহ্ বজং শঅরান্ আরঅ বানাদন্; তারা ইয়েনর্ দেবালান্ আর গড়াগান্ ঠিগ্ গরদন্।

ইষ্রা 4:12 Iomraidhean Croise

২ রাজাবলী 18:20

তুই কত্তে তর্‌ যুদ্ধো গুরিবার বুদ্ধি আর বল্‌ আঘে, মাত্তর্‌ সিয়েনি তর্‌ মুয়ো কধা। কঅদে চাং, তুই কা বলে মর্‌ বিরুদ্ধে উল্লোমি গরর্‌?

২ রাজাবলী 24:1

যিহোয়াকীমোর রাজাগিরির সময়োত্‌ বাবিলো রাজা নবূখদ্‌নিৎসর যিহূদা দেজ্‌ছান্‌ আক্রমণ গুরিলো। যিহোয়াকীমে তিন বজর সং তা অধীনোত্‌ এলঅ। মাত্তর্‌ পরেন্দি তে নবূখদ্‌নিৎসরর বিরুদ্ধে উল্লোমি গুরিলো।

২ বংশধর 36:13

ইয়েনিবাদে রাজা নবূখদ্‌নিৎসর, যিবে গোজেনর নাঙে তারে শমক্‌ খাবেয়্যে, তার্‌ বিরুদ্ধে তে উল্লোমি গুরিলো। তে একগেয়েমি গুরিনে আর নিজো মনান্‌ দর গুরিনে ইস্রায়েলর গোজেন লগেপ্রভুর ইন্দি ন-ফিরিলো।

ইষ্রা 4:11

তারা রাজা অর্তক্ষস্ত ইদু যে চিদিগান্ লেখ্যে সিয়েন এধোক্ক্যেন্: “তর্ চাগরুনে, অত্তাৎ ইউফ্রেটিস গাঙর্ পশ্চিম পারর্ মানুচ্চুনে রাজা অর্তক্ষস্ত ইদু লেখ্যে।

ইষ্রা 4:15

ইয়েনত্ রাজা যেনে তার পূরোণী মানুচ্চুনোর্ বিজগ বোইবোত্ তোগেইনে চান্। সেই বোইবো ভিদিরে তুই দেগিবেদে যে, যিরূশালেমান এক্কান উল্লোমী শঅর্; এই শঅরান্ রাজাগুনোর্ আর রেজ্যগানির্ শাজন্‌‌‌‌‌গুরিয়্যেগুনোরে বোউত্ দুঘ্ দুয়োন আর ভালোক্ দিন আগেত্তুন্ ধুরি সেই শঅরত্ বিদ্রোহ ওই এজের্। সেনত্যে সেই শঅরানরে ভস্ত গরা ওইয়্যে।

ইষ্রা 4:19

মুই উগুম গুরিলে পরেদি সিয়েন বিজিরে ওইয়্যে আর হবর্ পাহ্ যেইয়্যেদে যে, ভালোক্ বজর্ আগেত্তুন্ ধুরি সেই শঅরানে রাজাগুনোর বিরুদ্ধে উল্লোমী গুরি এজের্; আজলে সিয়েন এমন এক্কান শঅর্ যিয়েনর্ মানুচ্চুনে শাজন্ ন মানন্।

ইষ্রা 5:3

সেক্কে ইউফ্রেটিস গাঙর্ পোজিম্ পারর্ চাগালাগুনোর শাজন্‌গুরিয়্যে তত্তনয়, শথরবোষণয় আর সিদুগোর্ দাঙর্ পোজিশনর্ কামগুরিয়্যেগুনে যিহূদীগুনো ইধু যেইনে তারারে কলাক্, “উবোসনা-ঘরান আরঅ বানেবাত্যে কন্না তমারে উগুম দিয়্যে?”

ইষ্রা 5:9

বুড়ো নেতাগুনোরে আমি পিযের্ গুরিলোং, “উবোসনা-ঘরান্ আরঅ বানেবাত্যে কন্না তমারে উগুম দিয়্যে?”

নহিমিয় 1:3

তারা মরে কলাক্‌, “বন্দীদজাত্তুন্‌ যিগুনে দেজত্‌ ফিরি যেইয়োন্‌ তারা অমকদ দুগোত্‌ আর অসর্মানর্‌ ওইনে আগন্‌। যিরূশালেমর দেবালান্‌ ভাঙি যেইয়্যে আর সিয়েনর্‌ গেট্‌টুন আগুন্দোই পুড়ি দিয়্যে ওইয়্যে।”

নহিমিয় 6:6

সিয়েনত্‌ লেগা এলদে, “নানান্‌ জাদ্‌তুনো ভিদিরে এ কধাগান শুনো যার্‌ আর গেশমেয়ো কত্তে, তুই আর যিহূদীগুনে উল্লোমির্‌ কুজুরোমি গোজ্যন্‌ বিলিনে দেবালান্‌ বানত্তে। ইয়েনিবাদেয়ো এ হবরানি অনুসারে বুঝো যাত্তে, তুই তারার্‌ রাজা অবাত্তে যর্‌।

ইষ্টের 3:8

হামনে সেক্কে রাজা অহশ্বেরশরে কলঅ, “তর্‌ রেজ্যর্‌ পুরো জাগানর্ নানান্‌ জাদ ভিদিরে এক্কো জাদ ছিদি পোজ্যে। অন্য জাদ্‌তুনোত্তুন্‌ তারার্‌ সুদোমানি যুদো আর তারা রাজার সুদোমানি ন-মানন্‌। সেনত্তে তারারে বাঁজিবাত্তে দেনাগান্ রাজার পক্ষে গম্‌ ন-অবঅ।

যিরমিয় 52:3

যিরূশালেম আর যিহূদার মানুচ্চুনোত্যে লগেপ্রভু রাগে ফুলি উঠ্যে আর যেরেদি তে তা মুজুঙোত্তুন্ তারারে দূর্ গুরি দিয়্যে। পরেদি সিদিকিয় বাবিল রাজার বিরুদ্ধে উল্লোমি গুরিলো।

দানিয়েল 3:8

এ সময়োত্ কয়েক্কো সল্লাদিয়্যে উজেই যেইনে যিহূদীগুনোরে দুষী বানেলাক্।

দানিয়েল 9:25

“তুই জানি লঅ আর বুঝি লঅ, যিরূশালেমরে আরঅ ঠিগ্ গুরিবার আর বানেবার উগুম ফগদাং অনাত্তুন্ ধুরি আরাম্ভ গুরিনে সেই মশীহর, অত্তাৎ শাজন্‌গুরিয়্যেবোর এযানা সং সাত গুণ সাত বজর্ আর বাষট্টি গুণ সাত বজর অবঅ। শঅর-চক্করুন আর শঅর রোক্ষ্যের্ বেবস্থা আরঅ নূয়ো গুরিনে বানা অবঅ আর সিয়েন গরা অবঅ দুঘো সময়োত্।

লূকে লেখ্যে গম্ হবর্ 13:34

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাধা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছঅগুনোরে তা ডুয়োনিলোই এগত্তর্ গরে ঠিগ্ সেবাবোত্যেগুরি মুই কয়বার্ তঅ মানুচ্চুনোরে মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

প্রেরিত্‌ 24:5

“আমি দেক্ক্যেই এ মানুচ্চো এক্কো ফি-বলা; আমিযে তে যাগুলুগ্ বাজেই দি থায়। গোদা পিত্‌থিমীর্ যিহূদীগুনো ইধু তে যাগুলুগ্ বাজেই দিইনে বেড়ায়। তে নাসরতীয় নাঙে এক্কো ধর্ম-বিরুদ্ধ দলর্ নেতা।

১ থিষলনীকীয় 5:22

আর নানান্ বাবোত্যে ভান্ন্যেয়ত্তুন্ দূরোত্ থেয়ো।