ইষ্রা 4:1 - Chakma Bible

¹ যিহূদা আর বিন্যামীনোর মানুচ্চুনোর শত্রুগুনে শুনিলাক্কে যে, বন্দীগুনে ফিরি এইনে ইস্রায়েলর্ গোজেন নাঙে এক্কান উবোসনা-ঘর বানাদন্।

ইষ্রা 4:1 Iomraidhean Croise

ইষ্রা 1:11

যিয়েনত্ বেক্কানিয়ে পাঁচ আজার চের্‌‌‌‌শ সনা আর রূবোর জিনিস এলঅ। বন্দী অবস্থায় বিদেশত্ বজত্তিগুরিয়্যে মানুচ্চুনে যেক্কেনে বাবিলত্তুন্ যিরূশালেমত্ এলাক্ সেক্কে শেশ্‌‌‌‌বসরর্ এই বেক পযাপিরানি লগে গুরিনে আনিলো।

ইষ্রা 10:16

বন্দীদযাত্তুন্ ফিরি এচ্চ্যে মানুচ্চুনে সেই কধামজিম্ কামানি গুরিলাক্। ধর্মগুরু ইষ্রা পত্তি বংশত্তুন্ নেতা বেঈ ললঅ। দশ মাজর্ পত্তম্ দিনোত্ তারা সেই বেপারে উদো লবাত্যে বজিলাক্।

ইষ্রা 10:7

বন্দীদযাত্তুন্ ফিরি এচ্চ্যে বেক্ মানুচ্চুনে যেনে যিরূশালেমত্ এইনে এগত্তর্ অন্ সেনত্যে যিহূদা আর যিরূশালেমর বেক্ জাগানিত্ এক্কান ফগদাং গরা অলঅ।

ইষ্রা 3:13

মানুচ্চুনে এদক্ রঅ ছাড়িলাক্কে যে, কুবো হুজির রঅ আর কানানার্ রঅ কনজনে সিয়েন বুঝি ন পারিলাক। বোউত্ দূরোত্তুন্ সেই রঅগুন শুনো যেইয়্যে।

ইষ্রা 6:16

সে পরেদি ইস্রায়েলীয়গুনে, অত্তাৎ ধর্মগুরুগুনে, লেবীয়গুনে আর বন্দীদজাত্তুন্ ফিরি এচ্চ্যে বাদবাগি মানুচ্চুনে হুজিয়ে-রাজিয়ে গোজেনর্ ঘরান্ থিদেবর্ গুরিলাক্।

দানিয়েল 5:13

সেক্কে দানিয়েলরে রাজা ইধু আনা অলঅ, আর রাজা তারে কলঅ, “তুই কি সেই দানিয়েল যিবেরে মঅ আজু যিহূদা দেজত্তুন্ বন্দী গুরি আন্যে?

দানিয়েল 9:25

“তুই জানি লঅ আর বুঝি লঅ, যিরূশালেমরে আরঅ ঠিগ্ গুরিবার আর বানেবার উগুম ফগদাং অনাত্তুন্ ধুরি আরাম্ভ গুরিনে সেই মশীহর, অত্তাৎ শাজন্‌গুরিয়্যেবোর এযানা সং সাত গুণ সাত বজর্ আর বাষট্টি গুণ সাত বজর অবঅ। শঅর-চক্করুন আর শঅর রোক্ষ্যের্ বেবস্থা আরঅ নূয়ো গুরিনে বানা অবঅ আর সিয়েন গরা অবঅ দুঘো সময়োত্।

১ করিন্হীয় 16:9

কিয়া যে কামত্ সাগর ফল পা-যায় সেবাবোত্যে কামত্যে এক্কো দাঙর্ জু মঅ মুজুঙোত্ এচ্চ্যে; খালিক্ ভালোকজনে ইয়েনত্ মানায়ো গত্তন্।