ইষ্রা 3:7 - Chakma Bible

⁷ তারা রাজমিস্ত্রি আর গাজমিস্ত্রিরে টেঙা দিলাক্ আর সীদোন আর সোরর মানুচ্চুনোরে হানা, আংগুর-রস আর তেল দিলাক্ যেনে তারা পারস্যের রাজা কোরসের অনুমতি মজিম্ লেবাননত্তুন্ যাফো সং বড় গাঙ পধেদি এরস গাজ আনি পারিদাক্।

ইষ্রা 3:7 Iomraidhean Croise

২ শমূয়েল 5:11

সোরের রাজা হীরমে দায়ূদো ইদু কয়েক্কো মানুচ্‌ পাদেল আর তারা লগে এরস তক্তা, তক্তা মিস্ত্রি আর রাজমিস্ত্রি পাধেই দিলো। তারা দায়ূদোত্তে এক্কান রাজঘর বানেই দিলাক্।

১ রাজাবলী 5:6

“সেনত্তেই তুই উগুম্ গর্‌ যেনে মত্তে লেবানন দেজর্‌ এরস গাজ্‌ছুন কাবা অয়। মঅ মানুচ্চুনে হামাক্কায় তঅ মানুচ্চুনো লগে থেবাক্‌ আর তুই যে বেতনুন্‌ ঠিগ্ গুরি দিবে মুই সে বেতনুন্ তঅ মানুচ্চুনোরে দিম্‌। তুই দঅ হবর্ পাজ্, গাজ্‌ কাবেদে কামত্‌ সীদোনীয়গুনো ধোক্ক্যেন কাবিল মানুচ্‌ আমা ইদু কনজন নেই।”

২ রাজাবলী 12:10

এধোক্ক্যেন্‌ গুরিনে যেক্কে তারা দেগিদাক্‌ সে বাক্‌সুবোত্‌ বালুক্কুন্‌ টেঙা জমা ওইয়োন্‌ সেক্কে রাজার মানুচ্চুনে আর ধর্মগুরুগুনে এইনে লগেপ্রভুর ঘরত্‌ আন্যে টেঙাগুন্‌ গুণিনে ঝলাত্‌ রাগেদাক্‌।

২ রাজাবলী 12:13

তবনা-ঘরত্‌ যে টেঙাগুন্‌ আনা অদঅ সিগুন্দোই রূবোর্‌ কাপ, চেরাগ বুদ্ধি কাজেবার্‌ চিম্‌টিগান, চেরাক্কো, তূরী বা লগেপ্রভুর ঘর সোনা-রূবোর অন্য কনঅ পিলে বানা ন-অয়।

২ বংশধর 34:10

সে পরেন্দি সে টেঙা-পোজেগুন্‌ লগেপ্রভুর ঘর কামত্‌ চেইচিদিবাত্তে যে মানুচ্চুনোরে নেযা ওইয়্যে তারা আঢত্ দিয়্যে অলঅ। চেইচিদিয়্যেগুনে উবোসনা-ঘরান্‌ তুনিবাত্তে আরঅ ঠিগ্‌-ঠাগ্‌ গুরিবাত্তে মিস্ত্রিগুনো আঢত্ টেঙা দিলাক্‌,

ইষ্রা 3:6

যুদিয়ো সেক্কেনে লগেপ্রভুর ঘরর্ গড়াগান্ গাড়া ন অয় তো তারা সাত্ মাজর্ পত্তম দিনোত্তুন্ ধুরি লগেপ্রভুর নাঙে পূজ্যে-উৎসর্বর অনুষ্ঠান গরা ধুরিলাক্।

যিহিষ্কেল 27:17

যিহূদা আর ইস্রায়েলে তঅ লগে বেবসা গুরিদো; তারা তঅ পযাপিরানির বদলে মিন্নীতের গম, হানার জিনিস, মধু, তেল আর তুম্বাজ মজলা দিদাক্।

যোনা 1:3

মাত্তর্ যোনা লগেপ্রভুত্তুন্ তর্শীশোত্ ধেই যেবাত্তে রওনা অলঅ। তে যাফো বন্দরত্ যেইনে তর্শীশোত্ যেবার এক্কান জাহাজ পেলঅ। ভাড়া দেনার্ পরেদি তে সে জাহাজ্‌চানত্ উদিলো আর লগেপ্রভুত্তুন্ ধেই যেবাত্তে তর্শীশো ইন্দি যাহ্ ধুরিলো। ‌‌

প্রেরিত্‌ 12:20

সে সময়োত্ হেরোদে সোর আর সীদোন শঅর মানুচ্চুনো উগুরে রাগে আগুন অলঅ। সেক্কে সিধুগো মানুচ্চুনে এক সমারে মিলিনে হেরোদ লগে দেগা গুরিবাত্যে গেলাক্। বাস্ত নাঙে রাজার্ ঘুমাইদ্যে ঘরর্ বিশ্বেজি চাগর্‌বোরে নিজোর্ পক্ষে আনিনে তারা রাজা লগে এক্কান মিট্‌মাট গুরিবাত্তে চেলাক্, কিয়া রাজা হেরোদ দেজত্তুন্ তারার্ দেজত্ হানা এদঅ।

প্রেরিত্‌ 9:36

যাফো শঅরত্ টাবিথা নাঙে এক্কো মিলে শিচ্চ্য এলঅ। গ্রীক ভাষায় এ নাঙানর্ অত্ত দর্কা। তে আমিযে অন্যগুনোরে উপকার গুরিদো আর নাঢা মানুচ্চুনোরে সাহায্য গুরিদো।

প্রেরিত্‌ 9:38

যাফো এলদে লুদ্দার কায়কুরে; ইয়েনত্তে শিচ্চ্যগুনে যেক্কে শুনিলাক্, পিতরে লুদ্দাত্ আঘে সেক্কে তারা দ্বিজন মানুচ্‌ তা ইধু পাধেইনে তারে এ কোজোলিগান্ গুরিলাক্, “তুই যাদিমাদি গুরিনে আমা ইধু আয়।”

প্রেরিত্‌ 9:43

পিতরে যাফোদত্ শিমোন নাঙে এক্কো মান্‌জ্য ঘরত্ বেজ্ কিজু দিন কাদেল। এই শিমোনে চামড়্ কাম গুরিদো।