ইষ্রা 3:2 - Chakma Bible

² সে পরেদি যোষাদকর্ পুয়ো যেশূয় আর তা সমাজ্যে ধর্মগুরুগুন আর শল্টীয়েলর্ পুয়ো সরুব্বাবিল আর তা সমাজ্যেগুনে পূজ্যে-উৎসর্বর অনুষ্ঠানত্যে গোজেনর্ মানুচ্ মোশির রীদি-সুদোমর লেগা মজিম্ ইস্রায়েলর্ গোজেনর্ পূজোবো বানেলাক্।

ইষ্রা 3:2 Iomraidhean Croise

পত্থম 12:7

পরেদি লগেপ্রভু অব্রামরে দেগা দিইনে কলঅ,“এ দেজ্‌চান্‌ মুই তঅ বংশবোরে দিম্‌।” যিবে তারে দেগা দিয়্যে সে লগেপ্রভুর্ নাঙে অব্রামে সেক্কে সিয়েনত্‌ এক্কো ডালিপূজো বানেল।

১ বংশধর 23:14

মাত্তর্‌ গোজেন মানুচ্‌ মোশির পুয়োগুনোরে বাদবাগি লেবীয়গুনো ভিদিরে ধরা অদঅ।

১ বংশধর 3:17

বন্দী যিকনিয়ো পুয়োগুন অলাক্‌ শল্টীয়েল,

১ বংশধর 3:19

পদায় পুয়োগুন অলাক্‌ সরুব্বাবিল আর শিমিয়ি। সরুব্বাবিলো পুয়োগুন অলাক্‌ মশল্লুম আর হনানিয়। তারা বোন্নো নাঙান্‌ অলদে শলোমীৎ।

২ বংশধর 6:6

মাত্তর্‌ ইক্কিনে মর্‌ থেবার্‌ জাগা ইজেবে মুই যিরূশালেমানরে বেঈ লোইয়োং আর মর্‌ মানুচ্‌ ইস্রায়েলীয়গুনোরে শাজন্ গুরিবাত্তে দায়ূদোরে বেঈ লোইয়োং।

ইষ্রা 10:18

যিগুনে অন্য জাদর্ মিলেগুনোরে লোইয়োন তারার্ নাঙানি ইয়েনি: ধর্মগুরুগুনো ভিদিরে যোষাদকর পুয়ো যেশূয়র আর তা ভেইয়ুনোর্ বংশধরুনো ভিদিরে মাসেয়, ইলীয়েষর, যারিব আর গদলিয়।

ইষ্রা 10:20

ইম্মেরর বংশধরুনো ভিদিরে হনানি আর সবদিয়।

ইষ্রা 10:21

হারীমর বংশধরুনো ভিদিরে মাসেয়, এলিয়, শময়িয়, যিহীয়েল আর উষিয়।

ইষ্রা 10:22

পশহূরর বংশধরুনো ভিদিরে ইলীয়ৈনয়, মাসেয়, ইশ্মায়েল, নথনেল, যোষাবদ আর ইলিয়াসা।

ইষ্রা 2:2

এই মানুচ্চুনে সরুব্বাবিল, যেশূয়, নহিমিয়, সরায়, রিয়েলায়, মর্দখয়, বিল্‌‌‌‌শন, মিসপর, বিগ্‌‌‌‌বয়, রহূম আর বানার সমারে ফিরি এচ্চ্যন। যিদুক্কুন ইস্রায়েলীয় মরদ্ ফিরি এচ্চ্যন্ তারার্ সোংখ্যেগুন এই:

ইষ্রা 3:8

যিরূশালেমত্ গোজেনর্ ঘরত্ ‍লুমিবার পরেদি দ্বিবজরত্ দ্বিমাজত্ শল্টীয়েলর পুয়ো সরুব্বাবিল, যোষাদকর পুয়ো যেশূয় আর তারার্ বাদবাগী ভেইয়ুনে কাম গুরিবাত্তে আরাম্ভ গুরিলাক্। এই ভেইয়ুনে অলাক্ ধর্মগুরু, লেবীয় আর অন্য বেক্ মানুচ্চুন যিগুনে বন্দীদযাত্তুন্ যিরূশালেমত্ ফিরি এচ্চ্যন্। কুড়ি বজর্ আর তাত্তুন্ বেশ বয়জর্ লেবীয়গুনোরে লগেপ্রভুর ঘর বানেবার কামত্ দেগাশুনো গুরিবাত্তে নেযা অলঅ।

ইষ্রা 5:2

সেক্কে শল্টীয়েলর পুয়ো সরুব্বাবিল আর যোষাদকর পুয়ো যেশূয় যিরূশালেমত্ গোজেনর্ ঘরান আরঅ বানেবাত্যে আঢ্ দিলাক। গোজেনর্ ভাববাদীগুনেয়ো তারারে সাহায্য গরা ধুরিলাক।

নহিমিয় 12:1

যিদুক্কুন্‌ ধর্মগুরু আর লেবীয়গুনে শল্টীয়েলর পূঅ সরুব্বাবিল আর যেশূয়োর লগে বন্দীদজাত্তুন্‌ ফিরি এচ্ছ্যন্‌ তারা অলাক্‌: ধর্মগুরুগুনো ভিদিরে সরায়, যিরমিয়, ইষ্রা,

নহিমিয় 12:8

লেবীয়গুনো ভিদিরে যেশূয়, বিন্নুয়ী, কদ্‌মীয়েল, শেরেবিয়, যিহূদা আর মত্তনিয়। ভালেদি গানর্‌ চেইচিদিবার্‌ ভারান্‌ এলদে মত্তনিয় আর তা বংশর মানুচ্চুনো উগুরে।

গীতসংহিতা 78:68

মাত্তর্ বেঈ নেযেল যিহূদা-গুট্টির চাগালাগান সেই সিয়োন মুড়োবো যিবেরে তে কোচ্‌পেদ।

যাত্রা 27:1

বাব্‌লা তক্তালোই পাচ্‌ আত লাম্বা, পাচ্‌ আত্‌ পাদাজ্যে আর তিন আত্‌ উজু গুরি এক্কো চের্‌কুন্যে ডালিপূজো বানেবা।

হগয় 1:1

রাজা দারিয়াবসর রাজাগিরির দ্বিবজরত্ শল্টীয়েলর পুয়ো সরুব্বাবিলে এলদে যিহূদার শাজন্‌ গুরিয়্যে আর যিহোষাদকর পুয়ো যিহোশূয় এলদে দাঙর্ ধর্মগুরু। সেই বজরর্ ছয় মাসর পত্তম দিনোত্ লগেপ্রভু ভাববাদী হগয়রে দিইনে তারারে কলঅ,

হগয় 1:12

সেক্কে শল্টীয়েলর পুয়ো সরুব্বাবিল, যিহোষাদকর পুয়ো ধর্মগুরু যিহোশূয় আর অন্য বেক্ মানুচ্চুনে তারার্ গোজেন লগেপ্রভুর কধা মজিম আর তার পাদেয়্যে ভাববাদী হগয়র কধা মজিম কাম গুরিলাক্, কিত্যে তারা লগেপ্রভুরে দোরেলাক্।

হগয় 1:14

ইয়েনর্ পরেদি লগেপ্রভু যিহূদার শাজন্‌গুরিয়্যে সরুব্বাবিলর, দাঙর্ ধর্মগুরু যিহোশূয়র আর বাদবাগি বেক্ মানুচ্চুনোর মনানি জাগেই তুলিলো। সেক্কে তারা বেক্কুনে এইনে তারার্ বেগত্তুন্ খেমতাবলা লগেপ্রভুর ঘরর কাম গরানা আরাম্ভ গুরি দিলাক্।

হগয় 2:21

“তুই যিহূদার শাজন্‌গুরিয়্যে সরুব্বাবিলরে কঅ, ‘মুই আগাজ্ আর পিত্‌থিমীগানরে ঝাগেরেম‌্।

হগয় 2:23

ও শল্টীয়েলর পুয়ো মর্ চাগর্ সরুব্বাবিল, মুই লগেপ্রভু সেদিন্যে তরে নিইনে মর্ সীলমহ্‌‌‌রর আংটি ধোক্ক্যেন গুরিম, কিত্যে মুই তরে বেঈ লোইয়োং।’ মুই বেগত্তুন্ খেমতাবলা লগেপ্রভু এ কধাগান কঙর্।”

সখরিয় 3:1

পরেদি সেই স্বর্গদূত্‌‌‌‌তো মরে দেগেল দাঙর্ ধর্মগুরু যিহোশূয় লগেপ্রভুর দূত্‌‌‌‌তো মুজুঙোত্ থিয়্যেই আঘে আর তারে দুষ্ দিবাত্তে শদানে তা ডেনেদি থিয়্যেই আঘে।

সখরিয় 3:8

ও দাঙর্ ধর্মগুরু যিহোশূয়, তুই শুন আর তঅ মুজুঙোত্ বৈই থেইয়্যে তর্ সমাজ্যে-ধর্মগুরুগুনে শুনোদোক্। মুই যে সেই চারাবোরে, অত্তাৎ মর্ চাগর্‌বোরে আনিবে এই ধর্মগুরুগুন অলাক্ তার চিহ্নো।

সখরিয় 6:11

সে পরেদি তুই সেই সোনা আর রূবোলোই এক্কো মুকুট বানা আর সিবে যিহোষাদকর পুয়ো ধর্মগুরু যিহোশূয়র মাঢাত্ পিনেই দেগোই।

লূকে লেখ্যে গম্ হবর্ 3:27

যূদা যোহানার পুয়ো, যোহানা রীষার পুয়ো, রীষা সরুব্বাবিল পুয়ো, সরুব্বাবিল শল্টীয়েলর পুয়ো, শল্টীয়েল নেরির পুয়ো;

বিচের গুরিয়্যেগুন 6:24

সেক্কে গিদিয়োনে সিয়েনত্‌ লগেপ্রভু নাঙে এক্কো ডালিপূজো বানেইনে সিবের্‌ নাঙান্‌ দিলো যিহোবা-শালোম (যিয়েনর্ ভেদ্‌তান্ “লগেপ্রভুই শান্তি”)। ডালিপূজোবো এজঅ সং অবীয়েষ্রীয়গুনোর অফ্রাতদ্‌ আঘে।