ইষ্রা 3:13 - Chakma Bible

¹³ মানুচ্চুনে এদক্ রঅ ছাড়িলাক্কে যে, কুবো হুজির রঅ আর কানানার্ রঅ কনজনে সিয়েন বুঝি ন পারিলাক। বোউত্ দূরোত্তুন্ সেই রঅগুন শুনো যেইয়্যে।

ইষ্রা 3:13 Iomraidhean Croise

১ রাজাবলী 1:40

সে পরেন্দি বেক্‌ মানুচ্চুনে বাঁজি বাজাদে বাজাদে আর ফুত্তি গত্তে গত্তে শলোমনর্ পিচ্ছো পিচ্ছো ফিরি এলাক্। তারা এধোক্ক্যেনগুরি ফুত্তি গুরিলাক্, সিবের্‌ রঅবোলোই মাদিগান গির্‌গিরে উদিলো।

১ রাজাবলী 1:45

ধর্মগুরু সাদোক আর ভাববাদী নাথন গীহোনত্‌ তারে রাজপদথ্ অভিষেগ্ গোজ্যন। সিয়োত্তুন্‌ মানুচ্চুনে ফুত্তি গত্তে গত্তে ফিরি যেইয়োন আর শঅরত্‌ সেই বেজালান্‌ অর্‌। সেই রঅগুনোই তুমি শুনোর্‌।

ইষ্রা 3:12

মাত্তর্ ভালোকজনে যেক্কেনে হুজিয়ে রঅ ছাড়ি উদিলাক্ সেক্কে যিগুনে আগ উবোসনা ঘরান্ দেখ্যন সেধোক্ক্যেন বোউত্ বুড়ো ধর্মগুরু, লেবীয় আর বংশর নেতা এই উবোসনা-ঘরর গড়াগান থিদেবর্ গত্তে দেগিনে রঅ ছাড়ি ছাড়ি কানা ধুরিলো।

ইষ্রা 4:1

যিহূদা আর বিন্যামীনোর মানুচ্চুনোর শত্রুগুনে শুনিলাক্কে যে, বন্দীগুনে ফিরি এইনে ইস্রায়েলর্ গোজেন নাঙে এক্কান উবোসনা-ঘর বানাদন্।

নহিমিয় 12:43

গোজেনে তারারে বোউত্‌ হুজি দান গোজ্যে বিলিনে সেদিন্যে মানুচ্চুনে দাঙর্‌ এক্কো উৎসর্বর অনুষ্ঠান গুরিলাক্‌ আর অমকদ ফুুত্তি গুরিলাক্‌। তারার্‌ মিলেগুনে আর ঝি-পূঅগুনে ফুত্তি গুরিলাক্‌। যিরূশালেমর মানুচ্চুনোর এ হুজির্‌ রঅগুন্‌ বোউত্‌ দূরোত্তুন্‌ শুনো গেলঅ।

গীতসংহিতা 5:11

মাত্তর্ যিগুনে তইদু আশ্রয় নেযান্ তারা হুজি ওদোক্, তারা হুজিয়ে জিংকানিবর্ গান গাদোক্; তারারে তুই রোক্ষ্যে গর্, যেনে তরে যিগুনে কোচপান্ তারা তরে নিইনেই হুজি অন্।

যিরমিয় 50:4

সে অক্তত্ ইস্রায়েল আর যিহূদার মানুচ্চুনে এক সমারে চোগো পানিয়ে তারার গোজেন লগেপ্রভুরে গভীনগুরি হবর্ পেবাত্তে আওজি অবাক্।

সখরিয় 4:7

ও দাঙর্ মুড়োবো, কন্না তুই? সরুব্বাবিল মুজুঙোত্ তুই অবেদে সংজাগায়ান। উবোসনা-ঘরর্ শেষ পাত্তর্‌‌‌‌বো লাগেবার সময় মানুচ্চুনে রঅ ছাড়িনে কবাক্ যে, সিবে অমকদ দোল্ ওইয়্যে।’ ”

বিচের গুরিয়্যেগুন 2:5

তারা সে জাগানর নাঙান্‌ দিলাক্‌ বোখীম (যিয়েনর্ ভেদ্‌তান্ “আবিলেচ্‌গুরিয়্যে”)। লগেপ্রভুর নাঙে সিয়েনত্‌ তারা এ্যমান-উৎসর্বর পরব্‌ গুরিলাক্‌।

১ শমূয়েল 4:5

লগেপ্রভুর সাক্ষ্য-সুন্দুক্কো তাম্বুলোত আনানার পরেন্দি ইস্রায়েলীয়গুনে বেক্কুনে এন্‌ দাঙর্‌ গুরি কিজেক্‌ সারি উদিলাক্, দেজর্‌ বেক্‌ জাগায়ানিত্‌ হবর্‌ পেলাক।