ইষ্রা 3:11 - Chakma Bible

¹¹ লগেপ্রভুরে বাঈনী আর ভালেদির্ গীত্ গাদে গাদে তারা গেলাক্, তে ভালেদিগুরিয়্যে, ইস্রায়েল উগুরে তার্ কোচ্‌‌‌পানাগান্ উমরত্যে থিদেবর্ গোজ্যে। লগেপ্রভুর ঘরর গড়াগান্ থিদেবর্ গরা ওইয়্যে বিলিনে বেক্ মানুচ্চুনে অমকদ রঅ ছাড়িনে লগেপ্রভুরে বাঈনী গুরিলাক্।

ইষ্রা 3:11 Iomraidhean Croise

১ বংশধর 16:34

তুমি লগেপ্রভুরে ভালেদি জানঅ, কিত্তে তে ভালেদিগান চায়; তার্‌ জদবদে কোচ্‌পানাগান উমরত্যে থিদেবর্‌।

১ বংশধর 16:41

তারা সমারে এলাক্‌ হেমন, যিদূথূন আর বাদবাগি মানুচ্চুনে, যিগুনো নাঙানি গিনিনে বেঈ নেযা ওইয়্যে যেনে তারা লগেপ্রভুর জিংকানিবর্‌ থুম্‌ ন-ওইয়্যে কোচ্‌পানাত্তে তারে ভালেদি জানে পারন্‌।

২ বংশধর 5:13

ধর্মগুরুগুনে যেক্কে বারেন্দি এলাক্‌ সেক্কে তূরী বাজেয়্যেগুনে আর গানগেইয়্যেগুনে একলগে এক সুরে লগেপ্রভুর বাঈনী গুরিলাক্‌ আর তারে ভালেদি জানেলাক্‌। তূরী, জোরি আর অন্য বাজানার লগে তারা দাঙর্‌ দাঙর্‌ গুরিনে লগেপ্রভুর নাঙে এ গান্নো গেলাক্‌, “তে মংগলময়, তার্‌ কোচ্‌পানা উমরত্তে।” সে সময়োত্‌ লগেপ্রভুর ঘরান্‌ মেঘে ঢাগি গেলঅ।

২ বংশধর 7:3

আগুনান্‌ লামি এত্তে দেগিনে আর তবনা-ঘর উগুরে লগেপ্রভুর মহিমা দেগিনে বেক্‌ ইস্রায়েলীয়গুনে পাত্তর্‌লোই বান্যে উদোনত্‌ আদু পাড়ি পড়িনে লগেপ্রভুরে তারার্‌ মন ভোক্তি জানেলাক্‌ আর ইয়েন্‌ কোইনে তারে নাঙ্ গিনিলাক্‌, “তে মংগলময়; তার্‌ কোচ্‌পানাগান্‌ উমরত্তে।”

নহিমিয় 12:24

লেবীয়গুনোর নেতা হশবিয়, শেরেবিয়, কদ্‌মীয়েলর পূঅ যেশূয় আর তারার্‌ বংশর মানুচ্চুনে গোজেনর মানুচ্‌ দায়ূদোর কধামজিম্‌ অন্য দলর্‌ মুজুঙো-মুজুঙি থিয়্যেইনে দলকে দল্‌ গোজেনরে নাঙ্‌ গিনিদাক্‌ আর ভালেদি জানেদাক্‌।

নহিমিয় 12:40

যে দ্বিবে গানর্‌ দলে ভালেদি দুয়োন্‌ তারা সে পরেন্দি গোজেনর ঘরর্‌ ভিদিরে তারার্‌ জাগানত্‌ যেইনে থিয়্যেলাক্‌। মুইয়ো সিয়েন্‌ গুরিলুঙ্‌ আর আমা লগে রলাক্‌ দাঙর্‌ পোজিশনর্‌ কাম্‌গুরিয়্যেগুনো ভিদিরেত্তুন্‌ অদ্দেক্‌ মানুচ্‌।

গীতসংহিতা 100:5

লগেপ্রভু মংগলময়, তার কোচ্‌পানা উমরত্যে থিদেবর্; তার বিশ্বেজ্‌ছান বংশর পর বংশ ধুরি চলে।

গীতসংহিতা 103:17

মাত্তর্ যিগুনে লগেপ্রভুর ভক্ত, যিগুনে তার সুদোমানি মানি চলন্ আর তার সুদোম মজিম চলেদে ইন্দি খিয়েল রাগান্, তারা উগুরে তার অমকদ কোচ্‌পানা আর তার বিশ্বেজছান্ উমরত্যে থেবঅ, বংশর পর বংশ ধুরি থেবঅ।

গীতসংহিতা 106:1

লগেপ্রভুরে নাঙ্ গিনে ওক্। তুমি লগেপ্রভুরে ভালেদি জানঅ, কিত্তে তে ভালেদি গরে; তার কোচ্‌পানাগান উমরত্তে।

গীতসংহিতা 107:1

“তুমি লগেপ্রভুরে ভালেদি জানঅ, কিত্তে তে অমকদ গম; তার অমকদ কোচ্‌পানাগান জিংকানিবর্ থিদেবর্ গোজ্যে।”-

গীতসংহিতা 118:1

লগেপ্রভুরে ভালেদি জানঅ, কিত্তে তে গম্; তার অমকদ কোচ্‌পানাগান উমরত্যে থিদেবর্ গোজ্যে।

গীতসংহিতা 131:1

ও লগেপ্রভু, মঅ মনান্ বাড়্‌বো নয়, মঅ চোগ্‌কুনোত্ বাড়্‌বোর্ ভাব নেই; যিয়েনি দাঙর্ আর আগাত্যে কাম মর্ গরানা সম্ভব নয় সিয়েনিলোই মুই মাধা ন-ঘামাং।

গীতসংহিতা 135:3

লগেপ্রভুরে বাঈনী গরঅ, কিত্তে তে আজলে গম্; তারে নাঙ্ গিনেদে গীদ্ গঅ, কিত্তে সিয়েন গরানা গম্।

গীতসংহিতা 47:1

ও বেক্ জাদ্‌তুন, তুমি আঢতালি দুয়ো; গোজেনর নাঙে হুজিয়ে রঅ ছাড়।

গীতসংহিতা 47:5

গোজেনে হুজির রঅবোলোই উগুরে উদি যেয়েগোই, লগেপ্রভু তূরীর রবোলোই উদি যেয়েগোই।

যাত্রা 15:21

মোশির্‌ গীদ্‌তোর্‌ জোবত্‌ মরিয়মে এই গান্নো গেলঅ; “তুমি লগেপ্রভুর্‌ নাঙে গীদ্ গঅ, কিত্তে মানেইয়ুনোর চোগোত্‌ তাঁর্‌ মহিমাগান্ বাড়িলো। ঘোড়া আর ঘোড়াবাহিনীগুনোর দলুনোরে তেয়ই‌ ফেলেই দিলো বড়গাঙ পানিত্।”

যিশাইয় 12:6

ও সিয়োন মানুচ্চুন্, তুমি দাঙর্ গুরিনে রঅ ছাড় আর হুজিয়ে গীদ্ গঅ, কিত্তে ইস্রায়েলর সেই পবিত্র মানুচ্চো তমা ভিদিরে দাঙর্।”

যিশাইয় 44:23

ও আগাজ্‌চান, হুজিয়ে গিদ্ গাহ্, ‍‍ কিত্তে লগেপ্রভু ইয়েন গোজ্যে। ও পিত্‌থিমীর গভিন্ জাগায়ানি, জয় ধুনি দে।‍‍‍ ও মুড়ো-মুড়িগুন্, ও ঝার্ আর সিয়েনর গাজ্-বাজ্‌চুন্, তুমি হুজিয়ে-গানে ফুত্তি গরঅ, কিত্তে লগেপ্রভু যাকোবরে উদ্ধোর্ গোজ্যে আর ইস্রায়েলর্ মাধ্যমে তার বাঈনী গরানা ফগদাং গুরিবো।

যিশাইয় 6:3

তারা একজন আর একজনরে ডাগিনে কদন্, বেগত্তুন্ খেমতাবলা লগেপ্রভু পবিত্র, পবিত্র, পবিত্র; তা মহিমালোই পুরো পিত্‌থিমীগান্ ভর্‌পুনং।

হগয় 2:3

তমা ভিদিরে এমন কন্না আঘে যিবে এই ঘরানরে তার পুরোণি সয়-সাগোজ্যে অবস্থায় দেখ্যে? আর ইক্কিনে সিয়েন কেধোক্ক্যেন দেগর্? তমা ইধু কি মনে ন-অর্ যে, আগ তুলোনায় ইয়েন কিচ্ছু নয়?

সখরিয় 4:7

ও দাঙর্ মুড়োবো, কন্না তুই? সরুব্বাবিল মুজুঙোত্ তুই অবেদে সংজাগায়ান। উবোসনা-ঘরর্ শেষ পাত্তর্‌‌‌‌বো লাগেবার সময় মানুচ্চুনে রঅ ছাড়িনে কবাক্ যে, সিবে অমকদ দোল্ ওইয়্যে।’ ”

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।

লূকে লেখ্যে গম্ হবর্ 1:50

যিগুনে তারে ভোক্তি গরন্ তারা উগুরে তে দোয়্যে গরে, গুট্টির্ পর্ গুট্টি ধুরি গরে।

যিহোশূয় 6:10

যিহোশূয় আগেন্দি মানুচ্চুনোরে এ উগুমান দিয়্যে, “তুমি কিজেক্‌ ন-কারিবা বা দাঙর্‌ দাঙর্‌ গুরি কধা ন-কবা বা মুয়ন্দি কনঅ‌ রঅ‌ ন-নিগিলেবা। যেদিন্যে মুই তমারে কিজেক্‌ কারিবাত্তে কোম্‌ বানা সেদিন্যে তুমি কিজেক্‌ কারিবা।”

যিহোশূয় 6:16

সাত বার ঘুরিবার সময়ানত্‌ যেক্কে ধর্মগুরুগুনে বাঁশিলোই একঢাল্যে রঅ‌ তুলিলাক্‌ সেক্কে যিহোশূয় মানুচ্চুনোরে উগুম দিলো্‌, “তুমি অমকদ দাঙর্‌ গুরিনে কিজেক্‌ কারঅ‌, কিত্যে লগেপ্রভু শঅরান তমারে দিয়্যে।

যিহোশূয় 6:5

যেক্কে তুমি শুনিবা সে ধর্মগুরুগুনে বাশিলোই একঢাল্যে রঅ তুল্যন্‌ সেক্কে বেক্‌ মানুচ্চুনে অমকদ দাঙর্‌ গুরিনে কিজেক্‌কারি উদিবাক্‌। সেক্কে শঅরর্‌ দেবালানি ভাঙি পড়ি যেবঅ আর সেনে ইস্রায়েলীয়গুনে সিয়েনর উগুরেন্দি সোজা ভিদিরেন্দি চুমিবাক্কোই।”