ইষ্রা 2:70 - Chakma Bible

⁷⁰ ধর্মগুরুগুন, লেবীয়গুন, গানগেইয়্যেগুন, উবোসনা-ঘরর্ চুগিদারুন আর সেবাগুরিয়্যেগুন আর অন্য মানুচ্চুন্ অত্তাৎ বেক্ ইস্রায়েলীয়গুন যে যার্ আদামত্ আর শঅরত্ বজত্তি গরা ধুরিলাক।

ইষ্রা 2:70 Iomraidhean Croise

২ রাজাবলী 7:10

সেনত্তে তারা যেইনে শঅর-গেদো চুগিদারুনোরে ডাগিনে কলাক্‌, “আমি অরামীয়গুনোর তাম্বুলোত্‌ যেইয়্যেই। সিদু এক্কো মানুচ্‌অ নেই, কারঅ রঅয়ো নেই; বানা ঘোড়া আর গাধাগুন্‌ বান্যে আগন্‌ আর তাম্বুলানি যেবাবোত্যে এলঅ সেবাবোত্যে গুরি রাগেইনে তারা যেইয়োন্‌।”

১ বংশধর 11:2

ইয়েন আগেন্দি যেক্কে শৌল রাজা এলঅ সেক্কে যুদ্ধো সময়োত্‌ তুয়ই ইস্রায়েলীয়গুনোর সৈন্য পরিচালনা গুরিদে; আর তর্‌ গোজেন্‌ লগেপ্রভু তরে কোইয়্যেদে যেনে তুয়ই তা মানুচ্চুনোর, অত্তাৎ ইস্রায়েলীয়গুনোরে দেগাশুনো গরচ্‌ আর তারার্‌ নেতা অচ্‌।”

১ বংশধর 9:2

যিগুনে পত্তমে ফিরি এচ্ছ্যন্‌ নিজো শঅরত্‌ আর আদামত্‌ নিজো জাগা-জোমি উগুরে আরঅ বজত্তি গরানা আরাম্ভ গুরিলাক্‌ তারা অলাক্কে ধর্মগুরু, লেবীয়, তবনা-ঘরর্‌ সেবাগুরিয়্যে আর অন্য ইস্রায়েলীয়গুন।

ইষ্রা 2:1

বাবিলর্ রাজা নবূখদ্‌‌‌‌নিৎসরে যিদুক্কুন মান্‌‌‌‌জ্যরে বন্দী গুরিনে বাবিলোত্ নেযেয়োন তারা ভিদিরে ভালোকজনে বন্দী অবস্থাত্তুন্ যিরূশালেম আর যিহূদাত্ নিজোর্ নিজোর্ শঅর্ আর আদামত্ ফিরি এচ্চোন।

নহিমিয় 7:73

ধর্মগুরুগুনে, লেবীয়গুনে, চুগিদারুনে, গানগেইয়্যেগুনে, উবোসনা-ঘরর্‌ সেবাগুরিয়্যেগুনে আর অন্য মানুচ্চুনে, অত্তাৎ বেক্‌ ইস্রায়েলীয়গুনে সাত্‌ মাসর্‌ আগেন্দি যে যার্‌ আদামত্‌ আর শঅরত্‌ বজত্তি গরা ধুরিলাক্‌।