ইষ্রা 10:6 - Chakma Bible

⁶ সে পরেদি ইষ্রা গোজেনর্ ঘর মুজুঙোত্তুন্ ইলীয়াশীবর পুয়ো যিহোহাননর ঘুদিবোত্ গেলঅ। তে সিয়েনত্ হানা বা পানি কিচ্ছু ন হেলঅ, কিত্যে বন্দীদযাত্তুন্ ফিরি এচ্চ্যে মানুচ্চুনোর অবিশ্বেজত্যে তে আবিলেচ্ গুরিলো।

ইষ্রা 10:6 Iomraidhean Croise

ইষ্রা 10:1

ইষ্রা যেক্কে গোজেন ঘর মুজুঙোত্ উবোত্ পুন্দুরী ওইনে তবনা গরের্ আর পাপ স্বীগের্ গরের্ আর কানের্ সেক্কে ইস্রায়েলীয়গুনোর মরদ্, মিলে আর পুয়ো-ঝিগুনোর এক্কো দাঙর্ দল তাইধু এগত্তর্ ওইয়োন। তারায়ো অমকদ কান্নোন্।

ইষ্রা 10:7

বন্দীদযাত্তুন্ ফিরি এচ্চ্যে বেক্ মানুচ্চুনে যেনে যিরূশালেমত্ এইনে এগত্তর্ অন্ সেনত্যে যিহূদা আর যিরূশালেমর বেক্ জাগানিত্ এক্কান ফগদাং গরা অলঅ।

ইষ্রা 9:4

বন্দীদযাত্তুন্ ফিরি এচ্চ্যে এ মানুচ্চুনোর অবিশ্বেজর্ বেপারে যিগুনে ইস্রায়েলর্ গোজেনর্ কধানি ইদোত্ তুলিনে গির্‌গিরে উদিলাক্ তারা পত্তিজনে মইদু এইনে এগত্তর্ অলাক্। সাজোন্যে অক্তত্ উৎসর্বর সময়ো সং মুই সিয়েনত্ আমক্ ওইনে বোই রলুং।

নহিমিয় 12:10

যেশূয়োর পূঅবোর্‌ নাঙান্‌ যোয়াকীম, যোয়াকীমোর পূঅবোর্‌ নাঙান্‌ ইলিয়াশীব, ইলিয়াশীবোর পূঅবোর্‌ নাঙান্‌ যোয়াদা;

নহিমিয় 12:22

ইলিয়াশীব, যোয়াদা, যোহানন আর যদ্দূয়োর্‌ জীংকানিত্‌ লেবীয়গুনোর্‌ আর ধর্মগুরুগুনোর্‌ বংশর মুরুব্বীগুনোর্‌ নাঙানি লিস্টিত্‌ লেগা অর্‌, আর সিয়েনি থুম্‌ ওইয়্যেদে পারস্যের রাজা দারিয়াবসর রাজাগিরির সময়োত্‌।

নহিমিয় 13:28

আজল্‌ ধর্মগুরু ইলিয়াশীবোর্‌ পূঅ যিহোয়াদার এক্কো পূঅ হোরোণীয় সন্‌বল্লটর ঝিবোরে লোইয়্যে। সেনত্তেই মুই সে পূঅবোরে মর্‌ কায়-কুরেত্তুন্‌ ধাবেই দিলুং।

নহিমিয় 3:1

দাঙর্‌ ধর্মগুরু ইলীয়াশীবে আর তা লগে ধর্মগুরুগুনে কামত্‌ যেইনে মেষ-গেট্টো আরঅ গাদেলাক্‌। তারা সিবে গোজেনর নাঙে উৎসর্ব গুরিনে সিয়েনর্‌ দোরান্‌ লাগেলাক্‌। সে পরেন্দি তারা হম্মেয়া-তাম্বুল আর হননেল-তাম্বুলান সং গাদেইনে দেবালর্‌ সে দ্বিভাগ উৎসর্ব গুরিলো।

নহিমিয় 3:20

সে পরেন্দি সব্বয়র পূঅ বারূকে দেবালর বাক্কোত্তুন্‌ দাঙর্‌ ধর্মগুরু ইলিয়াশীবোর ঘরর্‌ দোরান সং আওজ্‌ গুরিনে ঠিগ্‌ গুরিলাক্‌।

ইয়োব 23:12

তা উগুমানিত্তুন্ মুই সুরি ন-এজং; মর্ নিত্য খাইদে জিনিজোত্তুন্অ বেশ্ তা মুয়ো কধানি মুই বোউত্ দাম দুয়োং।

গীতসংহিতা 102:4

রোদ তেজে শুগে যেইয়্যে ঘাস ধোক্ক্যেন্ মঅ মনান্ শুগেই যেইয়্যে; মুই হেবাত্তেয়ো ভুলি যাঙ্।

যাত্রা 34:28

সিনাই মুড়োবো উগুরে মোশি লগেপ্রভু ইদু চল্লিশ দিন আর চল্লিশ রেত্‌ এলঅ‌। এই সময়ো ভিদিরে তে কনঅ পিদে বা পানি ন-খায়। লগেপ্রভু সেই পাত্তরর্‌ আরুগ্ দ্বিবে উগুরে তার্‌ সুদোমর্‌ কধানি আরঅ‌ লিগি দিলো, আর সিয়েনিই অলঅ‌ সেই দশ্‌ছান্‌ উগুম্‌।

যিশাইয় 22:12

সেদিন্যে বেগত্তুন্ খেমতাবলা প্রভু লগেপ্রভু কানিবার্ বা আবিলেচ্ গুরিবাত্তে, মাঢাবো চুলানি মুড়েবাত্তে আর বস্তা পাদা পিনিবাত্তে তমারে ডাক্ক্যে।

দানিয়েল 9:3

সেনত্তে মুই উবোস্ থেইনে, বস্তা পাদা পিনিনে আর ছেই মিগিনেই কোজোলী আর আওজে প্রভু গোজেন ইধু তবনা গুরিলুং।

দ্বি’লম্বর বিররণ 9:18

লগেপ্রভুর চোগেদি ভান্ন্যেই এধোক্ক্যেন বেক্‌ পাপ্পানি গুরিনে তুমি তার্‌ রাগ্‌কান জাগেই দুয়ো বিলিনে মুই আগঅ ধোক্ক্যেন আরঅ চোল্লিশ দিন আর চোল্লিশ রেত্‌ লগেপ্রভুর মুজুঙোত্‌ আদু পাড়িনে পড়ি রোলুং; পানি বা পিদে কিচ্ছু মুয়োত্‌ ন-দিলুং।