ইষ্রা 10:4 - Chakma Bible

⁴ তুই উঠ; এ বেপারে কাম গরানা দঅ তর্ দায়িত্ব। আমি তরে সাহায্য গুরিবোং, সেনত্যে তুই সাহসী ওইনে কাম গর্।”

ইষ্রা 10:4 Iomraidhean Croise

১ বংশধর 22:19

ইক্কিনে তুমি তমার গোজেন লগেপ্রভুর আওজ্‌ছান জানেবাত্তে তমা বেক্‌ মনান্‌-পরাণান্‌ ঠিগ্‌ গর আর লগেপ্রভুর নাঙে তার্‌ পবিত্র ঘরান্‌ বানেবাত্তে আরাম্ভ গুরি দুয়ো, যেনে সিয়েন ভিদিরে লগেপ্রভুর সুদোম-সুন্দুক্কো আর গোজেন পবিত্র জিনিসছানি আনিনে রাগা যায়।”

১ বংশধর 28:10

ইক্কিনে মনযোগী অ, কিয়া তবনা গুরিবাত্তে এক্কান্‌ ঘর্‌ বানেবাত্তে লগেপ্রভু তরে বেঈ লোইয়্যে। তুই বোলী অ আর কাম্‌ গর্‌।”

১ বংশধর 28:20

দায়ূদে তাহ্ পুয়ো শলোমনরে এ কধাগান অ কলঅ, “তুই বোলী অ, মনত্‌ সাহস আন্‌ আর কাম্‌ গর্‌। তুই ন-দোরেচ্‌, আজা ন-আরেচ্‌, কিত্তে লগেপ্রভু গোজেন, মর্‌ গোজেনে তঅ সমারে আঘে। লগেপ্রভুর সেবা-কামত্তে তবনা-ঘর বানেবার বেক্‌ কামান্‌ শেজ্‌ ন-অনা সং তে তরে ছাড়ি ন-যেবঅ বা ফেলেই ন-যেবঅ।

১ বংশধর 28:21

গোজেন ঘরর্‌ বেক্‌ সেবা-কামানিত্তে নানান্‌ দল ধর্মগুরু আর লেবীয়গুনে যুক্কোল্‌ আগন্‌‌। বেক্‌ কামানিত্‌ তরে বল্‌ দিবাত্তে কাবিল্‌ আর আওজ্‌বলা মানুচ্চুনেয়ো আগন্‌। নেতাগুনে আর বেক্‌ মানুচ্চুনে তঅ উগুমান্‌ মানিবাক্‌।”

ইষ্রা 10:5

সেক্কে ইষ্রা উদিলো আর সেই কধা মজিম কাম গুরিবাত্যে আজল্ ধর্মগুরুগুনোরে, লেবীয়গুনোরে আর সিধু এগত্তর্ ওইয়্যে ইস্রায়েলীয়গুনোরে শমক্ হাবেল। তারা বেক্কুনে শমক্ হেলাক্।

উপদেশক 9:10

তঅ আঢত্ যে কনঅ কাম্ এদঅ সাৎ সিয়েনি তর্ বেক্ খেমতালোই গুরিবে, কিত্তে তুই যে জাগানত্ যর্ সে গোর জাগানত্ কনঅ কাম্, সল্লা গরানা, বুদ্ধি বা জ্ঞান বিলিনে কিচ্চু নেই।

মার্ক 13:34

সিবে এমন্ এক্কো মান্‌‌জ্য ধোক্ক্যেন্ অবঅ যিবে বেড়ানত্ যেবাত্যে ঘরান্ ছাড়ি যেবার্ আগেদি তে চাগরুনো আঢত্ বেক্ কামানির ভারান্ দিলো। তে পত্তি চাগররে তার্ কামানি দিলো আর চুগিদার্‌‌বোরে জাগি থেবাত্তে কলঅ।

ইব্রীয় 10:24

এজঅ, আমি একজন আরেকজন পৌইদ্যেনে চিন্তে গুরিই যেন আমি কোচ্‌পানা আর গম কাম গত্তে একজন আরেকজনরে উচ্চোমি দি পারিই।