ইষ্রা 10:3 - Chakma Bible

³ ইক্কিনে এজঅ, আমা গোজেন মুজুঙোত্ আমি এ এগেমান্ গুরিই, আমার গিরোজ্ তর্ সল্লা মজিম আর আমা গোজেনর্ উগুমানরে যিগুনে দরান্ তারার্ সল্লা মজিম আমি এ মিলেগুনোরে আর তারার্ ঝি-পুয়োগুনোরে বাদ দিবোং। রীদি-সুুদোম মজিম সিয়েন গরা ওক্।

ইষ্রা 10:3 Iomraidhean Croise

২ রাজাবলী 11:17

যিহোয়াদা সে পরেন্দি লগেপ্রভু, রাজা আর মানুচ্চুনো ভিদিরে এ চুক্তিবো গুরিলো, তারা লগেপ্রভুর মানুচ্‌ ইজেবে চলিবাক্‌। তে রাজা আর মানুচ্চুনোর ভিদিরেয়ো এক্কান্‌ চুক্তি গুরিলো।

২ বংশধর 29:10

মুই ইক্কিনে ইস্রায়েলর গোজেন লগেপ্রভুর লগে এক্কো চুক্তি গুরিবাত্তে চাং যেনে তার্‌ দর্‌গরেপারা রাগ্‌কান আমা উগুরেত্তুন্‌ যাইয়োই।

২ বংশধর 30:12

গোজেন আঢ্‌তান যিহূদার মানুচ্চুনো উগুরেয়ো এলঅ, সেনত্তে লগেপ্রভুর কধা মজিম্‌ রাজা আর তার্‌ কামগুরিয়্যেগুনোর উগুম্‌ পালেবাত্তে তে তারার্‌ মনান্‌ এক গুরিলো।

২ বংশধর 34:21

“যে বোইবো পাহ্ যেইয়্যে সিবে ভিদিরে কি লেগা আঘে সিবে তুমি যেইনে মর্‌ আর ইস্রায়েল আর যিহূদার বাদবাগি মানুচ্চুনোত্তে লগেপ্রভুরে পুযোর্‌ গর্‌। আমা পুরোণি মানুচ্চুনে লগেপ্রভুর কধানি ন-পালান্‌ আর এ বোইবোত্‌ যিয়েনি লেগা আঘে সেই মজিম কাম্‌ ন-গরে বিলিনে তার্‌ জদবদে রাগ্‌কান আমা উগুরে পোজ্যে।”

২ বংশধর 34:27

‘এ জাগায়ান্‌ আর তা মানুচ্চুনো বিরুদ্ধে মুই যিয়েনি কোইয়োং সিয়েনি শুনিনে তঅ মনান্‌ সিয়েন্দোই সাড়া দিয়্যে আর মঅ মুজুঙোত্‌ তুই নিজোরে চিগোন্‌ গোজ্যস্‌ আর তঅ পোজাক্কান্‌ ফাদিনে মইদু কানাকুদি গোজ্যস্‌। তুই ইয়েনি গোজ্যস্‌ বিলিনে মুই লগেপ্রভু তর্‌ তবনাগান্‌ শুন্যং।

ইষ্রা 10:11

ইক্কিন তুমি তমার্ পূরোণি মানুচ্চুনোর গোজেন লগেপ্রভু ইধু পাপ স্বীগের গুরিনে তার্ আওজ্ মজিম কাম গরঅ। তমা দেজত্ বজত্তিগুরিয়্যে মানুচ্চুনোর আর অন্য জাদর্ মিলেগুনোত্তুন্ নিজোরে যুদো গরঅ।”

ইষ্রা 10:44

ইক্কুনে বেক্কুনে অন্য জাদর্ মিলেরে লোইয়োন আর কনঅ কনঅ মোগোর্ পেদত্অ ঝি-পুয়ো এলাক্।

ইষ্রা 10:9

তিন দিনো ভিদিরে যিহূদা আর বিন্যামীন চাগালার্ বেক্ মানুচ্চুনে যিরূশালেমত্ এগত্তর্ অলাক্। নয় মাজত্ কুড়ি দিনোর্ দিন্নোত্ বেক মানুচ্চুনে গোজেনর্ ঘর মুজুঙো চক্করবোত্ বোইনে সে বেপারানত্যে আর অমকদ ঝড়ানত্যে গির্‌‌‌‌গিরাদন্।

ইষ্রা 9:4

বন্দীদযাত্তুন্ ফিরি এচ্চ্যে এ মানুচ্চুনোর অবিশ্বেজর্ বেপারে যিগুনে ইস্রায়েলর্ গোজেনর্ কধানি ইদোত্ তুলিনে গির্‌গিরে উদিলাক্ তারা পত্তিজনে মইদু এইনে এগত্তর্ অলাক্। সাজোন্যে অক্তত্ উৎসর্বর সময়ো সং মুই সিয়েনত্ আমক্ ওইনে বোই রলুং।

নহিমিয় 10:1

যিগুনে সিয়েন উগুরে সীলমহ্‌র দুয়োন্‌ তারা অলাক্কে হখলিয়োর্‌ পূঅ শাজন্‌গুরিয়্যে নহিমিয় আর সিদিকিয়,

নহিমিয় 8:14

তারা রীদি-সুদোম ভিদিরেন্দি দেগিলাক্কে মোশির মাধ্যমে লগেপ্রভু এ উগুমান্‌ দিলো, সাত্‌ মাসর্‌ পরবর্‌ অক্তত্‌ ইস্রায়েলীয়গুনে নাদা মান্‌জ্যর-ঘরত্‌ বজত্তি গুরিবাক্‌,

নহিমিয় 9:38

সে পরেন্দি মানুচ্চুনে লিগিলাক্‌: “এ কারনে আমি ইক্কিনে নিজোর্‌ ভিদিরে লেখ্যে চুক্তি গুরির্‌, আর সিয়েন উগুরে আমা নেতাগুনে, লেবীয়গুনে আর ধর্মগুরুগুনে তারার্‌ সীলমহ্‌রবো দেদন্‌।”

গীতসংহিতা 119:120

তঅ দরে মঅ কিয়্যেগান গির্‌গিরে উদে; তঅ সুদোমানি মুই দরাং।

গীতসংহিতা 119:59

মুই কন পধেন্দি আদাউদো গোজ্যং সে পৌইদ্যেনে চিন্তে গুরি চেইয়োং, সেনত্তে তর্ কধামজিম্ মঅ টেঙানি ফিরেয়োং।

যিশাইয় 66:2

ইয়েনি বেক্কানি মুই নিজো আঢে বানেয়োং আর সেনত্তে ইয়েনি ওইয়্যে। যে মানুচ্চো নম্র, যিবের্ মনান্ ভাঙিনে চুর্‌‌মার্ ওইয়্যে আর যে মঅ কধালোই গির্‌‌‌গিরেই তারে মুই গম্ চোগেদি চেম্।

যিশাইয় 8:20

তমাত্তুন্ গোজেনর্ উগুম আর সাক্ষি ইদু যাহ্ পুরিবো। যুনি তারা গোজেন কধা মজিম্ কধা ন-কন্ সালে বুঝো পুড়িবোদে তারা ইদু কনঅ পহ্‌‌র জিনিস্‌চান নেই।‌

যিহিষ্কেল 9:4

তে তারে কলঅ, “তুই যিরূশালেম শঅরান ভিদিরেদি যাহ্ আর সিয়েন ভিদিরে যেদক্কানি জঘন্য কাম গরা ওইয়্যে সেনত্তে যিগুনে ভঅ নিজেস্ ফেলেইনে ফবাদন্ তারা কবালত্ এক্কান গুরি চিহ্নো দুয়ো।”

দ্বি’লম্বর বিররণ 29:12

তমার গোজেন লগেপ্রভু তমাত্যে এচ্চ্যে ঘেচ্চ্যেকগুরি অবদে শমক্‌ গুরিনে যে সুদোমান থিদেবর্ গোজ্যে সেই শমক্ আর সুদোমানি মানি নিবাত্তে তুমি ইয়েনত্ এইনে থিয়্যেইয়ো।

যিহোশূয় 9:6

এধোক্ক্যেনগুরি তারা গিল্‌গলত্‌ ইস্রায়েলীয়গুনো তাম্বুলোত্‌ যিহোশূয়র মুজুঙোত্‌ আঝিল্ অলাক্‌। তারা তারে আর ইস্রায়েলীয়গুনোরে কলাক্‌, “আমি বোউত্‌ দূর দেজত্তুন্‌ এচ্ছ্যেই; তুমি আমা লগে আঢ্ মিলো।”