ইষ্রা 1:4 - Chakma Bible

⁴ গোজেনর্ যিদুক্কুন্ মানুচ্ এজঅ বাঁজি আগন তারা ‍যিয়োদোই বজত্তি গুরিদাক্ সাৎ তারা ভিদিরে যিগুনে যিরূশালেমত্ যেবাত্তে চায় তারার্ পাড়াল্যেগুনে যেনে তারার্ সনা-রূবো, জিনিসপাদি আর য়েমান দিইনে সাহায্য গরন্ আর যিরূশালেমত্ গোজেনর্ ঘরত্যে নিজের আওজে বক্‌শিজ্ দুয়োন।

ইষ্রা 1:4 Iomraidhean Croise

১ বংশধর 29:17

ও মর্‌ গোজেন, মুই হবর্‌ পাঙ্, তুই মনানিরে যগা চাজ্‌ আর গমত্‌ হুজি অচ্‌। এ বেক্‌ জিনিজ্‌ছানি মুই হুজি ওইনে আর মন ভোক্তিলোই দুয়োং। ইক্কিনে মুই দেগিনে হুজি অলুং, তঅ মানুচ্চুনে যিগুনে ইদু আগন্‌ তারায়ো কেধোক্ক্যেন হুজি ওইনে তরে দুয়োন্‌।

১ বংশধর 29:3

এ পবিত্র তবনা-ঘরানত্তে মুই যিয়েনি থুবেয়োং সিয়েনি বাদেয়ো মর্‌ গোজেন ঘরান উগুরে মর্‌ কোচ্‌পানার্‌ কারনে ইক্কিনে মুই মর্‌ নিজোর্‌ সোনা আর রূবো দুয়োঙর্‌।

১ বংশধর 29:9

তারা হুজি মনে আর খুলো আদে মন দিইনে লগেপ্রভুরে দি পারিনে হুজি অলাক্‌। রাজা দায়ূদেয়ো অমকদ হুজি ওইয়্যে।

২ বংশধর 31:14

মানুচ্চুনোরে নিজোর্‌ আওজে গরানা উৎসর্বর জিনিজোর্‌ ভারান্‌ এলদে পূগেন্দি গেদোর্‌ চুগিদার্‌-লেবীয় যিম্নার পুয়ো কোরির উগুরে। লগেপ্রভুরে দিয়্যে বেক্‌ বক্‌শিজ্‌ছানি আর দাঙর্‌ সুদ্ধো-সাংগ জিনিস্‌ছানি ভাগ গুরি দিবার্‌ ভারান্‌অ এলদে তা উগুরে।

ইষ্রা 1:3

তা মানুচ্চুনো ভিদিরে অত্তাৎ তমা ভিদিরে যে চায় তে যিহূদা দেজর্ যিরূশালেমত্ যেইনে ইস্রায়েলর্ গোজেন লগেপ্রভুর ঘর বানোক্। কিত্যে তে যিরূশালেমত্ আঘে। যিগুনে সিয়েনত্ যেবাক্ তারার্ গোজেনে তারা সমারে থোক্।

ইষ্রা 1:5

ইয়েন্দোই যিহূদা আর বিন্যামীনর বংশ-নেতাগুনোর, ধর্মগুরুগুনোর আর লেবীয়গুনো ভিদিরে যিগুনো মনত্ গোজেনে দেগা দিলো তারা পত্তিজনে যিরূশালেমত্ লগেপ্রভুর ঘর বানেবাত্যে যেবাত্যে যুুক্কোল্ অলাক্ ।

ইষ্রা 9:15

ও ইস্রায়েলর গোজেন লগেপ্রভু, তুই ন্যায়বলা। আমি এচ্চ্যে সং কিজু মানুচ্ বাঁজি আগিই। তঅ মুজুঙোত্ আমি বেক্কুনে পাপী, আর সেনত্যে আমাত্তুন্ কেয়ই তঅ মুজুঙোত্ থিয়্যেবার্ যগাজ্যে নয়।”

যাত্রা 35:29

মোশিরে দিইনে লগেপ্রভু যিয়েনি গুরিবার্‌ উগুম্‌ দিয়্যে সেই বেক্‌ কামানি গুরিবাত্তেই ইস্রায়েলীয় মিলেগুনে আর মরত্তুনো ভিদিরেত্তুন্‌ যিগুনোর্‌ আওজ অলঅ‌ তারা লগেপ্রভুরে দিবাত্তে যিবের্‌ যেধোক্ক্যেন হুজি লোই আনিলাক্‌।

যিশাইয় 10:21

বাঁজি থেইয়্যে মানুচ্চুনে ফিরি এবাক্; যাকোবর্ বাদ্‌বাগি মানুচ্চুন্ খেমতাবলা গোজেন ইদু ফিরি এবাক্।

প্রেরিত্‌ 24:17

“ভালোক্ বজর্ পরেদি মুই যিরূশালেমত্ যেয়োং যেন মঅ জাদর্ নাঢা মানুচ্চুনোরে কিজু টেঙা-পৌইজ্যে দি পারং আর য়েমান উৎসর্ব গুরি পারং।

গালাতীয় 6:2

তুমি একজন আরেকজনর্ ভারান্ ভুগি লোইয়ো। এবাবোত্যেগুরি তুমি খ্রীষ্টর্ সুদোমানি পালেই পারিবা।