ইষ্রা 1:3 - Chakma Bible

³ তা মানুচ্চুনো ভিদিরে অত্তাৎ তমা ভিদিরে যে চায় তে যিহূদা দেজর্ যিরূশালেমত্ যেইনে ইস্রায়েলর্ গোজেন লগেপ্রভুর ঘর বানোক্। কিত্যে তে যিরূশালেমত্ আঘে। যিগুনে সিয়েনত্ যেবাক্ তারার্ গোজেনে তারা সমারে থোক্।

ইষ্রা 1:3 Iomraidhean Croise

১ রাজাবলী 18:39

ইয়েন্‌ দেগিনে মানুচ্চুনে মাদিত্‌ আদু পাড়ি পড়িনে রঅ ছাড়িনে কলাক্‌, “লগেপ্রভুই গোজেন, লগেপ্রভুই গোজেন।”

১ রাজাবলী 8:23

তে কলদে, ও লগেপ্রভু ইস্রায়েলর গোজেন, উগুরে স্বর্গত্‌ বা তলেন্দি পিত্তিমীত্‌ তঅ ধোক্কেন্‌ গোজেন আর কনজন নেই। তর্‌ যে চাগরুনে মনে-পরাণে তঅ পধেন্দি আদন্‌ তুই তারার পক্ষেন্দি তর্‌ অমকদ কোচ্‌পানার সুদোমান রোক্ষ্যে গুরি থাচ্‌।

১ বংশধর 28:20

দায়ূদে তাহ্ পুয়ো শলোমনরে এ কধাগান অ কলঅ, “তুই বোলী অ, মনত্‌ সাহস আন্‌ আর কাম্‌ গর্‌। তুই ন-দোরেচ্‌, আজা ন-আরেচ্‌, কিত্তে লগেপ্রভু গোজেন, মর্‌ গোজেনে তঅ সমারে আঘে। লগেপ্রভুর সেবা-কামত্তে তবনা-ঘর বানেবার বেক্‌ কামান্‌ শেজ্‌ ন-অনা সং তে তরে ছাড়ি ন-যেবঅ বা ফেলেই ন-যেবঅ।

ইষ্রা 1:4

গোজেনর্ যিদুক্কুন্ মানুচ্ এজঅ বাঁজি আগন তারা ‍যিয়োদোই বজত্তি গুরিদাক্ সাৎ তারা ভিদিরে যিগুনে যিরূশালেমত্ যেবাত্তে চায় তারার্ পাড়াল্যেগুনে যেনে তারার্ সনা-রূবো, জিনিসপাদি আর য়েমান দিইনে সাহায্য গরন্ আর যিরূশালেমত্ গোজেনর্ ঘরত্যে নিজের আওজে বক্‌শিজ্ দুয়োন।

ইষ্রা 4:3

মাত্তর্ সরুব্বাবিল, যেশূয় আর ইস্রায়েলর অন্য নেতাগুনে কলাক্, “আমা গোজেনর্ নাঙে ঘর বানেবার কামত্ আমা সমারে তমার কনঅ কুদুম্মো নেই। পারস্যের রাজা কোরসর উগুম মজিম্ ইস্রায়েলর গোজেন লগেপ্রভুর নাঙে আমি নিজেই সিয়েন গুরিবোং।”

ইষ্রা 5:13

মাত্তর্ বাবিলোর্ রাজা কোরসর রাজাগিরির পত্তম্ বজরত্ তে গোজেনর্ এই ঘরান্ আরঅ বানেবার উগুম দিয়্যে।

ইষ্রা 5:3

সেক্কে ইউফ্রেটিস গাঙর্ পোজিম্ পারর্ চাগালাগুনোর শাজন্‌গুরিয়্যে তত্তনয়, শথরবোষণয় আর সিদুগোর্ দাঙর্ পোজিশনর্ কামগুরিয়্যেগুনে যিহূদীগুনো ইধু যেইনে তারারে কলাক্, “উবোসনা-ঘরান আরঅ বানেবাত্যে কন্না তমারে উগুম দিয়্যে?”

ইষ্রা 6:7

গোজেনর্ এই ঘরর্ কামত্ তুমি মানা ন গুরিবে। যিহূদীগুনোর শাজন্‌‍‍‍‌‍‍‍গুরিয়্যে আর তারার্ বুড়ো নেতাগুনে গোজেনর্ সেই ঘরান আগ জাগানদই আরঅ বানাদোক্।

গীতসংহিতা 132:13

লগেপ্রভু সিয়োনানরে বেঈ লোইয়্যে; তাহ্ থেবার জাগানত্তে ইয়েনই তে চেইয়্যে।

গীতসংহিতা 83:18

তারা যেন হবর্ পান, তঅ নাঙান লগেপ্রভু, অয়, বানা তুয়ই গোদা দুনিয়াগানর দাঙর্ গোজেন।

যিশাইয় 37:16

“ও দ্বিস্বর্গদূদোর সংমোধ্যে থেইয়্যে বেগত্তুন্ খেমতাবলা লগেপ্রভু, ইস্রায়েলর গোজেন, তুই, বানা তুয়ই পিত্‌থিমীর বেক্ রেজ্যগানির গোজেন। তুই আগাজ্‌‌‌‌‌চান আর পিত্‌‌‌‌থিমীগানরে বানেয়োচ্।‌‌

যিশাইয় 44:28

মুই কোরস পৌইদ্যেনে কঙর্, তে মর্ গরক্; মুই যেনে হুজি অং তে সিয়েনি বেক্কানি গুরিবো। তে যিরূশালেম পৌইদ্যেনে কবঅ, ‘সিয়েন আরঅ বানা ওক্,’ আর উবোসনা-ঘরান পৌইদ্যেনে কবঅ, ‘সিয়েনর্ গড়াগান্ থিদেবর্ গরা ওক্।’ ”

যিশাইয় 45:5

মুয়ই লগেপ্রভু, অন্য আর কনজন নেই; মুই বাদে অন্য গোজেন নেই। তুই মরে ন-চিনিলেয়ো মুই তরে বল্ দুয়োং,

যিরমিয় 10:10

মাত্তর্ লগেপ্রভু সত্য সত্য গোজেন; তে জেদা গোজেন আর উমরর্ রাজা। তার রাগে পিত্‌থিমীগান গির্‌গিরেই; জাদ্‌তুনে তার রাগ্‌কান সোজ্য গুরি ন-পারন্।‌‍‌‍‍‌‍‌‍‍‌‍‌‍‍

দানিয়েল 2:47

রাজা দানিয়েলরে কলঅ, “তমা গোজেনে ঘেচ্চেকগুরি দেবেদাগুনোর্ গোজেন আর রাজাগুনোর গিরোজ্। মুই বুঝিলুং তে গুমুরো বিষয়ে ফগদাং গরে, কিত্যেই তুই এ গুমুরো বিষয়ান ফগদাং গুরি পাজ্যস্।”

দানিয়েল 6:26

মুই উগুম দুয়োঙর্, মঅ রেজ্যর্ বেক মানুচ্চুন যেন দানিয়েলর গোজেনরে দরান্ আর ভক্তি গরন, কিত্যে তেয়ই জেদা গোজেন আর উমরত্যে থিদেবর্। তার রেজ্যগান ভস্ত ন-অবঅ, তার রাজাগিরি কনদিন্‌অ থুম্ ন-অবঅ।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

প্রেরিত্‌ 10:36

গোজেনে ইস্রায়েলীয়গুনো ইধু এ গম্ হবরান্ পাধেয়্যেদে যে, যীশু খ্রীষ্ট, যে বেক্কুনোর প্রভু, তা মাধ্যমে শান্তি পাহ্ যায়।

দ্বি’লম্বর বিররণ 32:31

শত্রুগুনোর জিরেবার-মুড়োবো আমার জিরেবার-মুড়োবো ধোক্ক্যেন নয়, ইয়েন আমার শত্রুগুনোরঅ রায়।

যিহোশূয় 1:9

মুই তরে উগুম দুয়োঙর, সেনত্তেই তুই বোলী অ আর মনত্‌ সাহস আন্‌। ন-দোরেচ্‌ বা ঝিমেয়্যে ন-ওস্, কিত্যে তুই যিয়োদোই যেদে সাৎ তর্‌ গোজেন লগেপ্রভু তঅ‌ লগে থেবঅ‌।”