যিহিষ্কেল 7:3 - Chakma Bible

³ ইক্কিনে সে সময়ান তঅ উগুরে লুম্মেগি আর তঅ বিরুদ্ধে মুই মঅ রাগ্‌‌‌কান ঢালি দিম। তঅ চালচলন মজিম্ মুই তঅ বিচের্ গুরিম আর তর্ বেক জঘন্য কামানিত্তে তরে সাজা দিম।

যিহিষ্কেল 7:3 Iomraidhean Croise

পত্থম 6:13

এ অবস্থাগান দেগিনে গোজেনে নোহরে কলঅ, গোদা মান্‌জ্য জাদতোরে মুই শেজ্ গুরি ফেলেম্‌ বিলিনে ঠিগ্ গোজ্যং। মানুচ্চুনোত্তে পিত্‌থিমীয়ান অত্যেচার-অবিচারে ভুরি উঠ্যে। মানুচ্চুনো সমারে পিত্‌থিমীর বেক্কানি মুই শেজ্ গুরিবাত্তে যাঙর্‌।

যিশাইয় 47:7

তুই কোইয়োচ্চে, মুই জিংকানিবর্ রাণী থেম্। মাত্তর্ তুই এ পৌইদ্যেনে চিদেয়ো ন-গরচ্, বা ইয়েনর শেজ্ ফলান কি সিয়েন্অ ভাবি ন-চাজ্।

যিরমিয় 13:14

আংগুর-রস পিলে ধোক্ক্যেন গুরি মুই একজন উগুরে আর একজনরে আছাড়্ মারিনে চুরমার গুরিম; বাপ্ ওক্ বা পুয়ো ওক্ বেক্কুনোরে চুরমার গুরিম। মুই কনঅ কোচ্‌‌পানা বা দোয়্যে বা মেয়্যে ন-গুরিম; তারারে ভস্ত গুরিম্‌‌‍‍বে গুরিম।’ ”

যিহিষ্কেল 11:21

মাত্তর্ যিগুনোর মনানি বাজে মূত্তি আর জঘন্য মূত্তিগুনো ইন্দি, তারার্ কামর ফল মুই তারা উগুরে ঢালি দিম। মুই প্রভু লগেপ্রভু এ কধাগান কঙর্।”

যিহিষ্কেল 16:38

যে মিলেগুনে ব্যভিচের্ গরন আর যিগুনে লো ঝরান্ তারারে যে সাজাগান দিয়্যে অয় সেই সাজাগান মুই তরে দিম। মর্ রাগে আর মনর্ জ্বালাত্তে মুই তরে মরণর্ সাজা দিম।

যিহিষ্কেল 16:43

তুই তর্ চিগোন সেময়োর্ দিনুন্ ইদোত্ ন-রাগাচ্, বরং এ কামানিলোই মরে কাঙেলেত্যে গোরেয়োচ্; সেনত্তে মুইয়ো তর্ কামর ফল তরে দিম। তর্ অন্য বেক্ ভান্ন্যেই কামর্ সমারে কি তুই এই জঘন্য কামানিয়ো মিজেচ্?

যিহিষ্কেল 16:59

“তর্ কাম মজিম্ মুই তঅ লগে বেবহার গুরিম, কিত্যে তুই মর্ থিদেবর্ গোজ্যে সুদোমান ভাঙিনে মর্ শমক্তান্ তুচ্ছো গোজ্যস্।

যিহিষ্কেল 18:30

“সেনত্তে ও ইস্রায়েলীয়গুন, মুই তমার পত্তিজনর্ আচার-ব্যবহার মজিম্ বিচের্ গুরিম। তুমি ফিরো, তমা বেক্ অন্যেয় কামানিত্তুন্ মনান্ ফিরো; সালে পাপত্তুন্ তুমি ভস্ত ন-অবা।

যিহিষ্কেল 21:25

ও অসিজি আর পাজি ইস্রায়েলর রাজা, তঅ দিন্নো আজিল্ ওইয়্যে, তর্ সাজার্ সময় এচ্চ্যে।

যিহিষ্কেল 22:31

সেনত্তে মঅ রাগ্‌‌‌‌‌‌‌‌‌‌‌‌‌‌‌কান মুই তারা উগুরে ঢালি দিম আর তারার আচার-বেবহারর ফল তারা মাঢা উগুরে লামেই দিইনে মর্ জোল্‌‌‌‌‌‌‌‌‌‌‌‌‌‌‌জোল্যে রাগে মুই তারারে পুড়ি ফেলেম। মুই প্রভু লগেপ্রভু এ কধাগান কঙর্।”

যিহিষ্কেল 24:14

মর্ কাম গুরিবার সময় এচ্চ্যে। মুই সিয়েন গুরিম্‌বে গুরিম, মেয়্যেয়ো ন-গুরিম বা নরমঅ ন-ওম্। তর্ আচার-বেবহার আর তর্ কাম মজিম্ তরে বিচের্ গরা অবঅ। মুই প্রভু লগেপ্রভু এ কধাগান কঙর্।’”

যিহিষ্কেল 33:20

তো ও ইস্রায়েলীয়গুন, তুমি কোই থাগ, ‘লগেপ্রভুর পথ্‌‌‌‌‌‌‌তান ঠিগ্ নয়।’ তুমি যেবাবোত্যেগুরি চলর্ সেই মজিম্ মুই তমা পত্তিজনরে বিচের্ গুরিম।”

যিহিষ্কেল 36:19

মুই নানান্ জাদ্ আর দেজ ভিদিরে তারারে ছিদি দুয়োং; তারার্ আচার-বেবহার আর কামানি অনুসারে মুই তারারে সাজা দুয়োং।

যিহিষ্কেল 5:12

তঅ তিন ভাগর্ এক ভাগ মানুচ্ তঅ ভিদিরে অয় বানালোই ন-অয় ভাদরাদে মুরিবাক্; তিন ভাগর্ এক ভাগ্ দেবাল বারেদি যুদ্ধোত্ মুরিবাক্ আর তিন ভাগর্ এক ভাগরে মুই চেরোকিত্তে ছিদি দিম্ আহ্ খুলো তলোয়ারলোই লোড়েম।

যিহিষ্কেল 5:13

ইয়েনি গরানার্ পরেদি মর্ অমকদ বেজার্ অনাগান্ থুম্ অবঅ; তারা উগুরে মর্ রাগ্‌‌কান পুরোপুরি ঢালি দেনার পরেদি মুই শান্ত ওম্। সেক্কে তারা হবর্ পেবাক্ যে, মর্ রিবেঙর্ জ্বালায় মুই লগেপ্রভু এই কধানি কোইয়োং।

যিহিষ্কেল 7:2

“ও মান্‌‌জ্যর্ পুয়োবো, ইস্রায়েল দেজ ইধু মুই প্রভু লগেপ্রভু এ কধাগান কঙর্, ‘চাহ্, শেজ্ সময়! দেজ চেরোকিত্তে শেজ্ সময়ান এচ্চ্যে!

যিহিষ্কেল 7:27

রাজা আবিলেচ্ গুরিবো, রাজপুরুষ্‌‌চো আমক্ অবঅ, আর দেজ মানুচ্চুনোর আঢ্‌‌তানি গির্‌‌গিরেব। মুই তারার্ চালচলন মজিম্ তারা সমারে বেবহার গুরিম আর তারার্ পাওনা মজিম্ সাজা দিম্। সেক্কে তারা হবর্ পেবাক্ যে, মুয়ই লগেপ্রভু।”

যিহিষ্কেল 7:4

মুই তঅ ইন্দি মেয়্যেলি চোগে রিনি ন-চেম্ বা তরে রেহাইঅ ন-দিম্; তর্ চালচলন আর তঅ ভিদিরে জঘন্য কামানিত্তে মুই ঘেচ্চেকগুরি তরে সাজা দিম্। সেক্কে তুই হবর্ পেবেদে, মুয়ই লগেপ্রভু।’”

যিহিষ্কেল 9:10

সেনত্তে মুই তারারে মেয়্যেলী চোগেদিয়ো ন-চেম্, রেহাইঅ ন-দিম; তারা যিয়েনি গোজ্যন্ সিয়েনর ফল মুই তারা উগুরে ঢালি দিম্।”

হোশেয় 12:3

পেদট্ থাগদে যাকোবে তার্ ভেইয়োর্ টেঙ পাদাগান ধোজ্যে; বয়সকালত্ তে গোজেন লগে যুদ্ধো গোজ্যে।

আমোষ 8:2

তে পুযোর্ গুরিলো, “আমোষ, তুই কি দেগর্?” জোবত্ মুই কলুং, “এক কাল্লোং পাগানা ফল।” সেক্কে লগেপ্রভু মরে কলঅ, “মঅ মানুচ্ ইস্রায়েলর সময় শেষ ওই যেইয়্যে; মুই আর তারারে রেহাই ন-দিম।