যিহিষ্কেল 4:3 - Chakma Bible

³ সে পরেদি লুয়োর্ এক্কান পাত নিইনে সিয়েন তর্ আর শঅরর্ সংমোধ্যে দেবাল ধোক্ক্যেন রাগা আর তঅ মুয়োন সিয়েন ইন্দি ফিরেই রাগা। সেক্কে শঅরান ঘিরে ওইয়্যে বুঝো যেবঅ; এধোক্ক্যেনগুরি তুই দেগেবেদে যে, শঅরান ঘিরে ওইয়্যে। ইয়েন অবদে ইস্রায়েল জাদত্তে এক্কান চিহ্নো।

যিহিষ্কেল 4:3 Iomraidhean Croise

যিশাইয় 20:3

সে পরেদি লগেপ্রভু কলঅ, “মঅ চাগর্ যিশাইয় যেধোক্ক্যেন গুরি মিসর আর কূশর বিরুদ্ধে এক্কান চিহ্নো আর আগাম্ লক্ষন ইজেবে তিন বজর সং লাংটা ওইনে সুদো টেঙোই ঘুরি বেড়য়্যে,

যিশাইয় 22:7

তর্ বেঈ লোইয়্যে কলগ্‌কানি রথ্‌তোই ভুরি যেইয়্যে, আর শঅর-গেট্‌তুনোত্ ঘড়াগুনোরে যুক্কোল্ রাগা ওইয়্যে।

যিশাইয় 8:18

এইয়্যে চাহ্, মুই আর সেই পুয়োগুন যিগুনোরে লগেপ্রভু মরে দিয়্যে। বেগত্তুন্ খেমতাবলা লগেপ্রভু, যিবে সিয়োন মুড়োবোত্ বজত্তি গরে আমি তার আওজ্ মজিম্ চিহ্নো আর আমক্ অবার্ লক্ষণ ওইয়্যেই।

যিরমিয় 39:1

যিরূশালেমান এবাবোত্যেগুরি গজক্ গরা ওইয়্যে। যিহূদার রাজা সিদিকিয়র রাজাগিরির নঅ বজরর্ দশ মাজত্ বাবিল রাজা নবূখদ্‌নিৎসরে তার বেক্ সৈন্যদলুন্দোই যিরূশালেমান বিরুদ্ধে এইনে শঅরান ঘিরি রাগেল।

যিরমিয় 39:2

সিদিকিয় রাজাগিরির এগার বজরর্ চের্ মাজর্ নঅ দিনোত্ শঅরর্ দেবাল এক্কান জাগা ভাঙি ফেলা অলঅ।

যিহিষ্কেল 12:11

তুই তারারে কঅ, তুই তারা ইধু এক্কান চিহ্নো। তুই যেবাবোত্যে গুরিলে, তারা উগুরেয়ো সেবাবোত্যে গরা অবঅ। তারা বন্দী ওইনে দূরো দেজত্ যেবাক্।

যিহিষ্কেল 12:6

পযাপিরানি তারা চোগো মুজুঙোত্ কানাত্ তুলি নিবে আর আন্ধার ভিদিরে সিয়েনি নিগিলেবে। তঅ চোগ্‌কুন নাঢি রাগেবে যেনে তুই তঅ দেজর্ মাদিগান ন-দেগচ্, কিত্যে ইস্রায়েল জাদত্তে মুই তরে এক্কান চিহ্নো ধোক্ক্যেন গোজ্যং।”

যিহিষ্কেল 5:2

যেক্কে শঅরর্ ঘিরি থোইয়্যে দিনুন্ থুম্ ওই যেবঅ সেক্কে সেই চুলোর তিন ভাগর্ এক ভাগ চুল নিইনে শঅর ভিদিরে পুড়িবে। তিন ভাগর এক ভাগ চুল নিইনে ছুরিলোই শঅর চেরোকিত্তে সিয়েনি কুজি কুজি গুরি কাবিবে, আর তিন ভাগর্ এক ভাগ চুল নিইনে বোইয়্যেরত্ উড়েই দিবে। যেরেদি খুলো তলোয়ারলোই মুই মানুচ্চুনোরে লোড়েম্।

দানিয়েল 11:17

তে তার পুরো রেজ্যগানর্ খেমতা লগে নিইনে সিয়েনত্ এবঅ বিলিনে থির্ গুরিবো আর দোগিণো রাজার লগে দাংগুত্ব গুরিবো। সেই রেজ্যগান ভস্ত গুরিবাত্তে তে তার্ এক্কো ঝিরে দোগিণো রাজার লগে বৌ দিবো, মাত্তর্ সিয়েনর পরিকল্পানাগান ন-ফলিবো বা সিয়েনর কনঅ লাভ্‌অ ন-অবঅ।

লেবীয় 2:5

সেই শোজ্য-উৎসর্ববো যুনি কোড়েয়েলোই ভাজেয়ে কনঅ জিনিস্ অয় সালে সিবে উয়ো পুরিবো তেল্‌ মিজেয়ে সদাছাড়া নিগুজ্‌ ময়দালোই বানেয়্যে।

লূকে লেখ্যে গম্ হবর্ 2:34

ইয়েনর্ পরেদি শিমিয়োনে তারারে বর্ দিলো আর যীশুর মাবো মরিয়মররে কলঅ, “গোজেনে ইয়েন ঠিগ্ গোজ্যেদে যে, এ চিজিবোত্তে ইস্রায়েলীয়গুনো ভিদিরে ভালোক্ জনে তলাত্ পড়িবাক্, আরঅ ভালোক্ জনে উদ্ধোর্ পেবাক্। ইবে এমন্ এক্কো চিহ্নো অবঅ যিবের্ বিরুদ্ধে ভালোক্‌জনে কধা কবাক্,

ইব্রীয় 2:4

সে সমারে গোজেনেয়ো বোউত চিহ্নো আর আমক্ অবার কাম আর খেমতার কাম্‌বোই আর নিজোর্ আওজ্ মজিম পবিত্র আত্মার দিয়্যে দান্‌দোই সে পৌইদ্যেনে সাক্ষ্য দিয়্যে।