যিহিষ্কেল 1:8 - Chakma Bible

⁸ তারার্ চেরোকিত্তে ডুয়োনি তলে মান্‌‌‌জ্য ধোক্ক্যেন আঢ্ এলঅ। তারার্ পত্তিজনর্ মুয়োত্ আর ডুয়ো এলঅ,

যিহিষ্কেল 1:8 Iomraidhean Croise

যিশাইয় 6:6

সেক্কে এক্কো সরাফ আঢত্ এক্কো জোল্‌জোল্যে আঙারালোই মইদু উড়ি এলঅ; আঙারাবো তে পূজোবো উগুরেত্তুন্ চিম্‌টিলোই নেযেল।‌

যিহিষ্কেল 1:17

চাক্কাগুন্ যেক্কে চলিদাক্ সেক্কে সে প্রাণিগুনোর্ চেরোকিত্তে যে কনঅ ইন্দি উজু গুরি চলিদাক্; চলিবার সময় চাক্কাগুন ন-ফিরিদাক্।

যিহিষ্কেল 10:11

ঘুরিবার সময় সেই চাক্কাগুন চেরোকিত্তে যে কনঅ ইন্দি সোজা ঘুরিদাক্; অন্য কনঅ কিত্তেদি ন-ফিরিদাক্। করূব্‌‌পুনো মাঢাগুন্ যিন্দি থেদাক্ তারা সিন্দি ঘুরিদাক্; ঘুরিবার সময় ন-ফিরিদাক্।

যিহিষ্কেল 10:18

সে পরেদি লগেপ্রভুর মহিমাগান্ লগেপ্রভুর ঘরর ফ্রেমানি উগুরেত্তুন্ যেইনে করূব্‌পুনো উগুরে থামেল।‌‌

যিহিষ্কেল 10:2

লগেপ্রভু মসীনার কাবড় উজ্যে মানুচ্চোরে কলঅ, “করূব্‌‌‌‌‌‌‌‌‌পুনোর তলে যে চাক্কাগুন আগন্ তুই সিগুনো ভিদিরে যাহ্। সে করূব্‌‌পুনোর সংমোধ্যেত্তুন্ তুই দ্বিআঢে ভুরিনে জোল্‌‌জোল্যে আঙারা লোইনে শঅর উগুরে ছিদি দে।” মঅ চোগো মুজুঙোত্ মানুচ্চো সিয়েনত্ সোমেল।

যিহিষ্কেল 10:21

পত্তিজনর চেরান্ গুরি মু আর চেরান্ গুরি ডুয়ো এলঅ আর তারার্ ডুয়োগানি তলে মান্‌জ্য আঢ ধোক্ক্যেন কিজু এলঅ।

যিহিষ্কেল 8:3

তে আঢ্‌তান বাবেইনে মঅ মাঢাবো চুলানি ধুরিলো। সেক্কে গোজেনর আত্মাগানে মরে আগাজত্ তুলি নেযেল আর গোজেনর দিয়্যে দর্শনর্ ভিদিরে তে মরে যিরূশালেমর উবোসনা-ঘর ভিদিরে উদোনর্ উত্তোরেদি গেদোত্ সোমেবার পথ্‌তানত্ নেযেল। সিয়েনত্ এমন এক্কো মূত্তি এলঅ যিবে গোজেনর রাগ্‌কান তুলি দিয়্যে।