যিহিষ্কেল 1:16 - Chakma Bible

¹⁶ সেই চাক্কাগুনোর্ সাইজ্‌চান আর গঠনান্ এবাবোত্যে এলঅ-সিগুন বৈদূর্যমণি ধোক্ক্যেন ঝিমিত্ ঝিমিত্ গরের্ আর সেই চের্‌‌বো চাক্কা রিনি চাদে এক বাবোত্যে এলঅ। এক্কো চাক্কা ভিদিরে যেন আর এক্কো চাক্কা এবাবোত্যেগুরি পত্তি চাক্কা বানেয়্যে এলঅ।

যিহিষ্কেল 1:16 Iomraidhean Croise

দানিয়েল 10:6

তা কিয়্যেগান বৈদূর্যমণি ধোক্ক্যেন, মুয়োন কারেন ধোক্ক্যেন, চোগ্‌কুন জ্বোল্‌জোল্যে বম্বা ধোক্ক্যেন, আঢ্-টেঙানি পালিশ গোজ্যে পিদোল চোক্‌চোক্যে ধোক্ক্যেন আর তা রবো এগত্তর্ ওইয়্যে বোউত্ মান্‌জ্যর্ রঅ ধোক্ক্যেন।

ইফিষীয় 3:10

তে সিয়েন গোজ্জ্যেদে যেন খ্রীষ্টর্ মন্ডলীর মাধ্যমে স্বর্গর্ বেক্‌ শাসনগুরিয়্যে আর খেমতার্ অধিকারিগুনো ইধু নানান্ বাবদে ফগদাং পেইয়্যে গোজেনর্ জ্ঞান ইক্কিনে ফগদাং পায়।

রোমীয় 11:33

গোজেনর্ ধন ন-পুরেইয়্যে। তার্ জ্ঞান আর বুদ্ধি কত্তমান্ গভীন্! তার্ বিচের্ আর তার্ বেক্ কামানি বুঝোনা অসম্ভব।

গীতসংহিতা 40:5

ও মর্ গোজেন লগেপ্রভু, গুণি ন-পুরেইয়্যে তর্ আমক্ অবার কামানি! কেধোক্ক্যেন সল্লা গোজ্যস্ আমাত্তে! মুই দঅ ফগদাং গুরিলে, কবাত্তে গেলে, কনদিন্‌অ থুম্ ন-অবঅ। কন্না আঘে তঅ ধোক্ক্যেন্?

গীতসংহিতা 36:6

তর্ ধার্মিকতাগান গোজেন মুড়োগুনো ধোক্ক্যেন্; তর্ ন্যায়বিচেরান যেন গভিন্ সাগর ধোক্ক্যেন্। ও লগেপ্রভু, মানুচ্ আর য়েমান বেক্কুনোরে তুয়ই বাঁজে রাগাচ্।

ইয়োব 9:10

তে এমন্‌ মহত্‌ কাম্‌ গরে যিয়েনি বুঝো ন-যায় আর এন্‌ আমক্‌ আমক্‌ কাম্‌ গরে যিয়েনি গুণো ন-যায়।

যাত্রা 39:13

আর চের্‌ লম্বর সুরোত্‌ পোখরাজ, বৈদূর্যমণি আর সূর্যকান্তমণি। পাত্তরুন্‌ সনার্‌ জালি জালি উগুরে বজা অলঅ‌।

পরমগীত 5:14

তা আত্ দ্বিয়েন্ যেন বৈদূর্যমণি বোজেয়্যে সোনার লুদিক্, আর কিয়্যেগান্ নীলকান্তমণিলোই সাজেয়্যে, পালিশ্ গোজ্যে এদো দাদ ধোক্ক্যেন্।

১ রাজাবলী 7:33

চাক্কাগুন রথ চাক্কা ধোক্কেন্‌ এলাক; গাজ চাক্কাগুনোর বেড়, শিক আর ভিদিরে নিয়্যেইয়ুন বেক্কুন্‌ গোলেইনে ঢালাই গরা ওইয়্যে।

দানিয়েল 7:9

পরেদি মুই দেগিলুং কয়েক্কান সিংহাসন রাগা অলঅ আর অমকদ বুড়ো এক্কো তা সিংহাসনানত্ বুজিলো। তা কাবড়-চুগোড়ানি বরফ ধোক্ক্যেন ধুব্ আর তা মাঢাবো চুলানি ধুব্ কেজ ধোক্ক্যেন। তার সিংগাসনান্ আর সিংহাসনর চাক্কাগুন যেন আগুনো ধোক্ক্যেন জ্বলের্।