যিহিষ্কেল 1:11 - Chakma Bible

¹¹ তারার্ মুয়োনি এবাবোত্যে এলঅ। তারার ডুয়োগানি উগুরেদি মিলি দিয়্যে এলঅ; পত্তিজনর্ দ্বিয়েন ডুয়ো তা দ্বি কিত্তেদি প্রাণিগুনোর্ ডুয়োনি বাস্যে এলঅ, আর দ্বিয়েন ডুয়োলোই কিয়্যেগান ঢাক্যে এলঅ।

যিহিষ্কেল 1:11 Iomraidhean Croise

যিশাইয় 6:2

তা উগুরে এলাক্ কয়েক্কো সরাফ; তারার্ এক এক্কোর্ ছগান্ গুরি ডুয়ো এলঅ-দ্বিয়েন্ ডুয়োলোই তারা মুয়োন আর দ্বিয়েন ডুয়োলোই টেঙানি নাঢি রাগেয়োন আর দ্বিয়েন ডুয়োলোই তারা উড়োদন্।

যিহিষ্কেল 1:23

সিয়েন তলেদি তারার্ ডুয়োনি মেল্যে এলঅ আর একজনর্ ডুয়ো অন্যজনর্ ডুয়োনিত্ বাস্যে এলঅ। অন্য দ্বিয়েন ডুয়োলোই পত্তিজনর্ কিয়্যেনি ঢাক্যা এলঅ।

যিহিষ্কেল 10:16

করূব্‌‌‌পুনে গেলে তারার্ কায়-কুরে চাক্কাগুনো যেদাক্; করূব্‌‌‌পুনে মাদিত্তুন্ উগুরে উদিবাত্তে ডুয়ো মিলিলে চাক্কাগুন তারার্ কায়-কুরেত্তুন ন-যেদাক্।

যিহিষ্কেল 10:19

মঅ চোগো মুজুঙোত্ করূব্‌পুনে ডুয়ো মিলি দিইনে মাদিত্তুন্ উগুরে উদো ধুরিলাক্, আর চাক্কাগুনো তারা সমারে যা ধুরিলাক্। তারা লগেপ্রভুর ঘরর্ পূগেদি গেদোত্ সোমেবার পদথ্ যেইনে থামেলাক্; ইস্রায়েলর গোজেনর মহিমাগান্ তারা উগুরে রলঅ।