যিহিষ্কেল 1:1 - Chakma Bible

¹ ত্রিশ বজরর্ চের্ মাজর্ পাচ্ দিনোত্ মুই যেক্কে কবার গাঙ পারত্ বন্দীগুনো ভিদিরে এলুং সেক্কে আগাজ্‌‌‌চান খুলি গেলঅ আর মুই গোজেনর দর্শন পেলুং।

যিহিষ্কেল 1:1 Iomraidhean Croise

পত্থম 15:1

ইয়ান পরেদি লগেপ্রভু অব্রামরে দেগা দিইনে কলঅ, “অব্রাম, তুই ন দোরেচ্‌। গাজ বাগল ধোক্ক্যেন গুরি মুয়ই তরে রোক্ষ্যে গুরিম, আর তঅ বক্‌শিজ্‌চান্‌ অবদে দাঙর্‌।”

পত্থম 46:2

গোজেনে রেদোত্‌ ইস্রায়েলরে দর্শন দিইনে তা সমারে কধা কলঅ। তে ডাগিলো “যাকোব, যাকোব।” যাকোবে জোব্ দিলো, “এইয়্যে দঅ মুই।”

গীতসংহিতা 137:1

বাবিলো গাঙানি পারত্ বোইনে আমি যেক্কে সিয়োন কধা ইদোত্ তুলিদোং সেক্কে আমার চোগো পানি পড়িদো।

যিশাইয় 1:1

যিহূদা দেজর্ রাজা উষিয়, যোথম, আহস আর হিষ্কিয়র রাজাগিরির্ সময়োত আমোসর পুয়ো যিশাইয় যিহূদা আর যিরূশালেম পৌইদ্যেনে যে দর্শনান্ পেইয়্যে সে পৌইদ্যেনে ইয়েনত্ লেগা আঘে।

যিশাইয় 6:1

যে বজরত্ রাজা উষিয় মুরি গেলঅ সে বজরত্ মুই দেগিলুং প্রভু অমকদ অজল্ এক্কান সিংহাসনত্ বজি আঘে। তা রাজ্-পোজাগর্ তলে কট্টাগান্দোই উবোসনা-ঘরান্ ভর্‌পুনোং এলঅ।

যিরমিয় 29:15

তুমি অয়ত হবা, “লগেপ্রভু বাবিলোত্ আমাত্তে আমা ভিদিরেত্তুন্ ভাববাদীগুনোরে তুল্যে,”

যিহিষ্কেল 1:3

বাবিলীয়গুনোর্ দেজত্ কবার গাঙ পাড়ত্ বুষির পুয়ো ধর্মগুরু যিহিষ্কেল ইধু, অত্তাৎ মইধু লগেপ্রভুর কধানি ফগদাং অলঅ। সিয়েনত্ লগেপ্রভুর আঢ্‌‌‌তানি মঅ উগুরে এলঅ।

যিহিষ্কেল 10:1

সে পরেদি মুই রিনি চেলুং, আর করূব্‌‌‌‌‌‌‌‌পুনোরে মাঢা উগুরেদি যিয়েনি বিজেয়্যে এলঅ সিয়েন উগুরে নীলকান্তমণির সিংহাসন ধোক্ক্যেন কিজু এক্কান দেগিলুং।

যিহিষ্কেল 10:10

সেই চের্‌‌বো চাক্কা রিনি চাদে এক বাবোত্যে এলাক্; এক্কো চাক্কা ভিদিরে যেন আর এক্কো চাক্কা।

যিহিষ্কেল 10:15

পরেদি সেই করূব্‌পুনে উগুরেদি উদিলাক্। ইগুনে সেই জেদা প্রাণী ‌‌যিগুনোরে মুই কবার গাঙ পারত্ দেখ্যং।

যিহিষ্কেল 10:20

এই জেদা পরাণবলাগুনোরে মুই কবার গাঙ পারত্ ইস্রায়েলর গোজেন সিংহাসনত্ তলে দেখ্যং, আর তারা যে করূব সিয়েন মুই বুঝি পারিলুং।

যিহিষ্কেল 10:22

কবার গাঙ পারত্ মুই যেবাবোত্যে দেখ্যং তারার্ মুয়ো চেঙেরানি সেবাবোত্যে এলঅ। তারা পত্তিজনে সোজা মুজুঙেদি যেদাক্।

যিহিষ্কেল 11:24

সে পরেদি গোজেনর আত্মাগানে মরে তুলি নিলো আর তার দিয়্যে দর্শনর ভিদিরেদি আরঅ বাবিলোত্ বন্দীগুনো ইধু নেযেল। যে দর্শনান্ মুই দেখ্যং ইয়েনর পরেদি সিয়েন শেজ্ ওই গেলঅ।

যিহিষ্কেল 3:15

যে বন্দীগুনে কবার গাঙ ইধু তেল-আবীবোত্ এলাক্ মুই তারা ইধু গেলুং। তারা যিয়েনত্ বজত্তি গুরিদাক্ মুই সিয়েনত্ তারা ভিদিরে সাত দিন সং আমক্ ওইনে বুয়োই রলুং।

যিহিষ্কেল 3:23

সেনত্তে মুই উদিনে কলগত্ গেলুং। কবার গাঙ পারত্ লগেপ্রভুর যে মহিমাগান দেখ্যং সেবাবোত্যে মহিমাগান্ সিয়েনত্ দেগিলুং; আর মুই মাঢা নিগিরি পড়িলুং।

যিহিষ্কেল 40:2

গোজেনর দিয়্যে দর্শনানর ভিদিরেদি তে মরে ইস্রায়েল দেজত্ নেযেইনে এক্কান অমকদ অজল্ মুড়ো উগুরে রাগেল। সেই মুড়োবোর্ দোগিণেদি কয়েক্কান বিল্ডং এলঅ যিগুন চাদে শঅর ধোক্ক্যেন্।

যিহিষ্কেল 43:3

এ দর্শনান্ দেগিনে মুই মাঢা নিগিরি পড়িলুং; মুই শঅর-ভস্ত অনার্ যে দর্শনান্ কবার গাঙ পারত্ দেগিলুং এ দর্শনান্ এলদে সিয়েন ধোক্ক্যেন্।

যিহিষ্কেল 8:3

তে আঢ্‌তান বাবেইনে মঅ মাঢাবো চুলানি ধুরিলো। সেক্কে গোজেনর আত্মাগানে মরে আগাজত্ তুলি নেযেল আর গোজেনর দিয়্যে দর্শনর্ ভিদিরে তে মরে যিরূশালেমর উবোসনা-ঘর ভিদিরে উদোনর্ উত্তোরেদি গেদোত্ সোমেবার পথ্‌তানত্ নেযেল। সিয়েনত্ এমন এক্কো মূত্তি এলঅ যিবে গোজেনর রাগ্‌কান তুলি দিয়্যে।

হোশেয় 12:10

মুই ভাববাদীগুনো ইধু কধা কোইয়োং, তারারে বোউত্ দর্শন দুয়োং আর তারা ভিদিরেদি রূপক অত্তে বোউত্ কধা কোইয়োং।”

যোয়েল 2:28

সে পরেদি মুই বেক্ মানুচ্চুনো উগুরে মঅ আত্মাগান ঢালি দিম। সেক্কে তঅ পুয়োগুনে আর ঝিগুনে ভাববাদী ইজেবে গোজেন কধা কবাক্, তমা বুড়ো মানুচ্চুনে স্ববন দেগিবাক্ আর তমা গাবুজ্যেগুনে দর্শন পেবাক্।

গণাণা 4:3

ত্রিশ বজত্তুন্‌ ধুরি পঞ্চাশ বজর্‌ বয়জর্‌ যে কহাতীয় মরত্তুনে মিলন-তাম্বুলোত কাম্‌ গুরিবাত্তে এবাক্‌ বানা তারার্‌ সোংখ্যেগুন গুণিবা।

মথি লেখ্যে গম্ হবর্ 17:9

যেক্কে তারা সেই মুড়োবোত্তুন্ লামি এত্তন্ সেক্কে যীশু তারারে এ উগুমান দিলো, “তুমি যিয়েন্ দেগিলে, মান্‌জ্যপুয়োবো মরণত্তুন্ জেঈ ন-উদোনা সং সিয়েন কাররে ন-কোইয়ো।”

মথি লেখ্যে গম্ হবর্ 3:16

বাপ্তিষ্ম লনার্ পরেদি যীশু পানিত্তুন্ উদি এজানার লগে লগে তা মুজুঙোত্ আগাজ্‌চান খুলি গেলঅ। তে গোজেনর আত্মাগানরে কোদোর ধোক্ক্যেন্ ওইনে তা উগুরে লামি এত্তে দেগিলো আর পহর্ অলঅ।

মার্ক 1:10

পানিত্তুন্ উদি এজানার্ লগে লগে যীশু দেগিলোদে, আগাজ্‌চান ফাদি যেইয়্যে আর পবিত্র আত্মা কোদোর ধোক্ক্যেন্ ওইনে তা উগুরে লামি এলঅ।

লূকে লেখ্যে গম্ হবর্ 3:21

যিদুক্কুন্ মানুচ্ যোহন ইধু এচ্চ্যন্ তারা বাপ্তিষ্ম লবার্ অক্তত্ যীশুয়ো বাপ্তিষ্ম ললঅ। বাপ্তিষ্মর্ পরেদি যীশু যেক্কে তবনা গরের্ সেক্কে আগাচ্চান্ খুলি গেলঅ।

লূকে লেখ্যে গম্ হবর্ 3:23

প্রায় ত্রিশ বজর্ বয়জত্ যীশু তা কামানি আরাম্ভ গুরিলো। মান্‌জ্যে মনে গুরিদাক্ তে যোষেফর্ পুয়ো। যোষেফে এলির পুয়ো;

যোহন 1:51

পরেদি যীশু কলঅ, “মুই তমারে ঘেচ্চ্যেক্‌গুরি কঙর্, তুমি স্বর্গগান্ খুলো দেগিবা, আর দেগিবা গোজেনর্ দূত্তুনে মান্‌জ্য পুয়োবোর্ কায় কুরেত্তুন্ উদোদন্ আর তা কায়কুরে লামদন্।”

প্রেরিত্‌ 10:11

সে অবস্থায় তে দেগিলো, আগাজ্‌চান খুলো যেইয়্যে আর দাঙর্ কাবড় ধোক্ক্যেন্ কনঅ এক্কান জিনিজরে চের্‌বো কণা ধুরিনে পিত্‌থিমীত লামেই দিয়্যে অর্।

প্রেরিত্‌ 10:3

এক দিন্ন্যে বেল্যেমাদান্ তিন্নো বাজদে তে এক্কান্ দর্শন পেলঅ। তে গমেদালে দেগিলোদে গোজেনর্ এক্কো দূত্ এইনে তারে ডাগের্, “কর্ণীলিয়”।

প্রেরিত্‌ 7:56

“চঅ, মুই দেগঙর্ স্বর্গগান খুলো আঘে আর গোজেনর্ ডেনেদি মান্‌জ্যপুয়োবো থিয়্যেই আঘে।”

২ করিন্হীয় 12:1

মত্তুন্ আরঅ এক্কেনা দেমাগ্ দেগা পরের্। যুনিয়ো সিয়েনত্ কনঅ লাভ নেই তো প্রভু যেদক্কানি দর্শন মরে দেগেয়্যে আর যিয়েনি মইধু ফগদাং গোজ্জ্যে সে পৌইদ্যেনে মুই ইক্কিনে কোম্।

ফগদাং পেইয়্যে 19:11

যেরেদি মুই দেগিলুং স্বর্গগান খুলো আঘে, আর সিয়েনত্ এক্কো ধুব্ ঘোড়া আঘে। যিবে সেই ঘোড়াবো উগুরে বৈ এলঅ তা নাঙান্ অলঅ বিশ্বেজবলা আর সত্য। তে গমেডালে বিচের্ আর যুদ্ধো গরে।

ফগদাং পেইয়্যে 4:1

ইয়েন পরেদি মুই স্বর্গর এক্কান দুয়োর্ খুলো দেগিলুং। তূরী আবাজ ধোক্ক্যেন যিবের্ মুয়ো রবুয়ো আগেদি মুই শুন্ন্যং তে মরে কলঅ, “তুই ইধু উদি আয়। ইয়েনর্ পরেদি যিয়েনি হামাক্কায় ঘুদিবাত্যে যার্ সিয়েন মুই তরে দেগেম।”