যাত্রা 9:6 - Chakma Bible

⁶ তার্ কেল্যে লগেপ্রভু সিয়েন গুরিলো। সেক্কে মিসরীয়গুনোর্‌ বেক্‌ য়েমানুন্‌ মুরি গেলাক্, মাত্তর্‌ ইস্রায়েলীয়গুনো পালত্তুন্‌ এক্কো য়েমান্অ ন-মুরিলাক্।

যাত্রা 9:6 Iomraidhean Croise

গীতসংহিতা 78:48

তে শিলোঝড়ত্ তারার গোরু পালুন ইরি দিলো আর দেবা পেরাগ আদত্ তারার য়েমান পালুন তুলি দিলো।

গীতসংহিতা 78:50

তা রাগ্‌কানত্তে তে পথ বানেল, তে মরণত্তুন্ তারারে রেহাই ন-দে ; বরং ভানা (সাজুরেদে পিড়ে) আদত্ তারারে তুলি দিলো।

যাত্রা 12:12

সেই রেদোত্ মুই মিসর দেজ ভিদিরেন্দি যেইম্‌ আর মান্‌জ্যর্‌ পত্তম পূয়োবো আহ্ য়েমানর্‌ পত্তম চেলা ছঅগুনোরে মারে ফেলেম। মুই মিসরর বেক্‌ দেব-দেবেদাগুনোরে সাজা দিম; মুই লগেপ্রভু।

যাত্রা 12:29

সে পরেদি চৌদ্দো তারিগোর্‌ রেত্‌ সম্বাগত্‌ লগেপ্রভু মিসর্‌ দেজর্‌ পত্তি ঘরর্‌ পত্তম পূয়োবোরে মারে ফেলেল। ইয়েনত্ রাজ-সিংহাসনর্‌ গিরোজ্ ফরৌণর্‌ পত্তম পুয়োবোত্তুন্‌ ধুরি জেলোত্‌ পোজ্যে মান্‌জ্যর্‌ পত্তম পূয়োগুন্‌ সং, এন্‌ কি, য়েমানুনোর্ পত্তম চেলা ছবুয়ো মুরি গেলঅ।

যাত্রা 8:22

মাত্তর্‌ সেদিন্যে গোশন চাগালাগান্‌ মুই বাদ দিম, কিত্তে মঅ মানুচ্চুনে সিধু বজত্তি গত্তন্‌। সিদু কনঅ পুগোর্‌ তোষ্যে ন-থেবঅ। সিয়েনত্তুন্‌ তুমি জানি পারিবাদে, মুয়ই লগেপ্রভু এ দেজত্‌ আগং।

যাত্রা 9:25

মিসর্‌ দেজ মাঠ্‌তুনোত্‌ যিদুক্কুন্‌ মানুচ্ আর য়েমান এলাক্ শিলুনে তারারে কনজনরে রেহাই ন-দিলো। শিলুন্‌ পড়িনে মাদর্‌ বেক্‌ ক্ষেত্‌-ক্ষেত্তিগানি বর্‌বাদ্ ওই গেলঅ আর গাজ ডেলাগুন্‌ ভাঙি পড়িলাক্।

যাত্রা 9:26

মাত্তর্‌ ইস্রায়েলীয়গুনে যিয়েনত্‌ থেদাক্‌ সে গোশন চাগালানত্ শিল্‌ ন-পড়িলাক্।

যাত্রা 9:4

মাত্তর্‌ মুই ইস্রায়েলীয়গুনোর য়েমান পালুনোরে মিসরীয়গুনোর য়েমান পালত্তুন্‌ যুদো গুরি চেম্‌। তারার্‌ যিদুক্কুন্‌ য়েমান আগন্‌ সিগুন এক্কোয়ো ন-মুরিবাক্।’ ”

যাত্রা 9:5

পীড়ের্ ভানাগান কক্কে অবঅ সিয়েনঅ লগেপ্রভু ঠিগ্ গুরিলো। তে কলঅ, “এযেত্যে কেল্যে এ দেজ্‌ছান উগুরে মুই ইয়েন্‌ ঘোদেম্‌।”