যাত্রা 9:34 - Chakma Bible

³⁴ মাত্তর্‌ ফরৌণে আর তা কাম্‌গুরিয়্যেগুনে যেক্কে দেগিলাক্‌, ঝড়, শিল্‌ আর আগাজ বাজ্ পড়ানা বন্ধ ওই যেইয়্যে সেক্কে তারা আরঅ পাপ কাম গরা ধুরিলাক্। তারা আরঅ তারার্‌ মনানি দর-মর গুরিলাক্।

যাত্রা 9:34 Iomraidhean Croise

২ বংশধর 28:22

তার্‌ এ দুগোত্‌ রাজা আহসে লগেপ্রভু উগুরে আরঅ অবিশ্বেজি অলঅ।

২ বংশধর 33:23

মাত্তর্‌ তা বাপ্পো মনঃশি ধোক্ক্যেন তে লগেপ্রভুর মুজুঙোত্‌ নিজোরে চিগোন্‌ ন-গরে; তে পাপ্‌ গরা ধুরিলো।

২ বংশধর 36:13

ইয়েনিবাদে রাজা নবূখদ্‌নিৎসর, যিবে গোজেনর নাঙে তারে শমক্‌ খাবেয়্যে, তার্‌ বিরুদ্ধে তে উল্লোমি গুরিলো। তে একগেয়েমি গুরিনে আর নিজো মনান্‌ দর গুরিনে ইস্রায়েলর গোজেন লগেপ্রভুর ইন্দি ন-ফিরিলো।

যাত্রা 4:21

লগেপ্রভু মোশিরে কলঅ, “মুই তরে যেদক্কানি আমক্‌ অইদে কাম্‌ গুরিবার্‌ খেমতা দুয়োং তুই মিসর্‌ দেজত্‌ ফিরি যেইনে ফরৌণ মুজুঙোত্‌ সিয়েনি বেক্কানি গুরিবে। মাত্তর্‌ মুই তা মনান্‌ এন্‌ চিৎনপুজ্যে গুরি দিম্‌ যেনে তে মানুচ্চুনোরে যেবাত্তে ন-দিবো।

যাত্রা 7:14

সেক্কে লগেপ্রভু মোশিরে কলঅ, “ফরৌণ মনান্‌ দরঅ ওই আঘে, সেনত্যে তে মানুচ্চুনোরে যেবাত্তে ন-দের্‌।

যাত্রা 8:15

মাত্তর্‌ বেঙ ভানাগানত্তুন্‌ রেহাই পেইনে ফরৌনে আরঅ তা মনান্‌ দর-মর গুরিনে মোশি আর হারোণ কধা কান ন-পাদিলো। লগেপ্রভু যিয়েনি কোইয়্যে সিয়েনই অলঅ।

যাত্রা 9:33

ইয়েন পরেদি মোশি ফরৌণ ইত্তুন্‌ গেলগোই। শঅরত্তুন্‌ নিগিলিনে তে লগেপ্রভু ইধু আঢ্‌তানি মিলিনে তবনা গুরিলো। সেক্কে আগাজ বাজ্ পড়ানা আর শিল্‌ পড়ানা থামেল। মাদি উগুরে ঝড় পড়ানায়ো থামেল।

যাত্রা 9:35

লগেপ্রভু মোশিরে দিইনে যিয়েনি কোইয়্যে সেবাবোত্যে ফরৌণ মনান্‌ দরঅ ওই রোইয়্যে; তে ইস্রায়েলীয়গুনোরে যেবাত্তে ন-দিলো।

উপদেশক 8:11

অন্যেয় কামর্ সাজা যুনি যাদিমাদি দিয়্যে ন-অয় সালে মানুচ্চুনোর্ মনানি অন্যেয় গুরিবাত্তে পুরোপুরি যুক্কোল্ অয়।

১ শমূয়েল 6:6

তুমি কিত্তে ফরৌণ আর মিসরীয়গুনো ধোক্ক্যেন গুরি নিজোর মনানিরে দরঅ গোজ্য? ইস্রায়েলীয়গুনোর গোজেনে যেক্কে মিসরীয়গুনোরে ভুল বানেয়্যে সেক্কে তারা ইস্রায়েলীয়গুনোরে যেবাত্তে দুয়োন, আর তারা আদি যেয়োন্দোই।