যাত্রা 9:33 - Chakma Bible

³³ ইয়েন পরেদি মোশি ফরৌণ ইত্তুন্‌ গেলগোই। শঅরত্তুন্‌ নিগিলিনে তে লগেপ্রভু ইধু আঢ্‌তানি মিলিনে তবনা গুরিলো। সেক্কে আগাজ বাজ্ পড়ানা আর শিল্‌ পড়ানা থামেল। মাদি উগুরে ঝড় পড়ানায়ো থামেল।

যাত্রা 9:33 Iomraidhean Croise

১ রাজাবলী 8:22

সে পরেন্দি শলোমনে সিয়েনত্‌ এগত্তর্‌ ওইয়্যে ইস্রায়েলীয়গুনোর মুজুঙোত্‌ লগেপ্রভুর ডালিঘর ইদু থিয়্যেইনে স্বর্গন্দি আঢ্ তুলিলো।

যাত্রা 8:12

এ কধাগান্‌ কোইনে মোশি আর হারোণে ফরৌণ ইত্তুন্‌ গেলগোই। ফরৌণ উগুরে লগেপ্রভু যে বেঙর্‌ বানাগান্‌ আন্যে সে পৌইদ্যেনে মোশি লগেপ্রভু ইধু কানা-কুদি গুরিলো।

যাত্রা 8:8

ফরৌণে সেক্কে মোশি আর হারোণরে ডাগি আনিনে কলঅ, “তুমি লগেপ্রভু ইধু কোজোলী গরঅ যেনে তে মত্তুন্ আর মঅ মানুচ্চুনো উগুরেত্তুন্‌ এ বেঙ ভানাগান্‌ সোরেই নেযায়্‌। সেক্কে মুই মানুচ্চুনোরে যেবাত্তে দিম যেনে তারা যেইনে লগেপ্রভুর্‌ নাঙে য়েমান্‌ উৎসর্ব গুরি পারন।”

যাত্রা 9:29

মোশি তারে কলঅ, “শঅরত্তুন্‌ নিগিলি যেইনে মুই লগেপ্রভু ইধু আত্তানি মিলিনে তবনা গুরিম। সেক্কে আগাজ বাজঅ থামেব, শিল আর্‌ ন-পড়িবাক্। ইয়েন্দোই তুই বুঝি পারিবেদে, পিত্‌থিমীগান্‌ লগেপ্রভুর।

যাত্রা 9:32

মাত্তর্‌ বোলী আর মরা মরা গমুন্‌ কনবো বর্‌বাদ্ ন-যান কিত্তে সেক্কেয়ো সিগুন্‌ পাগিবার্‌ সময় ন-অন্।

যাত্রা 9:34

মাত্তর্‌ ফরৌণে আর তা কাম্‌গুরিয়্যেগুনে যেক্কে দেগিলাক্‌, ঝড়, শিল্‌ আর আগাজ বাজ্ পড়ানা বন্ধ ওই যেইয়্যে সেক্কে তারা আরঅ পাপ কাম গরা ধুরিলাক্। তারা আরঅ তারার্‌ মনানি দর-মর গুরিলাক্।