যাত্রা 9:24 - Chakma Bible

²⁴ বানা যে শিল্‌ পড়িলাক্ সিয়েন নয়, তা লগে লগে নিত্য ঝিমিলেনি এলঅ। মিসর্‌ দেজর্‌ পোইল্যাত্তুন্‌ ধুরি এজঅ সং গোদা দেজছানত্‌ এধোক্ক্যেনগুরি জদবদে ঝড় আর্ কনদিন্অ ন-অয়।

যাত্রা 9:24 Iomraidhean Croise

ইয়োব 38:23

সিয়েনি মুই দুঘো দিনুনোত্তে থুবেই রাগেয়োং, থুবেই রাগেয়োং যুদ্ধো আর লাড়ে বাজেবার দিনুনোত্তে।

গীতসংহিতা 105:32

তে ঝড় ধোক্ক্যেন্ গুরি তারা উগুরে শিল্ ফেলেল, পুরো দেজত্ ঝিমিলেনি গরা ধুরিলো।

গীতসংহিতা 18:13

লগেপ্রভু আগাজত্ গুজুরি উদিলো; আগাজ বাজ্ আর শিলো ঝড়ত্ দাঙর্ গোজেন রবুয়ো শুনো গেলঅ।

যাত্রা 10:6

সে পরেদি তর্‌ আর তর্ বেক কাম্‌গুরিয়্যেগুন আর অন্য বেক্‌ মিসরীয়গুনো ঘরানিত্‌ এ পুগ্-যুগ্‌কুনে ভুরি যেবাক্। এ দেজত্‌ এজানার্‌ পরেত্তুন্‌ ধুরি এচ্চ্যে সং তর্‌ বাপ-দাদাগুনে আর তারার্‌ বাপ-দাদাগুনেয়ো কনদিন এবাবোত্যে অদে ন-দেগন্।’ ” এ কধাগান্‌ কনার্‌ পরেদি মোশি পিজেদি ফিরি ফরৌণ ইধু গেলগোই।

যাত্রা 9:18

সেনত্যে এযেত্যেকেল্যে ঠিগ্ এ সময়োত্‌ মুই এন্‌ এক্কান অমকদ শিল্‌ পড়েদে-ঝর পাধেই দিম্‌ যিয়েন মিসর দেজর্‌ পৌইল্যাত্তুন্‌ ধুরি এজঅ সং আর কনদিন্অ ন-অয়।

যাত্রা 9:23

সেক্কে মোশি আগাজ কিত্তেদি তা লুদিক্কো উজু গুরি ধুরিলো। সিয়েন্দোই লগেপ্রভু এমন্‌ গুরিলো যিয়েনত্যে মেঘ গুজুরি উদিলো আর শিল পড়েদে-ঝড় পড়া ধুরিলো আর মাদি উগুরে থাদাল্ (পেরাক্‌) পড়া ধুরিলো। এধোক্ক্যেন গুরিনে লগেপ্রভু মিসর দেজ্‌ছান উগুরে শিলো-ঝড় পাদেল।

যাত্রা 9:25

মিসর্‌ দেজ মাঠ্‌তুনোত্‌ যিদুক্কুন্‌ মানুচ্ আর য়েমান এলাক্ শিলুনে তারারে কনজনরে রেহাই ন-দিলো। শিলুন্‌ পড়িনে মাদর্‌ বেক্‌ ক্ষেত্‌-ক্ষেত্তিগানি বর্‌বাদ্ ওই গেলঅ আর গাজ ডেলাগুন্‌ ভাঙি পড়িলাক্।

যিশাইয় 30:30

লগেপ্রভু জদবদে রাগ্, পুড়ি ফেলাইদ্যে আগুন, অমকদ ঝড় আর শিল পড়ানার্ মাধ্যমে তার্ খেমতাবলা রবো মানুচ্চুনোরে শুনেব আর তা সাজা দিবার্ আঢ্‌‍‌তান দেগেব।

যিহিষ্কেল 1:4

মুই রিনি চেইনে দেগিলুং উত্তোরেত্তুন্ এক্কান তুট্যে বোইয়্যের্ এজের্, এক্কান দাঙর্ মেঘ ভিদিরে ঝিমিলের্ আর চেরোকিত্তেদি পোত্‌‌‌পোত্যে পহ্‌‌‌রে ঘিজ্যে। সে ঝিমিলেনিগান সংমোধ্যে দোগ্‌দোক্যে ধাতু ধোক্ক্যেন কিজু ঝিমিত্ ঝিমিত্ গরের্।

যিহিষ্কেল 13:13

“‘মর্ রাগে মুই ঝড় বোইয়্যের্ খুলি দিম। মর্ অমকদ বেজারে মুই দাঙর্ দাঙর্ শিল্ আর ন-থামেয়্যে ঝড় দিইনে সিয়েন ভস্ত গুরি দিম।

মথি লেখ্যে গম্ হবর্ 24:21

সেক্কে এমন্ দুঘ্ অবঅ যিয়েন্ জগদর্ আরাম্ভত্তুন্ ধুরি এ সময়ান সং কনদিন্অ ন-অয় আর নয়ো অবঅ।