যাত্রা 9:23 - Chakma Bible

²³ সেক্কে মোশি আগাজ কিত্তেদি তা লুদিক্কো উজু গুরি ধুরিলো। সিয়েন্দোই লগেপ্রভু এমন্‌ গুরিলো যিয়েনত্যে মেঘ গুজুরি উদিলো আর শিল পড়েদে-ঝড় পড়া ধুরিলো আর মাদি উগুরে থাদাল্ (পেরাক্‌) পড়া ধুরিলো। এধোক্ক্যেন গুরিনে লগেপ্রভু মিসর দেজ্‌ছান উগুরে শিলো-ঝড় পাদেল।

যাত্রা 9:23 Iomraidhean Croise

পত্থম 19:24

সে পরেদি লগেপ্রভু স্বর্গর লগেপ্রভুত্তুন্‌ সদোম্‌ আর ঘমোরা উগুরে গন্ধক আর আগুনো ঝড় আরাম্ভ গুরিলো।

ইয়োব 37:13

মান্‌জ্যরে সাজা দিবাত্তে, বা তার্ পিত্‌থিমীগানরে পানি দিবাত্তে, বা তার্ কোচ্‌পানা দেগেবাত্তে তে ঝড় আনি দে।

গীতসংহিতা 147:17

তে রুটি কট্টা ধোক্ক্যেন শিল্ ছিদি ফেলায়; তার দিয়্যে ঠান্ডাগান কন্না সোজ্য গুরি পারে?

গীতসংহিতা 148:8

ও ঝিমিলেনিগান আর শিলুন, তুষার আর কুয়োগানি আর তা উগুমান পালেয়্যে ঝড় বোইয়্যেরান্, গোজেনরে নাঙ্ গিনো।

গীতসংহিতা 18:13

লগেপ্রভু আগাজত্ গুজুরি উদিলো; আগাজ বাজ্ আর শিলো ঝড়ত্ দাঙর্ গোজেন রবুয়ো শুনো গেলঅ।

গীতসংহিতা 29:3

পানি উগুরে লগেপ্রভুর রঅবো শুনো যায়; আগাজ বাজ্ পড়ানার রবোলোই বাঈনী গুরিবার গোজেনে গুজুরি উদে; বেক্ পানিগান উগুরে আগাজ বাজ রবোত্ রোইয়্যেদে লগেপ্রভুর গুজুরোনিবো।

গীতসংহিতা 77:18

বোইয়্যের ঝড়ে তর্ দেবা পেরাগ রঅ শুনো গেলঅ, তর্ ঝিমিলেনিলোই পিত্‌থিমীগান পহর্ অলঅ; পিত্‌থিমীগান গিরগিরেল আর টলমল গুরি উদিলো।

যাত্রা 19:16

তিন দিনোত্‌ বেন্যেমাদান্ মেঘ গুজুরো ধুরিলো আর ঝিমিলেনি অলঅ‌ আর মুড়োবো উগুরে এককট্টা ঘন মেঘ দেগা দিলো। ইয়েন বাদেয়ো অমহদ দাঙর দাঙর গুরি শিঙের্ রঅ শুনো গেলঅ। এদক্কানি দেগিনে শুনিনে তাম্বুলো ভিদিরে বেক্‌ মানুচ্চুনে গির্‌গিরেই উদিলাক্।

যাত্রা 20:18

ইস্রায়েলীয়গুনে যেক্কে ঝিমিলাদে আর মুড়োত্তুন্‌ ধুমো উদোদে দেগিলাক্‌ আর মেঘ গুজুরোনি আর শিঙের রঅ‌ শুনিলাক্‌ সেক্কে তারা দূরোত্‌ ঠিয়্যেইনে গির্‌গিরা ধুরিলাক্।

যাত্রা 9:18

সেনত্যে এযেত্যেকেল্যে ঠিগ্ এ সময়োত্‌ মুই এন্‌ এক্কান অমকদ শিল্‌ পড়েদে-ঝর পাধেই দিম্‌ যিয়েন মিসর দেজর্‌ পৌইল্যাত্তুন্‌ ধুরি এজঅ সং আর কনদিন্অ ন-অয়।

যাত্রা 9:24

বানা যে শিল্‌ পড়িলাক্ সিয়েন নয়, তা লগে লগে নিত্য ঝিমিলেনি এলঅ। মিসর্‌ দেজর্‌ পোইল্যাত্তুন্‌ ধুরি এজঅ সং গোদা দেজছানত্‌ এধোক্ক্যেনগুরি জদবদে ঝড় আর্ কনদিন্অ ন-অয়।

যিশাইয় 30:30

লগেপ্রভু জদবদে রাগ্, পুড়ি ফেলাইদ্যে আগুন, অমকদ ঝড় আর শিল পড়ানার্ মাধ্যমে তার্ খেমতাবলা রবো মানুচ্চুনোরে শুনেব আর তা সাজা দিবার্ আঢ্‌‍‌তান দেগেব।

যিহিষ্কেল 38:22

মুই ভানা আর লো ঝোরেইনে গোগরে সাজা দিম্; মুই অমকদ ঝড়, শিল্ আর জ্বোল্ জোল্যে গন্ধক তা উগুরে, তা সৈন্যগুনো উগুরে আর তা লগে বেক্ জাদ উগুরে ঢালি দিম।

যিহোশূয় 10:11

ইস্রায়েলীয়গুনো মুজুঙেত্তুন্‌ তারা যেক্কে বৈৎ-হোরোণ ছাড়িনে অসেকাত্‌ লামি এবার পথ্‌তান ধুরিনে ধেই যাদন্‌ সেক্কে লগেপ্রভু আগাজত্তুন দাঙর দাঙর শিল্‌ তারা উগুরে ফেলেল। সেনে ইস্রায়েলীয়গুনো সমারে যুদ্ধোত্‌ যিদুক্কুন্‌ মানুচ্‌ মুরিলাক্‌ তাত্তুন বেশ্‌ মুরিলাক্‌ এ শিলাত্‌।

ফগদাং পেইয়্যে 16:18

সেক্কে দেবা ঝিমিলেনি উয়ো ধুরিলো, দর্‌গরেপারা আবাজ্ অনা আর দেবা পেরাগ পড়া ধুরিলো আর এমন্‌ দর্‌গরেপারা ভূজোল্ বেলঅ যিয়েন পিত্‌থিমীত মানুচ্‌ সৃট্টির পরেত্তুন্ ধুরি আর কনদিন্‌অ দেগা ন-যায়। সেই ভুজোলান্ অমকদ দর্‌গরেপারা এলঅ।

ফগদাং পেইয়্যে 16:21

আগাজত্তুন্ মান্‌জ্য উগুরে দাঙর্ দাঙর্ পাত্তর ধোক্ক্যেন শিল পড়া ধুরিলাক্। সিগুনোর্ এক এক্কো মাবেদি এলাক্ ছত্রিশ কেজি। সেক্কে মানুচ্চুনে শিলো আঘাদত্তে গোজেনরে নিন্দে গরা ধুরিলাক্, কিয়া সেই শিলোর আঘাত্‌তো দর্‌গরেপারা এলঅ।

ফগদাং পেইয়্যে 8:7

পত্তম স্বর্গদূত্‌তো তা তূরীবো বাজেইলে পরেদি লো মিজেইয়্যে শিল আর আগুন পিত্‌থিমীত ফেলা অলঅ। সেক্কে তিন ভাগর এক ভাগ পিত্‌থিমী, তিন ভাগর এক ভাগ গাজ্‌-বাজ্ আর বেক্‌ য়্যেল্‌ ঘাস্‌চানি পুড়ি গেলঅ।