যাত্রা 9:18 - Chakma Bible

¹⁸ সেনত্যে এযেত্যেকেল্যে ঠিগ্ এ সময়োত্‌ মুই এন্‌ এক্কান অমকদ শিল্‌ পড়েদে-ঝর পাধেই দিম্‌ যিয়েন মিসর দেজর্‌ পৌইল্যাত্তুন্‌ ধুরি এজঅ সং আর কনদিন্অ ন-অয়।

যাত্রা 9:18 Iomraidhean Croise

১ রাজাবলী 19:2

বেক্‌ কধানি শুনিনে ঈষেবলে মানুচ্‌ দিইনে এলিয়রে কোই পাদেল, “এযেত্যে কেল্যে এ সময়ান ভিদিরে তর্‌ দজাগান্‌ যুনি তারার্‌ একজন ধোক্ক্যেন্ ন-গরঙ্‌ সালে দেবেদাগুনে যেনে মরে সাজা দুয়োন্‌ আর সিয়েন্‌ জদবদে গুরি দুয়োন।”

১ রাজাবলী 20:6

মাত্তর্‌ এজেত্তে কেল্যে এ সময়ানত্‌ মর্‌ কামগুরিয়্যেগুনোরে মুই পাধেই দিম্‌। তারা তর্‌ রাজঘরান্‌ আর তর্‌ কামগুরিয়্যেগুনোর্‌ ঘরত্‌ চেক্ গুরিবাক্‌ আর যেদক্কানি পজাবিরা তঅ চোগেন্দি মংগা সিয়েনি আনিবাক্‌।’”

২ রাজাবলী 7:1

ইলীশায় কলঅ, “লগেপ্রভু কি কোইয়্যে সিয়েন শুনো। তে কত্তে, এজেত্তে কেল্যে শমরিয়ার গেদোত্‌ বার গ্রাম রূবোলোই ছয় কেজি মোয়দে আর বার গ্রাম রূবোলোই বার কেজি কেজ্‌বিজি বেজা অবঅ।”

২ রাজাবলী 7:18

তে রাজারে যেধোক্কেন্‌ কোইয়্যে সেধোক্কেন্‌ ঘটনাগান্‌ ঘুদিলো। তে কোইয়্যেদে, “এজেত্তে কেল্যে এ সময়োত্‌ শমরিয়ার গেদোত্‌ ছয় কেজি মোয়দে বার গ্রাম রূবোলোই আর বার কেজি কেজ্‌বিজিলোই বার গ্রাম রূবো বেজা অবঅ।”

ইয়োব 37:13

মান্‌জ্যরে সাজা দিবাত্তে, বা তার্ পিত্‌থিমীগানরে পানি দিবাত্তে, বা তার্ কোচ্‌পানা দেগেবাত্তে তে ঝড় আনি দে।

ইয়োব 38:22

তুই কি তুষার ভান্ডালত্ চোমেয়োচ্ বা শিলোর কুড়্ দেখ্যচ্?

ইয়োব 38:23

সিয়েনি মুই দুঘো দিনুনোত্তে থুবেই রাগেয়োং, থুবেই রাগেয়োং যুদ্ধো আর লাড়ে বাজেবার দিনুনোত্তে।

গীতসংহিতা 83:15

সেবাবোত্যেগুরি তঅ ঝড়ান্দোই তুই তারারে ধাবেই দে; তর্ দর্‌গরেপারা ঝড়ান্দোই অমকদ দর্‌বুক লাগেই দে।

যাত্রা 10:14

সেক্কে পুরো মিসর দেজছান উগুরে গুণি ন-পুড়েইয়্যে পুগ্-যুগ্ এইনে বেক্‌ জাগানিত্‌ বজিলাক্। এদক্‌ পুগ্-যুগ্ আগেদি আর কনঅদিন দেগা ন-যায়, কনদিন্‌ দেগায়ো ন-যেবঅ।

যাত্রা 10:6

সে পরেদি তর্‌ আর তর্ বেক কাম্‌গুরিয়্যেগুন আর অন্য বেক্‌ মিসরীয়গুনো ঘরানিত্‌ এ পুগ্-যুগ্‌কুনে ভুরি যেবাক্। এ দেজত্‌ এজানার্‌ পরেত্তুন্‌ ধুরি এচ্চ্যে সং তর্‌ বাপ-দাদাগুনে আর তারার্‌ বাপ-দাদাগুনেয়ো কনদিন এবাবোত্যে অদে ন-দেগন্।’ ” এ কধাগান্‌ কনার্‌ পরেদি মোশি পিজেদি ফিরি ফরৌণ ইধু গেলগোই।

যাত্রা 11:6

সেক্কে পুরো মিসর্‌ দেজত্‌ এমন্‌ কানানার্‌ রঅ উদিবো যিবে আগে কনদিন্অ ন-উদে আর কনদিন্অ ন-উদিবো।

যাত্রা 9:17

তুই এজঅ মঅ মানুচ্চুনো বিরুদ্ধে নিজোরে অদে অদে রাগেয়োচ্‌ আর তারারে যেবাত্তে ন-দুয়োর্‌।

ফগদাং পেইয়্যে 16:21

আগাজত্তুন্ মান্‌জ্য উগুরে দাঙর্ দাঙর্ পাত্তর ধোক্ক্যেন শিল পড়া ধুরিলাক্। সিগুনোর্ এক এক্কো মাবেদি এলাক্ ছত্রিশ কেজি। সেক্কে মানুচ্চুনে শিলো আঘাদত্তে গোজেনরে নিন্দে গরা ধুরিলাক্, কিয়া সেই শিলোর আঘাত্‌তো দর্‌গরেপারা এলঅ।