যাত্রা 8:8 - Chakma Bible

⁸ ফরৌণে সেক্কে মোশি আর হারোণরে ডাগি আনিনে কলঅ, “তুমি লগেপ্রভু ইধু কোজোলী গরঅ যেনে তে মত্তুন্ আর মঅ মানুচ্চুনো উগুরেত্তুন্‌ এ বেঙ ভানাগান্‌ সোরেই নেযায়্‌। সেক্কে মুই মানুচ্চুনোরে যেবাত্তে দিম যেনে তারা যেইনে লগেপ্রভুর্‌ নাঙে য়েমান্‌ উৎসর্ব গুরি পারন।”

যাত্রা 8:8 Iomraidhean Croise

১ রাজাবলী 13:6

সেক্কে রাজা গোজেনর্‌ মানুচ্চোরে কলদে, “তুই তর্‌ গোজেন্‌ লগেপ্রভুরে কোজোলি গর্‌ আর মত্তে তবনা গর্‌ যেনে মঅ আঢ্‌তান্‌ আরঅ গম্‌ ওই যায়।” যেক্কে গোজেন মানুচ্চো লগেপ্রভুরে কোজোলি গুরিলো সেক্কে রাজার আঢ্‌তান্‌ আরঅ গম্‌ ওইনে আগঅ ধোক্কেন্‌ অলঅ।

গীতসংহিতা 66:3

গোজেনরে কঅ, “তর্ কাম দেগিনে মনত্ কত্তমান দর্ আর ভোক্তি জাগে। তর্ দাঙর খেমতার মুজুঙোত্ তর্ শত্রুগুনে মাঢা লোঙেবার্ ভান গুরিবাক্।

যাত্রা 10:16

সেক্কে ফরৌণে যাদিমাদি মোশি আর হারোণরে ডাগি আনিনে কলঅ, “তমার গোজেন লগেপ্রভু ইধু আর তমা বিরুদ্ধে মুই পাপ গোজ্যং।

যাত্রা 10:17

সেনত্যে দোয়্যে গুরিনে তুমি এবার ধোক্ক্যেন মঅ পাপ্পানি ক্ষেমা গরঅ। তমার গোজেন লগেপ্রভু ইধু কোজোলী গুরি দুয়ো যেনে তে মঅ উগুরেত্তুন্‌ এ মরণর্‌ ছাবাবো সোরেই নেযায়।”

যাত্রা 10:18

সেক্কে মোশি ফরৌণ ইত্তুন যেইনে লগেপ্রভু ইধু কোজোলী গুরিলো।

যাত্রা 14:5

মিসরর্‌ রাজা ফরৌণরে যেক্কে কুয়ো অলঅ‌, ইস্রায়েলীয়গুনে ধেই যেইয়োন্‌ সেক্কে তারা পৌইদ্যেনে ফরৌণ আর তার্‌ কাম্‌গুরিয়েগুনোর মনানি বুদুলি গেলঅ। তারা কলাক্ “ইয়েন্‌ আমি কি গুরিলোং? তারারে বিদেয়্‌ গুরি দিইনে দঅ আমি আমার্‌ বেক্‌ চাগরুন্‌ আরেলং।”

যাত্রা 32:11

মোশি সেক্কে তার গোজেন লগেপ্রভুরে কোজোলী গুরিনে কলঅ‌, “লগেপ্রভু, তর্‌ খেমতাবলা আত্তান্‌ বাবেইনে দাঙর্‌ বল্লোই যিগুনোরে তুই মিসর্‌ দেজত্তুন্‌ নিগিলেই আন্যচ্‌ তর্‌ সেই মানুচ্চুনো উগুরে কিত্তেই তর্‌ এদক্‌ রাগ্‌?”

যাত্রা 5:2

মাত্তর্‌ ফরৌণে কলঅ, “কন্না আরঅ এই লগেপ্রভু, মুই যে তা উগুম্‌ মানিনে ইস্রায়েলীয়গুনোরে যেবাত্তে দিম? এই লগেপ্রভুরেয়ো মুই ন-চিনোং আর ইস্রায়েলীয়গুনোরেয়ো মুই যেবাত্তে ন-দিম।”

যাত্রা 8:15

মাত্তর্‌ বেঙ ভানাগানত্তুন্‌ রেহাই পেইনে ফরৌনে আরঅ তা মনান্‌ দর-মর গুরিনে মোশি আর হারোণ কধা কান ন-পাদিলো। লগেপ্রভু যিয়েনি কোইয়্যে সিয়েনই অলঅ।

যাত্রা 8:29

মোশি কলঅ, “মুই তত্তুন্ যেইনে লগেপ্রভু ইধু কোজোলী গুরিম যেনে কেল্যে মহারাজ আর তা কাম্‌গুরিয়্যেগুন্‌ আর তা মানুচ্চুনো উগুরেত্তুন্‌ এ পুগোর্‌ তোষ্যেগানি উদি যাই। মাত্তর্‌ লগেপ্রভুর নাঙে য়েমান্‌ উৎসর্ব গুরিবাত্তে যেবাত্তে ন-দিইনে মহারাজে যেনে আমারে আরঅ ন-থগায়্‌।”

যাত্রা 8:32

মাত্তর্‌ এবেরায়ো ফরৌণে তা মনান্‌ দর-মর গুরিলো আর মানুচ্চুনোরে যেবাত্তে ন-দিলো।

যাত্রা 8:9

মোশি ফরৌণরে কলঅ, “বেঙুন্‌ যেনে তরে আর তঅ ঘরান ছাড়ি যেইনে বানা গাঙত্‌ থান্দোই, সেনত্যে কঅ কক্কে মুই তত্তে, তঅ কাম্‌গুরিয়্যেগুনোত্তে আর মানুচ্চুনোত্যে কোজোলী গুরিম্‌। সময়ান তুই ঠিগ্‌ গুরিচ্‌।”

যাত্রা 9:27

ফরৌণে সেক্কে মোশি আর হারোণরে ডাগি আনিনে কলঅ, “এবেরা মুই পাপ কাম গোজ্যং। লগেপ্রভু ঠিগ্ কামান্‌ গোজ্যে। মুই আর মঅ মানুচ্চুনে দুষী।

যাত্রা 9:28

তুই লগেপ্রভু ইধু কোজোলী গর্‌। আগাজ বাজ্ আর শিল্‌ পড়ানা জদবদে ওইয়্যে। এবেরা মুই তমারে যেবাত্তে দিম। ইধু আর তমাত্তুন্‌ থাহ্ ন-পড়িবো।”

যাত্রা 9:33

ইয়েন পরেদি মোশি ফরৌণ ইত্তুন্‌ গেলগোই। শঅরত্তুন্‌ নিগিলিনে তে লগেপ্রভু ইধু আঢ্‌তানি মিলিনে তবনা গুরিলো। সেক্কে আগাজ বাজ্ পড়ানা আর শিল্‌ পড়ানা থামেল। মাদি উগুরে ঝড় পড়ানায়ো থামেল।

গণাণা 21:7

সেক্কে মানুচ্চুনে যেইনে মোশিরে কলাক্, “লগেপ্রভু আর তর্‌ বিরুদ্ধে কধা কোইনে আমি পাপ গোজ্জ্যেই। তুই ইক্কিনে লগেপ্রভুরে কোজোলী গুরিদে যেনে তে এই বেক্‌ সাপ্পুন্‌ আমা মুজুঙোত্তুন্‌ সোরেই নেযাই।” সেক্কে মোশি মানুচ্চুনোত্তে কোজোলী গুরিলো।

প্রেরিত্‌ 8:24

সেক্কে শিমোনে কলঅ, “তুমি প্রভু ইধু মত্যেই তবনা গরঅ যেন তুমি যিয়েন কোইয়ো সিয়েন মঅ উগুরে ন-ঘদে।”

১ শমূয়েল 12:19

বেক্কুনে সেক্কে শমূয়েলরে কলাক্, “তুই তর্‌ গোজেন লগেপ্রভুর ইদু তর্‌ এই চাগরুনোত্তেই তবনা গুরিচ্‌ যেনে আমি মারা ন-পুরিই, কিত্যে রাজাবো চেইনে আমি আমার অন্য বেক্‌ পাপ্পানির লগে এই পাপ্পানিয়ো মিজেয়্যেই।”