যাত্রা 8:4 - Chakma Bible

⁴ সেই বেঙুনে তঅ উগুরে আর তঅ মানুচ্চুনো উগুরে আহ্ তর্‌ কাম্‌ গুরিয়্যেগুনো উগুরে যেইনে কিয়্যেত্‌ উদিবাক্।’ ”

যাত্রা 8:4 Iomraidhean Croise

১ রাজাবলী 13:6

সেক্কে রাজা গোজেনর্‌ মানুচ্চোরে কলদে, “তুই তর্‌ গোজেন্‌ লগেপ্রভুরে কোজোলি গর্‌ আর মত্তে তবনা গর্‌ যেনে মঅ আঢ্‌তান্‌ আরঅ গম্‌ ওই যায়।” যেক্কে গোজেন মানুচ্চো লগেপ্রভুরে কোজোলি গুরিলো সেক্কে রাজার আঢ্‌তান্‌ আরঅ গম্‌ ওইনে আগঅ ধোক্কেন্‌ অলঅ।

গীতসংহিতা 107:40

তে বড়্ পোজিশন মানুচ্চুনো উগুরে অগমান আনে, ঝাড় ভিদিরে মানুচ্‌জন নেইয়্যে জাগানত্ তারারে ঘুরিবাত্তে দে;

যাত্রা 10:17

সেনত্যে দোয়্যে গুরিনে তুমি এবার ধোক্ক্যেন মঅ পাপ্পানি ক্ষেমা গরঅ। তমার গোজেন লগেপ্রভু ইধু কোজোলী গুরি দুয়ো যেনে তে মঅ উগুরেত্তুন্‌ এ মরণর্‌ ছাবাবো সোরেই নেযায়।”

যাত্রা 8:24

লগেপ্রভু সিয়েনই গুরিলো। ফরৌণ রাজঘরত্‌ আর তা কাম্‌গুরিয়্যেগুনো ঘরত্‌ পাল্‌ পাল্‌ পুক্‌ সমিলাক্। এ পুগ্‌কুনোর্‌ তোষ্যেই গোদা মিসর্‌ দেজচান্‌ শেজ্‌ অবার পদথ্‌।

যাত্রা 8:3

নীল গাঙান্‌ বেঙোই ভুরি যেবাক্, আর গাঙত্তুন্‌ সিগুন্‌ উদি এবাক্‌, তঅ ঘরত, তঅ ঘুম্‌ যেবার্‌ ঘরত, তঅ বিচ্চোনত্, তঅ কাম্‌ গুরিয়্যেগুনোর্‌ ঘরত, তঅ মানুচ্চুনো ঘরত, তঅ চুলোবোত্‌ আর তঅ মোইদ্যে গুলিবার্‌ পিলেবোত্‌ যেইনে উদিবাক্‌।

যাত্রা 8:5

সে পরেদি লগেপ্রভু মোশিরে কলঅ, “তুই হারোণরে এই কধাগান্‌ কবে, ‘মিসর দেজর্‌ বেক্‌ গাঙানি, ছড়ানি আর পৌরুনো উগুরে লুদিক্কো সুমুত্তো তর্‌ আত্তান্‌ বাবেইনে দেজ্‌ছানর্‌ উগুরেত্তুন্‌ বেঙুন্‌ তুলি আন্‌।’ ”

যাত্রা 9:28

তুই লগেপ্রভু ইধু কোজোলী গর্‌। আগাজ বাজ্ আর শিল্‌ পড়ানা জদবদে ওইয়্যে। এবেরা মুই তমারে যেবাত্তে দিম। ইধু আর তমাত্তুন্‌ থাহ্ ন-পড়িবো।”

যিশাইয় 19:11

সোয়নর দাঙর্ পোজিশনর্ কামগুরিয়্যেগুনে এক্কুবারে ভুল্ বেদমা; ফরৌনর জ্ঞানী সল্লাদিয়্যেগুনে অত্তনেইয়্যে উপদেজ্ দুয়োন্। তুমি ফরৌণরে কেধোক্ক্যেন গুরি কোই পার, “মুই জ্ঞানী মানুচ্চুনো ভিদিরে একজন আর খুব পুরোনা দিনো রাজাগুনোর বংশধর্”?

যিশাইয় 19:22

লগেপ্রভু মিসরানরে আঘাত্ গুরিবো; তে তারারে আঘাত্ গুরিবো আর গম্‌অ গুরিবো। তারা লগেপ্রভু ইন্দি ফিরিবাক্, আর তে তারার কোজোলীগান্দোই রিনি চেবঅ আর তারারে গম্ গুরিবো।

যিশাইয় 23:9

তার বেক্ দেমাগ্‌কানে ভস্ত গুরিবাত্তে আর পিত্‌থিমীর নাঙ-গোজ্যে মানুচ্চুনোরে তলে ফেলেবাত্তে বেগত্তুন্ খেমতাবলা লগেপ্রভু এ পরিকল্পনাগান গোজ্যে।

দানিয়েল 4:37

ইক্কিনে মুই নবূখদ্‌নিৎসর সেই স্বর্গ রাজারে নাঙ্ গিনোং, সর্মান গরং আর বাঈনী গরং, কিত্যে তে যিয়েনি গরে সিয়েনি ঠিগ্, আর তার বেক্ পথ্‌‌‌‌‌তানি ন্যায়ে ভর্‌‌‌‌‌পুনং। যিগুনে বাড়্‌বো গুরিনে চলন তারারে তে তলেদি ফেলেই পারে।

গণাণা 21:7

সেক্কে মানুচ্চুনে যেইনে মোশিরে কলাক্, “লগেপ্রভু আর তর্‌ বিরুদ্ধে কধা কোইনে আমি পাপ গোজ্জ্যেই। তুই ইক্কিনে লগেপ্রভুরে কোজোলী গুরিদে যেনে তে এই বেক্‌ সাপ্পুন্‌ আমা মুজুঙোত্তুন্‌ সোরেই নেযাই।” সেক্কে মোশি মানুচ্চুনোত্তে কোজোলী গুরিলো।