যাত্রা 8:3 - Chakma Bible

³ নীল গাঙান্‌ বেঙোই ভুরি যেবাক্, আর গাঙত্তুন্‌ সিগুন্‌ উদি এবাক্‌, তঅ ঘরত, তঅ ঘুম্‌ যেবার্‌ ঘরত, তঅ বিচ্চোনত্, তঅ কাম্‌ গুরিয়্যেগুনোর্‌ ঘরত, তঅ মানুচ্চুনো ঘরত, তঅ চুলোবোত্‌ আর তঅ মোইদ্যে গুলিবার্‌ পিলেবোত্‌ যেইনে উদিবাক্‌।

যাত্রা 8:3 Iomraidhean Croise

২ বংশধর 22:11

মাত্তর্‌ বেক্‌ রাজার্‌ পুয়োগুনোরে মারে ফেলেবার আগেন্দি রাজা যিহোরামর ঝি অহসিয়র বোন যিহোশেবা অহসিয়র পুয়ো যোয়াশরে রাজার পুয়োগুনো ভিদিরেত্তুন্‌ চুর্‌ গুরিনে আনিলো। অথলিয়ার ইত্তুন্‌ লুগেই রাগেবাত্তে যিহোশেবা যোয়াশ আর তার্‌ ওঝাবুড়িবোরে এক্কো ঘুম যেবার্‌ গুদিত্‌ রাগেল। সেনত্তে অথলিয়া তারে মারে ফেলেই ন-পারে। যিহোশেবা ধর্মগুরু যিহোয়াদার মোগ্‌ এলঅ বিলিনে অথলিয়া যে ছঅ বজর দেজত্‌ রাজাগিরি গোজ্যে সে বজরুনোত্‌ যোয়াশে গোজেন ঘরত্‌ পৌল্যেই রলঅ।

গীতসংহিতা 105:30

দেজত্ বেঙে সয়-সাগোজ্যে অলাক্; এন্ কি, তারার রাজার ঘরত্ যেইনে সিগুন লুমিলাক্।

যাত্রা 10:6

সে পরেদি তর্‌ আর তর্ বেক কাম্‌গুরিয়্যেগুন আর অন্য বেক্‌ মিসরীয়গুনো ঘরানিত্‌ এ পুগ্-যুগ্‌কুনে ভুরি যেবাক্। এ দেজত্‌ এজানার্‌ পরেত্তুন্‌ ধুরি এচ্চ্যে সং তর্‌ বাপ-দাদাগুনে আর তারার্‌ বাপ-দাদাগুনেয়ো কনদিন এবাবোত্যে অদে ন-দেগন্।’ ” এ কধাগান্‌ কনার্‌ পরেদি মোশি পিজেদি ফিরি ফরৌণ ইধু গেলগোই।

যাত্রা 12:34

ইয়েনত্‌ ইস্রায়েলীয়গুনে সদা মিজেবার্‌ আগেদি তারার্‌ মোইদ্যে মিগিবার্‌ পিলেবো সুদ্ধো মোইদ্যের্‌ ডলাগুন্‌ তারার্‌ কাবড়লোই বানিনে কানাত্‌ তুলিলাক্।

যাত্রা 7:11

ফরৌণে সেক্কে জ্ঞানীগুনোরে আন মাত্তলে ধরেদে বাবোত্যে জিনিস কামত্‌ লাগেই পারন্দে মানুচ্চুনোরে, অত্তাৎ যাদু পারিয়্যেগুনোরে ডাগিলো। তারায়ো তারার যাদুমন্ত্রলোই একই কাম গুরিলাক্।

যাত্রা 8:11

বেঙুনে তরে আর তঅ ঘরত, তঅ কাম্‌গুরিয়্যেগুন আর তঅ মানুচ্চুনোরে ছাড়ি যেবাক্‌। সিগুন্‌ বানা নীল গাঙ ভিদিরে থেবাক্‌।”

যাত্রা 8:2

যুদি তুই তারারে যেবাত্তে ন-দুয়োচ্‌ সালে পুরো দেজ্‌ছান উগুরে মুই বেঙর্ তামাজা গুরিবাত্তে যাঙর্।

যাত্রা 8:4

সেই বেঙুনে তঅ উগুরে আর তঅ মানুচ্চুনো উগুরে আহ্ তর্‌ কাম্‌ গুরিয়্যেগুনো উগুরে যেইনে কিয়্যেত্‌ উদিবাক্।’ ”