যাত্রা 8:19 - Chakma Bible

¹⁹ এ অবস্থা দেগিনে যাদুগুরিয়্যেগুনে ফরৌণরে কলাক্‌, “ইয়েনত্‌ গোজেন আঙুলো দাগ্‌ আঘে।” মাত্তর্‌ তো ফরৌণ মনান্‌ দর-মর ওই রলঅ; তে মোশি আর হারোণ কধা ন-শুনিলো। লগেপ্রভু যিয়েনি কোইয়্যে সিয়েনই অলঅ।

যাত্রা 8:19 Iomraidhean Croise

পত্থম 41:24

এ সাত্তো চ'বা শীজে সেই পক্তা সাত্তো শীজেরে গিলি ফেলেলাক্। মুই এ বেক্‌ কধানি যাদুকরুনোরে কোইয়োং, মাত্তর্‌ কনজনে এ অত্তগান্‌ মরে বুঝেই দি ন-পারিলাক্।”

গীতসংহিতা 8:3

মুই যেক্কে তঅ আঢ্‌‌তোই বানেয়্যে আগাজ ইন্দি রিনি চাং আর সিদু তর্ থিদেবর্ গোজ্যে চানান্ আহ্ তারাগুনোরে দেগং,

যাত্রা 10:23

সেই তিন দিন সং কনজনে কাররে নয়ো-দেগিলাক্‌ আর ঘরানি ছাড়িনে কনজনে বারেন্দিয়ো ন-গেলাক্। মাত্তর্‌ ইস্রায়েলীয়গুনে যিয়েনত্‌ এলাক্‌ সিয়েনত্‌ পহ্‌র এলঅ।

যাত্রা 10:7

সেক্কে ফরৌণর্‌ কাম্‌গুরিয়্যেগুনে তারে কলাক্, “এ মানুচ্চো আর কয়দিন্‌ আমারে ফাল্ ফাদি থেবঅ? উই মানুচ্চুনে যেনে তারার্‌ গোজেন লগেপ্রভুর্‌ উবোসনা গুরি পারন সেনত্যে তারারে যেবাত্তে দে। তুই কি বুঝি ন-পারত্‌তে, মিসর্‌ দেজ্‌চান্‌ এক্কুবারে শেজ্ ওই গেলঅ?”

যাত্রা 11:7

মাত্তর্‌ ইস্রায়েলীয়গুনো ভিদিরে এক্কো কুকুরো রঅয়ো শুনো ন-যেবঅ, সিবে মানুচ্ দেগিনে ওক্‌ বা য়েমান্‌ দেগিনে ওক্‌। সেক্কে তুমি জানি পারিবাদে, লগেপ্রভু মিসরীয় আর ইস্রায়েলীয়গুনোরে যুদো গুরি চায়।

যাত্রা 7:13

মাত্তর্‌ লগেপ্রভু তারারে যিয়েনি কোইয়্যে সিয়েন অলঅ। ফরৌণ মনান্‌ দরঅ ওই রলঅ; তে মোশি আর হারোণ কধা ন-শুনিলো।

যাত্রা 7:5

মুই যেক্কে মঅ বলান্‌ দেগেইনে মিসর্‌ দেজ ভিদিরেত্তুন্‌ ইস্রায়েলীয়গুনোরে নিগিলেই আনিম সেক্কে মিসরীয়গুনে বুঝি পারিবাক্, মুই লগেপ্রভু।”

যাত্রা 9:26

মাত্তর্‌ ইস্রায়েলীয়গুনে যিয়েনত্‌ থেদাক্‌ সে গোশন চাগালানত্ শিল্‌ ন-পড়িলাক্।

যাত্রা 9:4

মাত্তর্‌ মুই ইস্রায়েলীয়গুনোর য়েমান পালুনোরে মিসরীয়গুনোর য়েমান পালত্তুন্‌ যুদো গুরি চেম্‌। তারার্‌ যিদুক্কুন্‌ য়েমান আগন্‌ সিগুন এক্কোয়ো ন-মুরিবাক্।’ ”

দানিয়েল 2:19

রেদোত্ এক্কান দর্শনর্ মাধ্যমে সেই হবর্ ন-পেইয়্যে বেপারান্ দানিয়েল ইধু ফগদাং অলঅ। সেক্কে দানিয়েলে স্বর্গর গোজেনরে ভালেদি জানেল।

মথি লেখ্যে গম্ হবর্ 12:28

না, ইবে বেল্‌‌‌সবূলে নয়, মাত্তর্ গোজেনর্ আত্মা, যিবে মরে অসিজি আত্মাগুনোরে ধাবেবার্ খেমতা দিয়্যে, যিয়েন প্রমাণ ওইয়্যে যে গোজেন রেজ্যগান দঅ তমা কায়কুরে লুম্মেগি।

লূকে লেখ্যে গম্ হবর্ 11:20

না, ইয়েন বরং মুই যুনি গোজেন খেমতালোই অসিজি আত্মা আর ইয়েন প্রমান ওইয়্যেদে যে গোজেন রেজ্যগান দঅ তমা কায়কুরে এইচ্চ্যে।

যোহন 11:47

সেক্কে আজল্ ধর্মগুরুগুন্ আর ফরীশীগুনে দাঙর্ তেম্মাঙত্ মানুচ্চুনোরে থুবেইনে কলাক্, “আমি ইক্কিনে কি গুরিই? এ মানুচ্চো দঅ বোউত্ আমক্ কাম্ গরের্।

প্রেরিত্‌ 4:16

তারা কলাক্, “এ মানুচ্চুনোরে লোইনে আমি কি গুরিবোং? যিগুনে যিরূশালেমত্ বজত্তি গরন্ সিগুনে বেক্কুনে কোই পারন্ যে, ইগুনে এক্কান বিশেষ আমক্ অবার্ কাম্ গোজ্যন্, আর আমি সিয়েন অস্বীগের্ অ গুরি ন-পারিই।

১ শমূয়েল 6:3

তারা কলাক্, “তুমি যুনি ইস্রায়েলীয়গুনোর গোজেনর সুন্দুক্কো পাধেই দুয়ো সালে সুদোগুরি পাধেই নদুয়ো। তুমি হামাক্কাই তাইদু এক্কান দুষ-স্বীগের্ গোজ্যে লেগা পাধেই দিবা। সালে তুমি গম্‌ অবা আর জানি পারিবাদে, কিত্তে তার দরঅ আত্তান্‌ তঅ উগুরেত্তুন সোরেই ন-যার্‌।”

১ শমূয়েল 6:9

মাত্তর্‌ খিয়েল্‌ রাগেবা, সুন্দুক্কো যুনি নিজোর দেজছানর পথ্‌তান্‌ ধুরিনে বৈৎ-শেমশত্‌ যায় সালে বুঝিবাদে, আমা উগুরে এই জদবদে অমংলান লগেপ্রভুই আন্যে। মাত্তর্‌ যুনি সেই পদেন্দি ন-যায় সালে আমি বুঝি পারিবোঙে, আমা উগুরে এই আঘাত্তান্‌ তা আঢত্তুন ন-এজে, এম্‌নেই সিয়েন আমা উগুরে এচ্চ্যে।”