যাত্রা 8:18 - Chakma Bible

¹⁸ যাদু গুরিয়্যেগুনে তারার্‌ যাদুমন্ত্রলোই মশা আনিবার্‌ চেরেস্‌তা গুরিলাক্ মাত্তর্‌ ন-পারিলাক্। মানুচ্ আর য়েমানুনো উগুরে মশা পড়া ধুরিলাক্।

যাত্রা 8:18 Iomraidhean Croise

পত্থম 41:8

মাত্তর্‌ বেন্যে মাদান্ তা মনান কেন্‌জান্‌ চুলুবুল্যে ওই উদিলো। তে মানুচ্‌ পাদেইনে মিসর দেজ বেক্‌ যাদুগরুনোরে আর গোণোক্ক্যে গুনোরে ডাগি আনিলো। তে স্ববনত্‌ যিয়েন্‌ দেক্কে সিয়েন্‌ তারা ইধু কলঅ, মাত্তর্‌ কনজনে সিয়েন অত্তগান কোই দি ন-পারিলাক্।

যাত্রা 10:23

সেই তিন দিন সং কনজনে কাররে নয়ো-দেগিলাক্‌ আর ঘরানি ছাড়িনে কনজনে বারেন্দিয়ো ন-গেলাক্। মাত্তর্‌ ইস্রায়েলীয়গুনে যিয়েনত্‌ এলাক্‌ সিয়েনত্‌ পহ্‌র এলঅ।

যাত্রা 7:11

ফরৌণে সেক্কে জ্ঞানীগুনোরে আন মাত্তলে ধরেদে বাবোত্যে জিনিস কামত্‌ লাগেই পারন্দে মানুচ্চুনোরে, অত্তাৎ যাদু পারিয়্যেগুনোরে ডাগিলো। তারায়ো তারার যাদুমন্ত্রলোই একই কাম গুরিলাক্।

যাত্রা 7:12

তারা পত্তিজনে তারার লুদিক্কুন্‌ মাদিত্‌ ফেলেলাক আর সিগুন্‌ সাপ ওই গেলাক্, মাত্তর্‌ হারোণ লুদিক্কো তারার লুদিক্কুনোরে গিলি ফেলেল।

যাত্রা 8:7

যাদুকরুনেয়ো তারার্‌ যাদুমন্ত্রর বলে সেই এক্কুই কাম্‌ গুরিলাক্। তারায়ো মিসর্‌ দেজত্‌ বেঙ্‌ আনিলাক্।

যাত্রা 9:11

যাদু গুরিয়্যেগুনে মোশি মুজুঙোত্‌ ঠিয়্যেই ন-পারিলাক্, কিত্তে অন্য মিসরীয়গুনো ধোক্ক্যেন তারার্‌অ ফোড়া ওইয়োন্‌।

যিশাইয় 19:12

তর্ জ্ঞানী মানুচ্চুন্ ইক্কিনে কুদু? মিসর বিরুদ্ধে বেগত্তুন্ খেমতাবলা লগেপ্রভু যিয়েনি ঠিগ্ গোজ্যে সিয়েনি তারা নিজে জানদোক্ আর তরে কোদোক্।

দানিয়েল 4:7

যাদুকর, ভূদো ওঝা, জ্যোতিষী আর গোণোক্ক্যেগুনে মইদু এজানার পরেদি মুই তারা ইধু স্ববনান্ কলুং, মাত্তর্ তারা সিয়েনর ভেদ্‌তান্ কোই ন-পারিলাক্।

দানিয়েল 5:8

রাজার সেই বেক সল্লাদিয়্যেগুনে ভিদিরে এলাক্, মাত্তর্ তারা সেই লেগানি পড়ি বা রাজারে সিয়েনর ভেদ্‌তান্ কোই দি ন-পারিলাক্।

লূকে লেখ্যে গম্ হবর্ 10:18

যীশু তারারে কলঅ, “মুই শদানরে স্বর্গত্তুন্ আগাজ ঝিমিলেনি ধোক্ক্যেন্ গুরি পত্তে দেখ্যং।