যাত্রা 8:16 - Chakma Bible

¹⁶ সেক্কে লগেপ্রভু মোশিরে কলঅ, “হারোণরে তা লুদিক্কো তুলিনে মাদিত্‌ ধূল্যে উগুরে আঘাত্‌ গুরিবাত্তে কঅ। সেক্কে সে ধূল্যেগানি মশা ওইনে গোদা মিসর্‌ দেজ্‌ছানত্‌ ছিদি পড়িবাক্‌।”

যাত্রা 8:16 Iomraidhean Croise

গীতসংহিতা 105:31

তা কধালোই ঝাক্ ঝাক্ পুক্ এলাক্, তারার দেজত্ মশা ছিদি পড়িলাক্।

যাত্রা 4:23

মরে উবোসনা গুরিবাত্তে মর্‌ পত্তম পূয়োবোরে যেবার অনুমতি দিবাত্যে মুই তরে কোইয়োং। মাত্তর্‌ তুই তারে যেবাত্তে অনুমতি ন-দুয়োচ্‌ বিলি মুই তর্‌ পত্তম পূয়োবোরে মারে ফেলেবাত্তে যাঙর্‌।’ ”

যাত্রা 5:1

পরেদি মোশি আর হারোণে যেইনে ফরৌণরে কলাক্, “লগেপ্রভু, যিবে ইস্রায়েলীয়গুনোর্‌ গোজেন, তে কোইয়্যেদে, মঅ মানুচ্চুনে যেনে ধূল্যেচর-চাগালাত্‌‌ যেইনে মঅ নাঙে এক্কো মেইত্‌বান গুরি পারন সেনত্যে তারারে যেবাত্তে দে। ”

যাত্রা 8:15

মাত্তর্‌ বেঙ ভানাগানত্তুন্‌ রেহাই পেইনে ফরৌনে আরঅ তা মনান্‌ দর-মর গুরিনে মোশি আর হারোণ কধা কান ন-পাদিলো। লগেপ্রভু যিয়েনি কোইয়্যে সিয়েনই অলঅ।

যাত্রা 8:17

হারোণ আর মোশি সিয়েন গুরিলাক্। হারোণে তা আঢ্‌তান্‌ বাবেইনে লুদিক্কোলোই মাদিত্‌ ধূল্যেগান উগুরে আঘাত্‌ গুরিলো আর সেক্কে মানুচ্ আর য়েমানুনো ইধু মশা-ভানাগান দেগা গেলঅ। মিসর্‌ দেজর্‌ বেক্‌ ধূল্যেগানি মশা ওই গেলঅ।

যাত্রা 8:18

যাদু গুরিয়্যেগুনে তারার্‌ যাদুমন্ত্রলোই মশা আনিবার্‌ চেরেস্‌তা গুরিলাক্ মাত্তর্‌ ন-পারিলাক্। মানুচ্ আর য়েমানুনো উগুরে মশা পড়া ধুরিলাক্।

যাত্রা 8:5

সে পরেদি লগেপ্রভু মোশিরে কলঅ, “তুই হারোণরে এই কধাগান্‌ কবে, ‘মিসর দেজর্‌ বেক্‌ গাঙানি, ছড়ানি আর পৌরুনো উগুরে লুদিক্কো সুমুত্তো তর্‌ আত্তান্‌ বাবেইনে দেজ্‌ছানর্‌ উগুরেত্তুন্‌ বেঙুন্‌ তুলি আন্‌।’ ”