যাত্রা 7:19 - Chakma Bible

¹⁹ পরেদি লগেপ্রভু মোশিরে কলঅ, “হারোণরে কঅ যেনে তে তা লুদিক্কো আঢত্‌ লয় আর মিসরর বেক্‌ গাঙানি, ছড়ানি, পোরুন্‌ আর থুবেই রাগেয়্যে পানিগানিত্‌ তা আঢ্‌তান্ বাবেইনে ঘুরেই আনে। সেক্কে বেক্‌ পানিগান্‌ লো ওই যেবঅ। মিসর দেজ বেক্‌ জাগানি ইধু লো দেগা যেবঅ; এন্‌ কি, গাজ্‌সোই বানেয়্যে আর পাত্তর ছাড়িত্ থোইয়্যে পানিয়ো বাদ ন-যেবঅ।”

যাত্রা 7:19 Iomraidhean Croise

পত্থম 1:10

গোজেনে সে শুগুনো জাগায়ান নাঙান দিলো মাদি, আর সে জমা ওইয়্যে পানিয়ান্ নাঙান দিলো দোজ্যে সাগর। গোজেনে দেগিলদে সিয়েন জদবদে দোল্‌ ওইয়্যে।

২ রাজাবলী 4:29

সেক্কে ইলীশায় গেহসিরে কলঅ, “তঅ কাবড়ানি তঅ কমর্‌-বানোনিগানত্‌ গুজেই লঅ আর মঅ লুদিক্কো আঢত্‌ লোইনে আদি যাহ্। কারঅ লগে দেগা গুরিলে তারে ভালেদি নঅ-জানেবে আর কনজনে তরে ভালেদি জানেলে সিয়েনর্‌ জোব্‌ নঅ-দিবে। মঅ লুদিক্কো পুয়োবোর্‌ মূয়ো উগুরে থোই দিচ্‌।”

যাত্রা 10:12

পরেদি লগেপ্রভু মোশিরে কলঅ, “মিসর্‌ দেজ্‌ছান উগুরে তঅ আঢ্‌তান্‌ বাবেই দে। সেক্কে মাদত্‌ য়েল্‌ বেক্কানি, অত্তাৎ শিলো-ঝড়ত্তুন্‌ রেহাই পেইয়্যে বেক্কানি পুগ্-যুগ্‌কুনে এইনে হেই ফেলেবাক্।”

যাত্রা 10:21

পরেদি লগেপ্রভু মোশিরে কলঅ, “আগাজ কিত্তেদি তঅ আত্তান্‌ বাবেই দে। সেক্কে আত্তোই ধোজ্যেদে ধোক্ক্যেন আন্ধারত্‌ দেজ্‌চান্‌ ডুবি যেবগোই।”

যাত্রা 14:16

তুই তর্‌ লুদিক্কো তুলি নেযা আর বড়গাঙ উগুরে তর্‌ আত্তান্‌ বাড়েই দিইনে বড়গাঙানরে দ্বিভাগ গর্‌। সেক্কে বড়গাঙ ভিদিরে শুগুনো জাগার্‌ উগুরেদি ইস্রায়েলীয়গুনে আঢি যেবাক্‌।

যাত্রা 14:21

পরেদি মোশি বড়গাঙ উগুরে তার্‌ আত্তান্‌ বাড়েই দিলো; আর লগেপ্রভু গোদা রেত্তো ধুরিনে এক্কান পূগেন্দিত্তুন্ বোইয়্যের্‌ জোরে বেঈনে বড়গাঙর্‌ পানিগানরে দ্বিকিত্তেদি সোরেই দিলো। তে পানিগানরে দ্বিভাগ্‌ গুরিনেই বড়গাঙর্‌ ভিদিরেদি এক্কান্‌ শুগুনো পথ বানেই দিলো।

যাত্রা 14:26

সেক্কে লগেপ্রভু মোশিরে কলঅ‌, “বড়গাঙ উগুরে তর্‌ আত্তান্‌ বাবেই দে। সেক্কে পানিগান্‌ আরঅ‌ ফিরি এইনে মিসরীয়গুনো উগুরে আর তারার্‌ রথ্‌‌তানি আহ্ ঘোড়াবাহিনী উগুরে পড়িবো।”

যাত্রা 4:9

মাত্তর্‌ তারা যুদি এ দ্বিয়ানর্‌ এক্কান বিশ্বেজ্ ন-গরন বা তঅ কধানি ন-শুনোন্‌ সালে তুই নীল গাঙত্তুন্‌ কিজু পানি তুলি আনিনে মাদি উগুরে ঢালি দিবে। সেক্কে মাদি উগুরে সে পানিগান্‌ লো ওই যেবঅ।”

যাত্রা 8:16

সেক্কে লগেপ্রভু মোশিরে কলঅ, “হারোণরে তা লুদিক্কো তুলিনে মাদিত্‌ ধূল্যে উগুরে আঘাত্‌ গুরিবাত্তে কঅ। সেক্কে সে ধূল্যেগানি মশা ওইনে গোদা মিসর্‌ দেজ্‌ছানত্‌ ছিদি পড়িবাক্‌।”

যাত্রা 9:33

ইয়েন পরেদি মোশি ফরৌণ ইত্তুন্‌ গেলগোই। শঅরত্তুন্‌ নিগিলিনে তে লগেপ্রভু ইধু আঢ্‌তানি মিলিনে তবনা গুরিলো। সেক্কে আগাজ বাজ্ পড়ানা আর শিল্‌ পড়ানা থামেল। মাদি উগুরে ঝড় পড়ানায়ো থামেল।

যিশাইয় 19:10

জগৎ সংসারর্ বেক গড়াগান্ ভাঙি পুরিবো আর দিন-মজুর বেক্কুনে মনত্ দুঘ্ পেবাক্।

যিশাইয় 5:25

সেনত্তে লগেপ্রভুর রাগ্‌‌কান তা মানুচ্চুনো বিরুদ্ধে জুলি উঠ্যে; তে আঢ্ তুলিনে তারারে আঘাত্ গোজ্যে। মুড়ো-মুড়ি গির্‌‌গিরাদন্ আর মরাকিয়্যেনি পধত্ পেজা কুড়ো ধোক্ক্যেন্ পোজ্যে আঘে। ইয়েনর্ পরেদিয়ো তা রাগ্‌‌কান্ ন-থামায়, তে আঢ্ তুলি রাগেয়্যে।

হবক্‌‌‌‌কূক 3:8

ও লগেপ্রভু, গাঙানি উগুরে কি তুই বেজার্ ওইয়োচ্? তঅ রাগ্‌কান কি গাঙানি উগুরে পোজ্যে? তুই কি সাগর উগুরে অমকদ কাঙেলেত্যে ওইয়োচ্? সেনত্তে কি তুই তর্ ঘোড়াগুনোত্ আর তর্ জিদি যেইয়্যে রথ্‌তানিত্ চড়ি বেড়র্?