যাত্রা 7:16 - Chakma Bible

¹⁶ তারে কবে, ‘ইব্রীয়গুনোর্‌ গোজেন লগেপ্রভু মরে এ কধাগান্‌ কবাত্তে ত’ইধু পাদেয়্যে, তা মানুচ্চুনে যেনে ধূল্যেচর-চাগালাত্‌ তারে উবোসনা গুরি পারন সেনত্যে তুই যেন তারারে যেবাত্তে দুয়োচ্‌। মাত্তর্‌ তুই তা কধালোই এবঅ সং ন শুনোচ্‌।

যাত্রা 7:16 Iomraidhean Croise

যাত্রা 10:3

মোশি আর হারোণে সেক্কে ফরৌণ ইধু যেইনে কলাক্, “ইব্রীয়গুনোর্‌ গোজেন লগেপ্রভু কত্তে, ‘আর কয়দিন্‌ তুই মঅ মুজুঙোত্‌ মাঢাবো লোঙেবাত্তে অস্বীগের্‌ গুরিবে? মরে তবনা গুরিবাত্যে মঅ মানুচ্চুনোরে যেবাত্তে দে।

যাত্রা 13:15

ফরৌণে একগেয়েমি গুরি যেক্কে আমারে এবাত্তে ন-দের্‌ সেক্কে লগেপ্রভু মিসর দেজর্‌ মানেই আর য়েমানর্‌ পত্তি পত্তম মরদ পূয়োবোরে মারে ফেলেয়্যে। সেনত্তে মুই মর্‌ য়েমানুনোর্‌ পত্তি পত্তম চেলা ছঅবোরে লগেপ্রভুর্‌ নাঙে উৎসর্ব গরঙর্‌ আর মর্‌ পত্তম পূয়োবোরে ছাড়েই নেযাঙর্।

যাত্রা 14:5

মিসরর্‌ রাজা ফরৌণরে যেক্কে কুয়ো অলঅ‌, ইস্রায়েলীয়গুনে ধেই যেইয়োন্‌ সেক্কে তারা পৌইদ্যেনে ফরৌণ আর তার্‌ কাম্‌গুরিয়েগুনোর মনানি বুদুলি গেলঅ। তারা কলাক্ “ইয়েন্‌ আমি কি গুরিলোং? তারারে বিদেয়্‌ গুরি দিইনে দঅ আমি আমার্‌ বেক্‌ চাগরুন্‌ আরেলং।”

যাত্রা 3:12

গোজেনে কলঅ, “মুয়ই তঅ লগে থেইম্‌। তুই মিসর দেজত্তুন্‌ মানুচ্চুনোরে নিগিলেই আনিবে আর তুমি এ মুড়োবোত্‌ মঅ নাঙে উবোসনা গুরিবা। মুয়ই যে তরে পাদেলুং ইয়েনই অবঅ তইধু তার্‌ চিহ্নো।”

যাত্রা 3:13

সেক্কে মোশি গোজেনরে কলঅ “মাত্তর্‌ মুই যেইনে ইস্রায়েলীয়গুনোরে যেক্কে কোম্‌ তারার্‌ পুরোণি মানুচ্চুনোর্‌ গোজেনে মরে তারা ইধু পাদেয়্যে, সেক্কে তারা দগেনলে মরে পুযোর্‌ গুরিবাক্, ‘তা নাঙান্‌ কি?’ সে সময়োত্‌ মুই তারারে কি জোব্ দিম?”

যাত্রা 3:18

“ইস্রায়েলীয় বুড়ো নেতাগুনে তঅ কধানি শুনিবাক্। তুই আর তারা মিলিনে মিসর রাজাবো ইধু যেইনে কবাগোই, ‘ইব্রীয়গুনোর্‌ গোজেন লগেপ্রভু আমা লগে দেগা দিইনে কধা কোইয়্যে। সেনত্যে তুই দোয়্যে গুরিনে আমারে যেবাত্তে দে, যেনে আমি ধূল্যেচর-চাগালা ভিদিরেদি তিন দিনো পথ যেইনে আমা গোজেন লগেপ্রভুর্‌ নাঙে য়েমান্‌-উৎসর্ব গুরি পারিই।’

যাত্রা 4:22

সে পরেদি তুই ফরৌণরে কবে, লগেপ্রভু কোইয়্যে, ‘ইস্রায়েল মর্‌ পত্তম্ পূয়োবো।

যাত্রা 4:23

মরে উবোসনা গুরিবাত্তে মর্‌ পত্তম পূয়োবোরে যেবার অনুমতি দিবাত্যে মুই তরে কোইয়োং। মাত্তর্‌ তুই তারে যেবাত্তে অনুমতি ন-দুয়োচ্‌ বিলি মুই তর্‌ পত্তম পূয়োবোরে মারে ফেলেবাত্তে যাঙর্‌।’ ”

যাত্রা 8:1

সে পরেদি লগেপ্রভু মোশিরে কলঅ, “ফরৌণরে যেইনে এ কধাগান্‌ কোই দে, লগেপ্রভু কত্তে, ‘মরে উবোসনা গুরিবাত্যে মঅ মানুচ্চুনোরে যেবাত্তে দে।

যাত্রা 8:20

পরেদি লগেপ্রভু মোশিরে কলঅ, “তুই বেন্যেপোত্যে উদিবে আর ফরৌণে যেক্কে বারেদি গাঙ্‌ পার ঘাদত্‌ যেবঅ সেক্কে তুই তা মুজুঙোত্‌ যেইনে থিয়্যেবে। তারে কবে, লগেপ্রভু কত্তে, ‘মর্ উবোসনা গুরিবেত্যে মঅ মানুচ্চুনোরে যেবাত্তে দে।

যাত্রা 9:1

ইয়েন পরেদি লগেপ্রভু মোশিরে কলঅ, “ফরৌণ ইধু যেইনে কগোই, ইব্রীয়গুনোর গোজেন লগেপ্রভু কত্তে, ‘মর্‌ উবোসনা গুরিবাত্যে মঅ মানুচ্চুনোরে যেবাত্তে দে।

যাত্রা 9:13

সেক্কে লগেপ্রভু মোশিরে কলঅ, “তুই বেন্যেপোত্যে উদিনে ফরৌণ মুজুঙোত্‌ যেইনে থিয়্যেবেগোই, আর তারে কবেদে, ইব্রীয়গুনোর গোজেন লগেপ্রভু কোইয়্যেদে, ‘মর্‌ উবোসনা গুরিবাত্যে মঅ মানুচ্চুনোরে যেবাত্তে দে,

যিশাইয় 45:13

মর্ ন্যায্যতালোই মুই কোরসরে উত্তেজিত গুরিম; মুই তার বেক্ পথ্‌তান উজু গুরিম। তে মর্ শঅরান আরঅ বানেই দিবো, মর্ যে মানুচ্চুনে বন্দী এলাক্ তে তারারে ইরি দিবো মাত্তর্ তে কনঅ দাম বা বক্‌শিজত্তে সিয়েন ন-গুরিবো।’ বেগত্তুন্ খেমতাবলা লগেপ্রভু এ কধাগান কত্তে।”

যিরমিয় 50:33

বেগত্তুন্ খেমতাবলা লগেপ্রভু কোইয়্যেদে, “ইস্রায়েল আর যিহূদার মানুচ্চুনে অত্যেচারিত অদন্। যিগুনে তারারে ধোজ্যন্ তারা বেক্কুনে তারারে দরমর গুরি ধুরি রাগেয়োন, তারারে যেবাত্তে ন-দের্।