যাত্রা 6:8 - Chakma Bible

⁸ যে দেজ্‌চান্‌ দিবার শমক্‌ মুই অব্রাহাম, ইস্‌হাক আর যাকোব ইধু গোজ্যং সে দেজ্‌চানত্‌ মুই তমারে নেযেম আর সে দেজ্‌চানর্‌ অধিকারান্‌ মুই তমারে দিম। মুয়ই লগেপ্রভু।’ ”

যাত্রা 6:8 Iomraidhean Croise

পত্থম 14:22

জোবত্‌ অব্রামে সদোম রাজাবোরে কলঅ, “যে দাঙর আগাজ্‌চান আর পিত্‌থিমীগান বানেয়্যে সে দাঙর্‌ গোজেন লগেপ্রভুর নাঙে আত্‌ তুলিনে মুই শমত্ খেইনে কঙর্‌,

পত্থম 15:18

লগেপ্রভু সেদিন্যে অব্রামত্তে ইয়ান্‌ কোইনে এক্কান্‌ সুদোম্‌ রোক্ষ্যে গুরিলো, “মিসর গাঙত্তুন্‌ ধুরি আরাম্ভ গুরিনে বড়্‌ গাঙ্‌ ইউফ্রেটিস সং বেক্‌ দেজ্‌ছান্‌ মুই তঅ বংশবোরে দিলুং।

পত্থম 26:3

ইক্কিনে এ দেজত্‌ তুই কয়েক দিনোত্তে বজত্তি গুরিবে। মুই নিজে তঅ সমারে থেইনে তরে বর্ দিম। এ দেজ্‌ছানি মুই তরে আর তঅ বংশর্‌ মানুচ্চুনোরে দিম্‌। ইয়েন বাদে মুই তঅ বাব্‌ অব্রাহাম ইধু যে শমত্তান্‌ গোজ্যং সিয়েনঅ অদে অদে রাগেম্‌।

পত্থম 28:13

আর লগেপ্রভু সিয়েন উগুরে ঠিয়েইনে কলঅ, “মুই লগেপ্রভু। মুই তঅ পুরোণি মানুচ্‌ অব্রাহামর গোজেন আর ইস্‌হাকরঅ গোজেন। তুই যিয়েনত্‌ ঘুম যর্‌ সে দেজ্‌চান মুই তরে আর তঅ বংশর্‌ মানুচ্চুনোরে দিম্‌।

পত্থম 35:12

যে দেজ্‌ছান্‌ মুই অব্রাহামরে আর ইস্‌হাকরে দুয়োং সে দেজ্‌ছান্‌ মুই তরে দিম। সে দেজ্‌ছান্‌ মুই তঅ পরেদি তঅ বংশর্‌ মানুচ্চুনোরে দিম্‌।”

নহিমিয় 9:15

পেট্‌পরা বুগ্‌মারেবাত্তে তুই স্বর্গত্তুন্‌ তারারে হানা দুয়োচ্‌ আর পানিতিরেজ্ মারেবাত্তে পাত্তরত্তুন্‌ পানি নিগিলেই দুয়োজ্‌। যে দেজ্‌ছান দিবাত্তে তুই শমক্‌ খেইয়োজ্‌ সিদু যেইনে সিয়েন্‌ অধিকার্‌ গুরিবাত্তে তুই তারারে উগুম্‌ দুয়োজ্‌।

যাত্রা 13:5

যেক্কে লগেপ্রভু তমারে কনানীয়, হিত্তীয়, ইমোরীয়, হিব্বীয় আর যিবূষীয়গুনোর্‌ দেজত্‌ নেযেব সেক্কে তুমি বজরর্‌ এই মাস্যত্‌ এই অনুষ্ঠানান্ পালন গুরিবা। ইয়েনই সেই দেজ্‌ছান যিয়েন্‌ লগেপ্রভু তমারে দিবো বিলি তমার পুরোণি মানেইয়ুনো ইধু শমক্‌ গোজ্যে। সিয়েনত্‌ দুধ, মধু আর কনঅ‌ কিজুর্‌ অভাব নেই।

যাত্রা 32:13

তঅ চাগর্‌ অব্রাহাম, ইস্‌হাক আর ইস্রায়েলর কধা মনত্‌ তুল্। তুই নিজোর্‌ নাঙে শমক্‌ খেইনে তারারে কোইয়োচ্‌, তারার্‌ বংশধরুনোরে আগাজ তারা ধোক্ক্যেন গুণি ন-পুড়েইয়্যে গুরি তুলিবে আর তর্‌ শমক্‌ খেইয়্যে দেজ্‌চান পুরো বেক্কানই উমরর্ অধিকার ইজেবে তারার্‌ বংশধরুনোরে দিবে।

যাত্রা 6:2

গোজেনে মোশিরে আরঅ কলঅ, “মুই লগেপ্রভু।

যাত্রা 6:4

মুই তারাত্যে মর্‌ সুদোমান থিদেবর্ গোজ্যং। সে সুদোমত্‌ মুই কোয়োংগে, তারা বিদেশী ইজেবে যিয়েনত্‌ বজত্তি গুরিদাক্‌ সে কনান্‌ দেজ্‌চান্‌ মুই তারারে দিম।

যাত্রা 6:6

সেনত্যে তুই ইস্রায়েলীয়গুনোরে কোইদে, লগেপ্রভু কত্তে, ‘মুই লগেপ্রভু। মিসরীয়গুনোর দিয়্যে জদবদে কামানিত্তুন্‌ তমারে নিগিলেই আনিম। তারার্‌ চাগর্‌ কাদানাত্তুন্‌ মুই তমারে উদ্ধোর গুরিম। আত্‌ বাড়েইনে তারারে জদবদে সাজা-দিইনে মুই তমারে উদ্ধোর গুরিম।

যিহিষ্কেল 20:15

ইয়েনিবাদেয়ো সেই ধূল্যেচর-চাগালাত্ তারা ইধু মুই শমক্ হেইয়োঙ্, মর্ দিয়্যে দেজ্-যে দেজত্ দুধ, মধু আর কনঅ কিজুর্ অভাব নেই, যে দেজ্‌‌‌‌‌চান বেক্ দেজ্‌‌‌‌‌চানিত্তুন সেরা-সে দেজত্ মুই তারারে ন-নেযেম।

যিহিষ্কেল 20:23

সিয়েন বাদেয়ো ধূল্যেচর-চাগালাত্ মুই তারা ইধু শমক্ হেইয়োং, নানান্ জাদ আর দেজ ভিদিরে মুই তারারে ছিদি দিম,

যিহিষ্কেল 20:28

যে দেজ্‌‌‌চান দিবার শমক্ মুই তারা ইধু গোজ্যং সিদু নেযানার পরেদি যেক্কে তারা কনঅ অজল্ মুড়ো বা ডেলা ছিদি পোজ্যে য়েল্ গাজ দেগিলাক্ সিয়েনত্ তারা তারার এ্যামানুন উৎসর্ব গরা ধুরিলাক্। সেই উৎসর্বর অনুষ্ঠানান্ গুরিনে তারা মর্ অহুজি অনাগান জাগেই তুলিলাক্। ইয়েনি বাদেয়ো তারা সিয়েনত্ তারার তুম্বাজ্-আগর্‌বাট্টি জ্বালেলাক্ আর পানীয় উৎসর্বর অনুষ্ঠানান্ গুরিলাক্।

যিহিষ্কেল 20:42

তমা পুরোণি মানুচ্চুনো ইধু যে দেজ্‌‌‌‌‌চান দিবার শমক্ মুই গোজ্যং সেই ইস্রায়েল দেজত্ তমারে নেযানার পরেদি তুমি হবর্ পেবা যে, মুয়ই লগেপ্রভু।

যিহিষ্কেল 36:7

সেনত্তে মুই শমক্ হেইনে কঙর্, তমা চেরোকিত্তে জাদ্‌‌‌‌‌‌‌তুনেয়ো অগমান ভুগিবাক্।

গণাণা 10:29

ইয়েনর পরেদি মোশি তাঁর শুয়োর্‌বো মিদিয়োনীয় রূয়েলর পূঅ হোববকররে কলদে, “লগেপ্রভু যে দেজ্‌চান্‌ আমারে দিবো বিলি শমক্‌ গোজ্যে আমি সেই দেজ্‌চানন্দি যাহ্ ধুরির্। তুমি আমা লগে এজঅ। আমি তমার ভালেদি চেই, কিত্যে লগেপ্রভু ইস্রায়েলীয়গুনোরে বোউত্‌ ভালেদি গুরিবো বিলি শমক্‌ গোজ্যে।” (গর্বা মাদানা)

গণাণা 11:12

মুই কি এই বেক্‌ মানুচ্চুনোরে পেদত্‌ ধোজ্যং? মুই কি ইগুনোরে পুদেয়োং? তুই তারার পুরোণি মানুচ্চুনো ইদু যে দেজ্‌চান্‌ দিবার্‌ শমক্‌ খেইয়োচ্‌ সিয়েনত্‌ কিত্তেই তুই মরে সাদাঙা-বাব ধোক্ক্যেন গুরি তারারে বুগোদ্‌ গুরি নেযেবাত্তে কোইয়োচ?

গণাণা 14:30

বজত্তি গুরিবাত্তে যে দেজ্‌চান্‌ তমারে দিম্‌ বিলি মুই শমক্‌ গোজ্যং বানা যিফুন্নির পূঅ কালেবে আর নূনোর পূঅ যিহোশূয়ো বাদে আর কনজনে সেই দেজত্‌ চোমেই ন-পারিবাক।

গণাণা 23:19

গোজেনে দঅ মানুচ্‌ নয়দে যে, মিজে কধা কবঅ; মানুজোত্তুন্‌ তার্‌ জর্ময়ো নয় যে, তে মন বোদোলেব। তে যিয়েনি কবঅ সেধোক্ক্যেন গুরিবো, তার এগেমানি তে আমিঝে পূরোণ গরে।

দ্বি’লম্বর বিররণ 32:40

মুই আত্‌ তুলিনে শমক্‌ হেইনে কঙর্, মর্‌ জীংকানির্ এগেম,

দ্বি’লম্বর বিররণ 4:31

তমা গোজেন লগেপ্রভু দোয়্যেবলা; তে তমারে ফেলেইনে ন-যেবঅ বা ভস্ত ন-গুরিবো, বা শমক্‌ খেইনে তমা পুরোণি মানুচ্চুনোত্তে যে সুদোমানি থিদেবর্ গোজ্যে সিয়েনি ভুলি ন-যেবা।

যিহোশূয় 24:13

যে ভূইয়ানত্‌ তুমি কনঅ কাম্‌ ন-গরঅ আর যে শঅর্‌ আর আদামানি তুমি ন-বানঅ মুই সিয়েনি তমারে দিলুং। তুমি সে শঅর্‌ আর আদামানিত্‌ ইক্কিনে বজত্তি গরর্‌; সিয়েনবাদে যে আংগুরো ক্ষেত্‌তানি তুমি ন-গরঅ আর যে জলপাই গাজ্‌ছুন্‌ তুমি ন-লাগঅ সিগুনোর ফলুনো তুমি খর্‌।”

ফগদাং পেইয়্যে 10:6

যিবে উমর সং জেদা আঘে আর আগাজ্, পিত্‌থিমী, দোজ্জ্যে সাগর আর সিয়েনি ভিদিরে যিয়েনি আঘে সিয়েনি সৃট্টি গোজ্জ্যে, তা নাঙে শমক্ খেইনে সেই স্বর্গদূত্‌তো কলঅ, “আর দেরি ন-অবঅ।

১ শমূয়েল 15:29

যিবে ইস্রায়েলর বাঈনী পেবার্ তে মিজে কধা ন-কয় বা মনান্অ ন-বদলায়। তে মানুচ্ নয়দে যে, মনান্অ বোদোলেব।”