যাত্রা 6:5 - Chakma Bible

⁵ মিসরীয়গুনে ইস্রায়েলীয়গুনোরে চাগর্‌ বানেইনে রাগেয়োন্। তারার্‌ কানানি শুনিনে সে সুদোমর্‌ কধাগান মুই চিদে গুরিলুং।

যাত্রা 6:5 Iomraidhean Croise

পত্থম 8:1

জাহাজত্‌ নোহ আর তা লগে যিদুক্কুন ঘোর্‌বো আর ঝাড়্‌বো য়েমান এলাক্ গোজেনে তারারে মনত্‌ রাগেয়্যে। তে পিত্‌থিমীয়ান উগুরে বোইয়্যের্‌ পাদেল, সেক্কে পানি কমা ধুরিলো।

পত্থম 9:15

আর সেক্কে তর্‌ আর বেক্‌ য়েমানুনোত্তে মর্‌ এ সুদোমর কধানি মুই মনত্‌ গুরিম্‌। সেনত্তে পানি বান্‌দোই আর কনদিন বেক্‌ পরান্‌‌‌‌‌বলাগুনোরে শেজ্ ন-গুরিম।

গীতসংহিতা 105:8

যে কধানি উগুম তে দিয়্যে আজার আজার বংশত্তে, তার সেই সুদোমর কধানি তে উমরত্যে ইদোত্ রাগেব।

যাত্রা 2:23

ইয়েনর্ বোউত্‌ দিন পরেদি মিসর রাজাবো মুরি গেলঅ। ইন্দি ইস্রায়েলীগুনে তারার্‌ গোলামী খাদদে খাদদে অরান্ ওইনে কানা দোজ্যন্‌। ইয়েনত্তুন্‌ উদ্ধোর্‌ পেবাত্তে তারার্‌ এই কানা-কুদিগানি গোজেন ইধু যেইনে লুমিলো।

যাত্রা 2:24

গোজেনে তারার্‌ কানা-কুদিগানি শুনিলো আর অব্রাহাম, ইসহাক আর যাকোবত্তে যে সুদোমান তে থিদেবর্ গোজ্যে সে কধাগান চিদে গুরিলো।

যাত্রা 3:7

লগেপ্রভু কলঅ, “মিসর দেজত্‌ মঅ মানুচ্চুনো উগুরে যে অত্যেচার অর্‌ সিয়েন মর্‌ চোগোর বারেদি নয়। মিসরীয় সদ্দারুনোর্‌ অত্যেচারত্‌ ইস্রায়েলীয়গুনে যে কানা-কুদি গরদন্ সিয়েন মুই শুন্যং। তারা দুগোর্‌ কধানি মুই হবর্‌ পাং।

যাত্রা 5:4

জোবত্‌ মিসর রাজাবো তারারে কলঅ, “মোশি আর হারোণ, তুমি কামানিত্তুন্‌ মানুচ্চুনোর্‌ মনানি ভাঙি দুয়োর্‌ কিত্তে? যঅ, তুমি কামত্‌ ফিরি যঅ।

যিশাইয় 63:9

তারার বেক্ দুঘ্‌‌খানিত্ তেয়ো দুঘ্ পেলঅ আর তার্ হবর্ কোইয়্যেবো তারারে উদ্ধোর্ গুরিলো। তার কোচ্‌পানা আর দোয়্যেই তে তারারে উদ্ধোর্ গুরিলো; আগ কালত্ বেক্ দিনুনোত্ তে তারারে তুলিনে বুয়োই নিলো।‌‍‍‍‌‍‍‍

লূকে লেখ্যে গম্ হবর্ 1:54

তে আমা পূরোণি মানুচ্চুনো ইধু যে এগেম্ গোজ্যে, সেবাত্যেগুরি তে তার্ চাগর্ ইস্রায়েলরে সাহায্য গোজ্যে। অব্রাহাম আর তা গুট্টির্ মানুচ্চুনো উগুরে জনম্‌ভরা দোয়্যে গুরিবার্ কধা তে মনত্ রাগেয়্যে।”

লূকে লেখ্যে গম্ হবর্ 1:72

তে আমা পূরোণি মানুচ্চুনোরে দোয়্যে গুরিবাত্তে আর তার পবিত্র বেবস্থা, অত্তাৎ তা শমথতান্ পূরেবাত্তে আমারে রোক্ষ্যে গোজ্যে।