যাত্রা 6:26 - Chakma Bible

²⁶ এই হারোণ আর মোশিরে লগেপ্রভু কোইয়্যেদে যেনে তারা সৈন্যগুনো ধোক্ক্যেন গুরি ইস্রায়েলীয়গুনোরে মিসর দেজত্তুন্‌ নিগিলেই আনন্‌।

যাত্রা 6:26 Iomraidhean Croise

পত্থম 2:1

এধোক্ক্যেনগুরি আগাজ্‌চান আর পিত্‌থিমীগান আর ইয়েন ভিদিরে বেক্কানি বানানা থুম্‌ অলঅ।

১ বংশধর 6:3

অম্রাম পুয়োগুন অলাক্‌ হারোণ, মোশি আর মরিয়ম। হারোণ পুয়োগুন অলাক্‌ নাদব, অবীহূ, ইলিয়াসর আর ঈথামর।

গীতসংহিতা 77:20

মোশি আর হারোণরে দিইনে ভেড়া পাল ধোক্ক্যেন গুরি তুই তঅ মানুচ্চুনোরে চোড়েয়োচ্।

গীতসংহিতা 99:6

তা ধর্মগুরুগুনোর্ ভিদিরে অলাক্ মোশি আর হারোণ; যিগুনে তাইদু তবনা গুরিদাক্ তারার ভিদিরে এলদে শমূয়েল। মোশি, হারোণ আর শমূয়েলে লগেপ্রভুরে ডাগিদাক্ আর তে তারারে জোব্ দিদো।

যাত্রা 12:17

সদানেইয়্যে এই পরপ্‌পো এক্কো উমরর্ সুদোম ইজেবে তুমি বংশর পর্‌ বংশ ধুরিনে পালেবা, কিত্তে এ দিনোত্‌ সৈন্যদলুনো ধোক্ক্যেন গুরি মুই মিসর দেজত্তুন্‌ তমারে নিগিলেই আনিম্‌।

যাত্রা 12:41

চেরশঅ ত্রিশ বজর্‌ শেজ অবার দিন্নোত্‌ লগেপ্রভুর বেক্‌ মানেইয়ুন সৈন্যদল ধোক্ক্যেন গুরি মিসর্‌ দেজ্‌চান ফেলেইনে নিগিলি এচ্ছোন্।

যাত্রা 12:51

লগেপ্রভু সেদিন্যেই সৈন্যদল ধোক্ক্যেন গুরি ইস্রায়েলীয়গুনোরে মিসর দেজত্তুন্‌ নিগিলেই আনিলো।

যাত্রা 13:18

সেনত্তেই গোজেনে ধূল্যেচর চাগালার্ ভিদিরেদি লোহিত সাগর মোক্কে লোই‌ গেলঅ। ইস্রায়েলীয়গুনে সৈন্যদল ধোক্ক্যেন গুরি মিসর দেজত্তুন্‌ নিগিলি গেলাক্।

যাত্রা 20:2

ও ইস্রায়েলীয়গুন্‌, মুই লগেপ্রভু তমার্ গোজেন। মিসর্‌ দেজর্‌ চাগর্‌ খাদানাত্তুন্‌ মুয়ই তমারে নিগিলেই আন্যং।

যাত্রা 32:1

মুড়োবোত্তুন লামি এত্তে মোশির্‌ দেরি অর্‌ দেগিনে মানুচ্চুনে হারোণর্‌ চেরোকিত্তে এগত্তর্‌ ওইনে কলাক্‌, “পথ্‌ দেগেইনে নেযেবাত্তে তুই‌ আমারে ভুত্‌-দেবেদা বানেই দে কিত্তে সেই মোশি, যে আমারে মিসর দেজত্তুন্‌ নিগিলেই আন্যে, তার্‌ কি ওইয়্যে আমি হবর্‌ ন-পেই।”

যাত্রা 32:11

মোশি সেক্কে তার গোজেন লগেপ্রভুরে কোজোলী গুরিনে কলঅ‌, “লগেপ্রভু, তর্‌ খেমতাবলা আত্তান্‌ বাবেইনে দাঙর্‌ বল্লোই যিগুনোরে তুই মিসর্‌ দেজত্তুন্‌ নিগিলেই আন্যচ্‌ তর্‌ সেই মানুচ্চুনো উগুরে কিত্তেই তর্‌ এদক্‌ রাগ্‌?”

যাত্রা 32:7

ইয়েনত্যে লগেপ্রভু মোশিরে কলঅ‌, “তুই তলেন্দি লামি যাহ্। তর্‌ সেই বেক্‌ মানুচ্চুনে যিগুনোরে তুই মিসর্‌ দেজত্তুন্‌ নিগিলেই আন্যচ্‌ তারা অমহদ বেশ্ ওইয়োন্‌।”

যাত্রা 6:13

সেক্কে লগেপ্রভু মোশি আর হারোণরে কলঅ, “তুমি ইস্রায়েলীয়গুনোরে আর মিসর রাজা ফরৌণরে জানেবা, লগেপ্রভু তমারে যে উগুম দিয়্যে যেনে তুমি ইস্রায়েলীয়গুনোরে মিসরত্তুন্‌ নিগিলেই নেযঅ।”

যাত্রা 6:20

অম্রমর পূয়োগুন্‌ অলাক্ হারোণ আর মোশি। অম্রম তা বাবর্‌ বোন যোকেবদরে লোইয়ে আর তা পেদত্‌ ইগুনোর্‌ জর্ম ওইয়্যে। অম্রম একশ সাত্রিশ বজর বাঁজি এলঅ।

যাত্রা 6:7

সে পরেদি মর্‌ নিজোর্‌ মানুচ্ ইজেবে মুই তমারে মানি লোম আর তমার্‌ গোজেন ওম্‌। সেক্কে তুমি জানি পারিবাদে, মুয়ই লগেপ্রভু তমার্‌ গোজেন, আর মিসরীয়গুনোর্‌ অমকদ চাগর্ কাদানাত্তুন্ মুয়ই তমারে নিগিলেই আন্যং।

মীখা 6:4

মুই মিসর দেজত্তুন্ তমারে নিগিলেই আন্যং, চাগর অবস্থাত্তুন্ তমারে উদ্ধোর্ গোজ্যং। তমারে বল্ দিবাত্তে মোশি, হারোণ আর মরিয়মরে পাদেয়োং।

গণাণা 33:1

মোশি আর হারোণর পরিচালনায় ইস্রায়েলীয়গুনে সৈন্যদল ধোক্ক্যেন গুরি মিসর দেজত্তুন্‌ নিগিলি এজানার্‌ পরেদি নানান্‌ জাগাত্‌ জিরেই জিরেই যেইয়োন।

যিহোশূয় 24:5

সে পরেন্দি মুই মোশি আর হারোণরে পাদেলুং। মঅ কাম্বোই মুই মিসরীয়গুনোরে আঘাত গুরিলুং, আর সে পরেন্দি মুই তমারে নিগিলেই আনিলুং।

১ শমূয়েল 12:6

শমূয়েলে মানুচ্চুনোরে আরঅ কলদে, অয়, লগেপ্রভুই সাক্ষী, যিবে মোশি আর হারোণরে নেযেয়্যে আর তমার পুরোণি মানুচ্চুনোরে মিসর দেজত্তুন্‌ নিগিলেই আন্যে।

১ শমূয়েল 12:8

যাকোবে মিসর দেজত্‌ গেলঅ, আর পরেন্দি যেক্কে তমার পুরোণি মানুচ্চুনে লগেপ্রভুর ইদু কানাকুদি গুরিলাক্ সেক্কে লগেপ্রভু মোশি আর হারোণরে পাধেই দিলো। তারা মিসর দেজত্তুন্‌ তমার পুরোণি মানুচ্চুনোরে নিগিলেই আনিলাক্ আর এই দেজত্‌ তারারে বজত্তি গুরিবার বেবস্থা গুরিলো।