যাত্রা 6:13 - Chakma Bible

¹³ সেক্কে লগেপ্রভু মোশি আর হারোণরে কলঅ, “তুমি ইস্রায়েলীয়গুনোরে আর মিসর রাজা ফরৌণরে জানেবা, লগেপ্রভু তমারে যে উগুম দিয়্যে যেনে তুমি ইস্রায়েলীয়গুনোরে মিসরত্তুন্‌ নিগিলেই নেযঅ।”

যাত্রা 6:13 Iomraidhean Croise

গীতসংহিতা 91:11

কিত্তে তে তার দূত্‌তুনোরে তঅ পৌইদ্যেনে উগুম দিবো যেন বেক্কানিত্তুন্ তারা তরে রোক্ষ্যে গরন্।

যাত্রা 6:12

জোবত্‌ মোশি লগেপ্রভুরে কলঅ, “মাত্তর্ ইস্রায়েলীয়গুনে যুনি মঅ কধা ন-শুনোন্‌ সালে ফরৌণে মঅ কধালোই কান্‌ দিবো কিত্যে, মঅ কধানি যেক্কেনে হনত্‌ বাজে?”

যাত্রা 6:14

ইগুনে এলাক রূবেণ, শিমিয়োন আর লেবি-গুট্টির বংশর্‌ আজলুন্: ইস্রায়েল দাঙর্‌ পূয়ো রূবেণ পূয়োগুন্‌ অলাক হনোক, পল্লু, হিষ্রোণ আর কর্মি। ইগুনে রূবেণ গুট্টির বংশধর এলাক্।

যাত্রা 6:26

এই হারোণ আর মোশিরে লগেপ্রভু কোইয়্যেদে যেনে তারা সৈন্যগুনো ধোক্ক্যেন গুরি ইস্রায়েলীয়গুনোরে মিসর দেজত্তুন্‌ নিগিলেই আনন্‌।

গণাণা 27:19

তুই তারে ধর্মগুরু ইলিয়াসর আর ইস্রায়েলীয়গুনো মুজুঙোত্‌ আঝিল্ গুরিনে তারা মুজুঙোত্ তারে কামর্‌ ভারান্‌ দে।

গণাণা 27:23

সে পরেদি লগেপ্রভুর উগুম মজিম তা উগুরে আত্তান্‌ রাগেইনে তারে কামর্‌ ভারান্‌ দিলো।

মথি লেখ্যে গম্ হবর্ 4:6

“তুই যুনি গোজেনর্ পুয়ো অচ্ সালে ঝাম্ দিইনে তলেদি পড়্, কিয়া পবিত্র বোইবোত্ লেঘা আঘে, গোজেনে তা দূত্তুনোরে তঅ পৌইদ্যেনে উগুম দিবো; তারা তরে আঢ্‌তোই ধুরি ফেলেবাক্ যেনে তঅ টেঙত্ পাত্তর আঘাত্ ন লাগে।”

দ্বি’লম্বর বিররণ 31:14

ইয়েনর্ পরেন্দি লগেপ্রভু মোশিরে কলঅ, “তর্‌ মরণর দিন্নো ঘোনেই এস্যে। যিহোশূয়রে ডাগি নেযেইনে তুই মিলন-তাম্বুলোত যাহ্। সিয়েনত্ মুই তারে তার্‌ কামর্‌ ভারান্‌ দিম্‌।” সেনত্যেই মোশি আর যিহোশূয় মিলন-তাম্বুলোত্‌ লগেপ্রভুর মুজুঙোত্‌ আঝিল্ অলাক্‌।

১ তীমথিয় 1:18

কোচ্‌পেইয়্যে পুয়ো তীমথিয়, তঅ পৌইদ্যেনে অন্যগুনে ভাববাদী ইজেবে যে কধানি কোইয়োন সেই কধা মজিম মুই তরে এ উগুমান দুয়োঙর্। সেই কধানি ইদোত্ রাগেইনে তুই খ্রীষ্টর পক্ষে মনেপরাণে যুদ্ধো গুরি যাহ্,

১ তীমথিয় 5:21

গোজেন আর খ্রীষ্ট যীশু আর বেঈ লোইয়্যে স্বর্গদূত্‌‍‍‍ত‌‍‍ুনো মুজুঙোত্ মুই তরে এ উগুমান দুয়োঙর্-কারঅ পক্ষ ন-লোইনে ইয়েনি বেক্কানি গুরিবে আর একচোক্ক্যে ওইনে কনঅ কাম ন-গুরিচ্।

১ তীমথিয় 6:13

গোজেন, যিবে বেক্কুনোরে জিংকানি দান গরে আর খ্রীষ্ট যীশু, যিবে পন্তীয় পীলাত মুজুঙোত্ সত্যর্ পৌইদ্যেনে সাক্ষ্য দিয়্যে, সেই গোজেন আর খ্রীষ্ট যীশুর্ মুজুঙোত্ মুই তরে এ উগুমান দুয়োঙর্-

১ তীমথিয় 6:17

যিগুনে এ জগদত্ থাগোইয়্যে তারারে এ উগুমান দে যেন তারা দেমাগ্ ন-গরন আর কানগ্‌‌কন্ন্যে ধন উগুরে নির্ভর ন-গুরিনে গোজেন উগুরে নির্ভর গরন। তেয়ই ভোগ্ গুরিবাত্যে বেক্ জিনিস্‌‌চানি খুলো আঢে আমারে দান গরে।

২ তীমথিয় 2:4

যুদ্ধ গুরিবাত্যে যেইনে কেঅ সংসারর্ চিদে-চজ্জা ন-গরন্, যেন সৈন্য ইজেবে যিবে তারে ভর্তি গোজ্জ্যে তারে তে হুজী গুরি পারে।

২ তীমথিয় 4:1

খ্রীষ্টর্ ফিরি এজানা আর তা রেজ্য পৌইদ্যেনে মনত্ রাগেইনে গোজেন মুজুঙোত্ আর যিবে জেদা আর মরাগুনোর্ বিচের্ গুরিবো সেই খ্রীষ্ট যীশুর্ মুজুঙোত্ মুই তরে এ উগুমান দুয়োঙর্-