যাত্রা 5:8 - Chakma Bible

⁸ মাত্তর্‌ যুনিয়ো তারা আগে যিদুক্কুন্‌ ইট বানেদাক্‌ ঠিগ্ সিদুক্কুন তুমি তারাত্তুন্‌ গুণি লবা, এক্কোয়ো ন-কোমেবা। মানুচ্চুন্‌ আল্‌সি বিলিনে তারা যেইনে তারা গোজেন নাঙে য়েমান্‌ উৎসর্ব গুরিবার্‌ কধানিলোই রঅ ছারদন্।

যাত্রা 5:8 Iomraidhean Croise

গীতসংহিতা 106:41

তে অন্য জাদ্‌তুনো আদত্ তারারে তুলি দিলো; তারারে ঈচ্ গুরিয়্যেগুনে তারারে শাজন্ গরা ধুরিলাক্।

যাত্রা 1:11

সেনত্যে অমকদ কামত্‌ খাদেইনে ইস্রায়েলীগুনো উগুরে অত্যেচার্ গুরিবার আজাই মিসরীয়গুনে তারা উগুরে সদ্দার্ নেযেলাক্। ফরৌণর শোজ্যগুন থুবেবাত্যে ইস্রায়েলীয়গুনে পিথোম আর রামিষেষ নাঙে দ্বিয়ান শঅর্‌ বানেলাক্।

যাত্রা 5:17

জোবত্‌ ফরৌণে তারারে কলঅ, “তুমি আল্‌সি, এদক্‌ কি আল্‌সি। সেনত্যে তুমি কত্তে, ‘লগেপ্রভুর্‌ নাঙে য়েমান্‌ উৎসর্ব গুরিবাত্তে আমারে যেবাত্তে দে।’

যাত্রা 5:19

সেক্কে ইস্রায়েলীয় পরিচালক্কুনে বুঝিলাক্, তারা দজাদ্‌ পোজ্যন্‌, কিত্তে তারারে কুয়ো ওইয়্যেদে আগে দিনপত্তি তারা যিদুক্কুন্‌ ইট বানেদাক্‌ ইক্কিনেয়ো ঠিগ্ সিদুক্কুন্‌ বানা পড়িবো।

যাত্রা 5:7

“ইট বানেইয়্যে মানুচ্চুনোরে তুমি আর দার্‌বো ন-দিবা। তারা নিজেই নিজো দার্‌বো থোগেই নেযেবাক্।

যাত্রা 5:9

তুমি তারা উগুরে আরঅ জদবদে কাম্‌ চাপি দুয়ো, যেনে মিজে কধালোই কান্‌ ন-পাদিনে তারা কামত্‌ মুদ্‌ধুবি থান।”